اجنط 14 ولا 15 للفيرنا ( مع التعليل )

**memo823000** · 05-08-2011 02:54 PM

المشاركة الأصلية كتبت بواسطة khaled_yassin

اسمع الخلاصة
انا مركب جنوط 14 لان كل الناس قالتى ال15 بينشف العربيه
والكاوتش بييجب بلونه ديما فى المطبات
دة كلام واحد صاحب محل جنوط وكاوتش وصديقى الصدوق يعنى مش هيشتغلنى
والجنوط كانت مرميه عندوا هى والكاوتش يعنى مش خسران حاجة والجنط ال15 اغلى

النيو اكسنت والافيو السيدان والفيرنا الاتوماتيك بتنزل 185/60/14 والريو والاكسنت rb مقاس الكوتش 175/70/14
وطبعا ملاك النيو اكسنت تقريبا بيشتكو من التنطيط والافيو السيدان وطبعا الفيرنا حتى بتوع التاكسيات الفيرنا بيجنط 15 لتحسين الثبات والفرامل

انا عندى الافيو5 نازله فى الفبريكيه 185/55/15 فالقطر قليل عشان لما تحمل 3 ورا وكمان شنط والعربيه تنزل مفيش احتكاك مابين الكوتش والكرتيره وطبعا زى مقال الزملاء مفيش بلالين فى المقاس ده مهما كانولا حتى لو اكلت نقر وفواصل جامده الا اذا كان الكوتش نوعه وحش

وعلى فكره الهوندا سيتى هاى لاين بتنزل 185/55/16 مفيش اى مشكله

وزى مقلتلك المقاس ده ممتاز قطر صغير 185 عشان لما تحمل ميحصلش احتكاك فى الكرتيره وبروفايل عالى 55 عشان تقليل الاحساس بتفاصيل الطريق وعريض 15 عشان الثبات والفرامل

فيه نوعين من الناس
فيه واحد يقولك انا عايز ثبات كويس وفرامل كويسه ومشمهم العفشه تنشف شويه فبيجنط 195/50/15 والمقاس ده طبعا بياثر على المساعدين عشان البروفايل قليل فالرزع بيبقى قوى على المساعدين والجنط وطبعا اللى قاعد جوه

وفيه يقولك لا ياعم انا احب العفشه تكون مريحه ويركب 185/60/14 ومش مشكله الثبات والفرامل تقل شويه عن ال 15

فالمقاس ده بيديك الوسطيه (راحة العفشه - ثبات كويس وفرامل كويسه افضل من ال 14)

**kamatsho** · 05-08-2011 03:16 PM

المشاركة الأصلية كتبت بواسطة memo823000

النيو اكسنت والافيو السيدان والفيرنا الاتوماتيك بتنزل 185/60/14 والريو والاكسنت rb مقاس الكوتش 175/70/14
وطبعا ملاك النيو اكسنت تقريبا بيشتكو من التنطيط والافيو السيدان وطبعا الفيرنا حتى بتوع التاكسيات الفيرنا بيجنط 15 لتحسين الثبات والفرامل

انا عندى الافيو5 نازله فى الفبريكيه 185/55/15 فالقطر قليل عشان لما تحمل 3 ورا وكمان شنط والعربيه تنزل مفيش احتكاك مابين الكوتش والكرتيره وطبعا زى مقال الزملاء مفيش بلالين فى المقاس ده مهما كانولا حتى لو اكلت نقر وفواصل جامده الا اذا كان الكوتش نوعه وحش

وعلى فكره الهوندا سيتى هاى لاين بتنزل 185/55/16 مفيش اى مشكله

وزى مقلتلك المقاس ده ممتاز قطر صغير 185 عشان لما تحمل ميحصلش احتكاك فى الكرتيره وبروفايل عالى 55 عشان تقليل الاحساس بتفاصيل الطريق وعريض 15 عشان الثبات والفرامل

فيه نوعين من الناس
فيه واحد يقولك انا عايز ثبات كويس وفرامل كويسه ومشمهم العفشه تنشف شويه فبيجنط 195/50/15 والمقاس ده طبعا بياثر على المساعدين عشان البروفايل قليل فالرزع بيبقى قوى على المساعدين والجنط وطبعا اللى قاعد جوه

وفيه يقولك لا ياعم انا احب العفشه تكون مريحه ويركب 185/60/14 ومش مشكله الثبات والفرامل تقل شويه عن ال 15

