ميجان 2005 / 2006

**roma_romio2000** · 04-08-2011 06:21 PM

مساء الخير على احلى منتدى فى الدنيا ........ واحب اقولكم كول سنه وانتم طيبين و بالف خير وسلامه ورمضان كريم

يا جماعه انا عاوز رايكم و مساعدتكم انا كنت بفكر اجيب برتون جين 2 وبصراحه بعد ما عملت كل الاجراءت رجعت فى كلامى لانى كنت قلقان منها. المهم انا معجب جدا بالميجان وانا عاوز اجيبها مستعمله فى حدود 55000 واخرى 60000 و عاوزكم تفدونى.

المهم ان فى واحد صحبى قلقنى منها عشان الصيانه بتاعتها... بس هيا عجبانى وانا قولت اسال اهل الخبره وعاوز مشورتكم و اعمل ايه وانا بشتريها واحسن مكان اجيبها منه فين ولا انزل السوق والكلام ده. وطبعا عاوز رايكم فى الوكيل بتعها. معلومه انا دى هتبقى اول مره اشترى فيها عربيه ومش ناوى ابيعها قبل 5 او 7 سنين ويمكن اكتر انشاء الله.

وشكرا ليكم جدا جدا

**roma_romio2000** · 05-08-2011 03:51 AM

ايه يا جماعه مافيش حد هنا يقولى وجه نظرو ولا ايه

حد يفدنى يا رجاله

**shawkylotfy** · 05-08-2011 04:04 AM

نصيحة لوجة اللة ابعد عن الميجان انا معايا عربيتى من 4 شهور ومطلعا عينى ونفسى ابيع

**yalahwy2010** · 05-08-2011 05:04 AM

انا شابف ان الموضوع قرف
لو وقعت على عربية حلوة ....هتتبسط منها جدا
انا معايا العربية بقالها 3 سنين والحمد لله شبلانى ومستحملانى

**scraper2012** · 05-08-2011 07:49 AM

العربية ممتازة , بس لازم تجرب فيها كل حاجة قبل ما تشتري لازم تكشف عليها كويس,

أي عربية مستعملة لازم تلاقي فيها مشاكل, بس مشاكل عن مشاكل تفرق

انا معجب جداً بعربيتي ولله الحمد

**roma_romio2000** · 08-08-2011 11:14 PM

الف شكر يا رجاله ..... انا فعلا معجب بالميجان وعاوز اجيبها بس كنت عاوز اعرف برضوا هيا بتعمل كام مستعمله انا انشاء الله هجيبها موديل 2005 او 2006 وياريت لو تقولولى الفرق بينهم ايه

**yalahwy2010** · 09-08-2011 12:05 AM

لو 2005 ومش بانوراما تعملها من 55000 الى 60000
لو بانوراما تزيد من 3000 الى 4000
لو 2006 من 60000 الى 65000 ....وحسب الحالة والكشف
بس عموما هى ماتنزلش عن 55000 لو حالتها كويسة
ولازم تتأكد من الكيلوات فى توكيل المقطم
والصيانات بتاعتها....وحالتها من الشكل الخارجى .الصالون وكدة.....والتقرير اللى بيتعمل فى التوكيل..مهم جدا
وبالتوفيق

**amr_elbazz** · 09-08-2011 05:39 AM

المشاركة الأصلية كتبت بواسطة yalahwy2010

ولازم تتأكد من الكيلوات فى توكيل المقطم
والصيانات بتاعتها....وحالتها من الشكل الخارجى .الصالون وكدة.....والتقرير اللى بيتعمل فى التوكيل..مهم جدا
وبالتوفيق

+1111111111
الميجان لو سليمة ومعمول لها صيانتها صح وفى موعيدها ويا ريت لو ماشية كيلو متر قليل قدر الامكان هتستمتع بيها جدا جدا عربية شيك واوبشن عالى وهتستفيد من سعرها الى هو اقل من قيمتها الفعلية
بس لو مش سليمة او متهانة هتتعب معاها كتير و هتكرة العربية بجد
وبالتوفيق انشاء الله

**amr_elbazz** · 09-08-2011 06:01 AM

المشاركة الأصلية كتبت بواسطة shawkylotfy

نصيحة لوجة الله ابعد عن الميجان انا معايا عربيتى من 4 شهور ومطلعا عينى ونفسى ابيع

سوال لو سمحت
هو حضرتك كشفت على العربية فى التوكيل قبل ماتشتريها ؟؟؟

**mouraddesk** · 09-08-2011 04:37 PM

عربيات محترمة جدا جدا جدا و لو ركبتها بشرط انها تكون نظيفه عمرك ما هتعرف تركب غيرها و بعدين عندى تعليق على موضوع الصيانة بص يا سيدى الصيانة مش غاليه زى ما انت فاكر لو كنت هتعمل بره التوكيل و قطع الغيار متوفرة و مش غاليه بس الصنايعى اللى بيشتغل و بيفهم فيها قليل و بالنسبة للميكانيكا بتاعتها زى اى عربية انما الكهرباء هى اللى حدوته لازم حد فاهم فيها مش بتوع قص و الزق و ركب كتاوت اما بالنسبة لموضوع كشف التوكيل ده فعلا مطلوب و حكاية الكيلو متر دى كلنا عارفين انه بتلعب فيه و الوحوش هنا رجاله و جدعان زى عمنا ايمن مومو و الجنرال و عبد المقصود و كلهم بيقفوا جنب اى ميجناوى جديد و يطمنوه و يساعدوه فى اى حاجه و الكلام ده عن ثقة و تجربة توكل على الله و هات ميجان و الف مبروك مقدما

الموضوع: ميجان 2005 / 2006

LinkBack

أدوات الموضوع

عرض

-

-

-

-

المواضيع المتشابهه

مقارنة بين ميجان 2007 و ميجان 2005/2006 و كلام غريب

النترا 2004-2006 ولا رينو ميجان 2005 ولا اوبترا 2006 !!!؟؟

في حدود 65000 ميجان 2005 2006 او النترا 2006

مطلوب ميجان 2005 او 2006

مطلوب .. ميجان .. 2005 / 2006

الكلمات الدلالية لهذا الموضوع

المفضلات

المفضلات

ضوابط المشاركة