شوية اسئلة للسادة الأعضاء

**mm_champion** · 05-08-2011 01:57 AM

السلام عليكم ورحمة الله

يشرفني أن دي أول مشاركة ليا في المنتدى في قسم سيارات اللوجان وكان ليا بعض الأسئلة لأني استقريت على شراء هذه السيارة إن شاء الله

1- سعر السيارة الهاف اوبشن في مصر كام الآن
2- افضل مكان لشراء تلك السيارة - علماً بأني فكرت ان اشتريها من المصرية للسيارات في مصر الجديدة عشان قريبة من سكني
3- استلام العربية بيبقى بعد كام يوم من حجزها تقريبا

**MOUSTAFA_SAAD** · 05-08-2011 02:02 AM

مبروك مقدما
66 الف جنيه
الافضل التوكيل طبعا بس حيركنك 4 شهور وبعد كده محمد زكى بعد كام يوم وبعد كده سمير ريان وهو ارخصهم فى السعر وانا عن نفسى شارى منه
استلم وانا واقف وروحت بيها

**mm_champion** · 05-08-2011 04:10 AM

شكرا على ردك يا استاذ مصطفى :)

لا اربع شهور اييييه , دا انا هكون نسيت السواقة وخللت هههههههه
لا ياســـلام لو فعلن استلمتها في نفس اليوم أو على الأقل اسبوع , ياريت تقولي سمير ريان ده مكانه فين هكون شاكر ليك جدا , وتنصحني بأيه بما انك اشتريت من عنده

متشكر على ردك

**nour_nrc** · 05-08-2011 11:20 AM

السنة اللي فاتت استلمت من محمد ذكي تاني يوم ورخصت تالت يوم الحمد لله

فيه الاستاذ ماهر الشافعي في فرع المنيل علي الكورنيش علي طول قبل توكيل مرسيدس من ناحية التحرير

راجل محترم جدا وصادق مش بيلف ولا بيدور

اتصل بفرع المنيل وقوله بس من طرف د نور ابو ادم

**MOUSTAFA_SAAD** · 05-08-2011 11:47 AM

سمير ريان امام المركز الطبى للمقاولين العرب على طريق الاوتوستراد بس سمعت ان سمعته مش كويسه وساعات يبيع عربيات مخبوطه ومتصلحه

ومع ذلك اشتريت منه لانه وفرلى 1000 جنيه عن محمد زكى بس فى الاستلام خليت عينى فى وسط راسى وفليت العربيه حته حته والحمد لله جت سليمه
وخلى بالك من كلمة سمعت والله اعلم يمكن مظلوم ومفيش حاجه من الكلام ده

محمد ذكى راجل زى الفل ومضمون بس بيبيع بسعر التوكيل بالظبط يعنى مش حتوفر حاجه خالص بس هو سمعته زى الفل بصراحه

والورق بيخلص بعد يومين او تلاته

**Xlance2010** · 06-08-2011 11:06 AM

الف مبروك مقدما وان شاء الله ربنا يوفقك فى الشراء بارخص سعر فى اقل وقت ودعواتنا لك بالتوفيق

ولك ارق تحية
اسمى اسفل مشاركتى

**mm_champion** · 06-08-2011 05:08 PM

الف شكر يا جماعة
وانا اللي مطمني أنكم موجودين عشان لما اشتريها بإذن الله ويبقى عندي استفسارات هلقيكم موجودين :)

انا بإذن الله هشتريها خلال الأسبوع ده , بس انا كنت محتار بأني اجبها فول اوبشن أو هاف , بصراحة انا عايز اوفر شوية عشان لسة مصاريف الترخيص والتأمين وكدة , فهل يا تري الزيادة في الفول اوبشن تستاهل الواحد يعني يضحي ويدفع ,,,

شاكر ليكم جدا

**MOUSTAFA_SAAD** · 06-08-2011 05:15 PM

انا معايا الهاف وبقولك ان الزياده تستاهل انت مش حتشرى عربيه كل يوم

**ahmedbakr50** · 06-08-2011 06:20 PM

أنا جايبها من محمد زكى رحت دفعت وخدت العربية ومشيت
وأنا رأيى تجيب الكاملة إذا الفلوس تكمل عشان الفروق تستاهل

**mm_champion** · 06-08-2011 08:12 PM

طيب ممكن يا استاذ مصطفى ,تذكرلي الإضافات الموجودة في الفل اوبشن عن الهاف , بس ياريت بالتفصيل شوية :)
عشان انا عن نفسي شايف ان اهم الكماليات التي لا يمكن الاستغناء عنها هم التكييف والكاسيت ,, غير كدة ممكن اشوف لو لقيت الفل فيها زيادات انا محتاجها ممكن اجيبها , وده عشان واحد صحبي لسة مشتري السيراتو الهاي لاين ولقى فيها اوبشنس كتيرة اوي هو مش محتاجها ودفع فيها فرق كبير جدا
معلش هتعبك معايا شوية :) شكرا ليك على اهتمامك بكل الأسئلة

الموضوع: شوية اسئلة للسادة الأعضاء

LinkBack

أدوات الموضوع

عرض

-

-

-

-

-

-

المواضيع المتشابهه

شوية اسئلة هامة

شوية اسئلة عن الشاهين

شوية اسئلة

سؤال مهم للسادة الأعضاء

الكلمات الدلالية لهذا الموضوع

المفضلات

المفضلات

ضوابط المشاركة