فالمقاس ده بيديك الوسطيه (راحة العفشه - ثبات كويس وفرامل كويسه افضل من ال 14)

يعنى انت رأيك جنط r15 185/55

بس انا حاسس ان لو ركبت جنط حديد مقاس 15 هيبقى تقيل ع العفشه

**kamatsho** · 05-08-2011 03:24 PM

المشاركة الأصلية كتبت بواسطة AutoTycoon

بصراحة انا رأيي الشخصي اللي هيصرف و يجنط يبقى يشتري 15 عشان تحس بالفرق
بس خلي بالك العربية هتنشف جامد و لو بتسافر على طرق مش حلوة زي الزراعي التيييت هتحس بتفاصيل الطريق خصوصاً لو ركبت كاوتش سبور ناشف زي بريدجستون بوتينزا
اللي يخليك تجيب 14 ممكن تركب مقاس 185r13 بس مش موجود اوي اعتقد ... بس الفكرة ان طالما هتصرف هات 15
عايز عربية ناعمة و مريحة و مش بتسافر كتير يبقى خليك في 13 ولا جنط ولا بتاع

مبروك مقدماً

بس انا بقول نص العمى ولا العمى كله ... ومايل للجنط الـ 14 خصوصاً انى شبه قررت اجيبه حديد مش سبور

المشاركة الأصلية كتبت بواسطة Screenplays

15 طبعا

وجهت نظر

المشاركة الأصلية كتبت بواسطة ahmedsamir5edr

+11111111111111111111111111

15 الفرق يستاهل

طب بالنسب للنشوفيه والعفشه تستاهــــل برضو ؟

المشاركة الأصلية كتبت بواسطة easy2002

أنا مجنط 15 صراحة ال 14 مفيش فرق كبير اوي بينه وبين ال 13 مش هتحس بإنك عملت حاجة
لكن العربية ناشفة معايا مش أوي يعني بس ناشفة والعفشة بتعوز تتربط كتير

وده اللى مخلينى مش ميال للجنط الخماشر

المشاركة الأصلية كتبت بواسطة khaled_yassin

اسمع الخلاصة
انا مركب جنوط 14 لان كل الناس قالتى ال15 بينشف العربيه
والكاوتش بييجب بلونه ديما فى المطبات
دة كلام واحد صاحب محل جنوط وكاوتش وصديقى الصدوق يعنى مش هيشتغلنى
والجنوط كانت مرميه عندوا هى والكاوتش يعنى مش خسران حاجة والجنط ال15 اغلى

طب مع الجنط الـ 14 حسيت بفرق ؟ ف الثبات والفرامل .؟ وبنسبة كام اتحسن الثبات والفرامل ؟

**AutoTycoon** · 05-08-2011 03:28 PM

طب طالما هتجيب حديد خليك في الحديد بتاعها ال13 و شوف مقاس 185 و شكراً

**إبراهيم المصرى** · 05-08-2011 04:06 PM

فى اعتقادى مفيش احسن من جنط الفابريقه طالما سليم لكن لو اضطريت أغير علشان بايظه يبقى أدور على الاحسن وقتها ويمكن اجيب استيراد فابريقه برده

**memo823000** · 05-08-2011 05:53 PM

طبعا الجنط الاسبور افضل للعفشه لانه اخف من الحديد وعشان عزم العربيه يبقى افضل والعربيه متترجرجش منك مع الطرق الخشنه ومطبات الهواء ولا ترزع مع النقر وفواصل الكبارى

**memo823000** · 05-08-2011 06:15 PM

المشاركة الأصلية كتبت بواسطة kamatsho

يعنى انت رأيك جنط r15 185/55

بس انا حاسس ان لو ركبت جنط حديد مقاس 15 هيبقى تقيل ع العفشه

طبعا الجنط الاسبور افضل للعفشه لانه اخف من الحديد وعشان عزم العربيه يبقى افضل والعربيه متترجرجش منك مع الطرق الخشنه ومطبات الهواء ولا ترزع مع النقر وفواصل الكبارى

جنط حديد و 15هيبقى تقيل قوى وكمان هيتقل الدريكسيون على ما عتقد

طبعا جنط 15 اسبور ويكون خفيف ونوع محترم
ومعاه كوتش بردجستون يابانى مقاس 185/55/15 والله هتركب عربيه مختلفه تماما
انا عارف ان الموضوع هيكلف بس هيفرق معاك جامد جدا
نعومة - ثبات - عدم اهتزاز ولا رجرجه - مفيش رزع ولا خشونه - فرامل ممتازه تدخل على المطب وانت 80 و 90 كمان مفيش اى مشاكل ولا زحف ولا الكلام دوت
انا بحكى اللى بيحصلى فى الافيو5 بنفس المقاس وده شكل العربيه بالجنط بس انا طبعا عندى حديد لانه نازل كدا
لاحظ صغر القطر 185 مش 195 ففيه فرق كويس بين الكوتش والكرتيره عشان التحميل ومطبات الهواء والاحتكاك
البروفايل 55 والجنط طبعا عريض مقاس 15
اقسم بالله انا بخد غرز على ال160 مفيش اى مشاكل ووزن الافيو5 نفس وزن الفيرنا
‪2009 Chevrolet Aveo5 Drive Time review‬&rlm; - YouTube
http://www.youtube.com/watch?v=_Xok_...eature=related

وعلى فكره اصلا انت افضل مقاس ليك هو المقاس دوت وعشان اثبتلك
175/70/13 ده مقاس الفيرنا المانيوال
185/60/14 ده مقاس الفيرنا الاتوماتيك والنيو اكسنت والافيو السيدان
185/55/15 نازل فبريكه عندى فى الافيو زى الفيديو بس طبعا عندى حديد مش سبور وحتى بتوع الافيو هيلاقو المقاسات دى على الاستيكر فى درج التابلوه
طبعا ناس كتير متعرفش المقاس دوت لانه مشمنتشر فى السوق بس موجود واسال عشان تتاكد فبتركب 195/50/15 فبتقلل فى البروفايل وتزود قطر الكوتش نفسه
والله المستعان

**r0xer** · 05-08-2011 10:45 PM

حدد أنت عايز أيه من العربية الأول؟ حضرتك بتقضيها سفر وسرعات و غرز وكدا بشكل يومي؟ ولا دايما في وسط البلد وبتسافر 10 مرات بس في السنة؟

لو بتسافر كتير وعلى طرق مفتوحة، انصحك بال15. اما لو اغلب حياتك في المدينة 14 طبعا .

انا عن نفسي جنطت 14 وليس 15 مع ان الاتنين سعرهم كان متقارب جداً...

**memo823000** · 06-08-2011 12:27 AM

المشاركة الأصلية كتبت بواسطة r0xer

حدد أنت عايز أيه من العربية الأول؟ حضرتك بتقضيها سفر وسرعات و غرز وكدا بشكل يومي؟ ولا دايما في وسط البلد وبتسافر 10 مرات بس في السنة؟

لو بتسافر كتير وعلى طرق مفتوحة، انصحك بال15. اما لو اغلب حياتك في المدينة 14 طبعا .

انا عن نفسي جنطت 14 وليس 15 مع ان الاتنين سعرهم كان متقارب جداً...

راى حلو وانا مقتنع بيه
بس المفروض انك تخلى عربيتك حصان جامح وجاهز للانطلاق فى اى لحظه
مثلا واحد مريض فبتجرى باقصى سرعه عشان تنقذه او مشوار مهم مصطر انك تجرى بالعربيه فطبعا فى الظروف دى ال15 ينفعك فى الغرز والفرامل والثبات عن ال14 ولا ايه؟؟
لانها حصلتلى كتير وكنت ساعات بضطر اجرى جامد بالعربيه ل 160 فكانت بتطلع راجل العربيه ماشاء الله وتسد
والله المستعان

**r0xer** · 06-08-2011 12:38 AM

العربية لو بجنط نضيف14 وكاوتش نضيف ال160 دي ولاحاجة وتقدر تاخد غرز براحتك عن تجربة اخد غرزة ضيقة جدا في طريق الساحل لمفاداة عربية في الحارة الشمال، النتيجة مقبولة والعربية معومتش. طبعا لو كان الجنط 15 كان هيبقى افضل كمان...

اللي عايز أقوله ان هي مش عربية سبق، والانطلاق جميل و الغرز جميلة وكل حاجة ولكن مهياش بشكل يومي لان مش كل يوم بتجيلنا حالات طوارئ، وربنا يارب يبعد عنك وعننا الطوارئ كلها..

وانا مقتنع ان ال15 حلو جدا لو العربية دي بتركبها لوحدك واسرتك مبتركبهاش.

و ربنا يوفقه في الاختيار المظبوط