سؤال بخصوص موتور البومة 2008

**almsry** · 05-08-2011 06:59 PM

ياجماعة انا اشتريت من شهر عربية بومة 2008 وكان اللى راكبها مهمل فيها اوى وسوقته الظاهر انها كانت سيئة جدا العربية ما شاء الله ممتازة فى السحب والتكيف بس لاحظت حاجة ان الموتور الزيت بينقص منه اوى يعنى احط زيت 5000 يمشى 2000 بالعافية انا سالت ناس ورحت الحرفيين مع واحد صحبى وسالنا ميكانيكى صاحبى بيشكر فيه اوى قالى الافضل انك تغير الموتور وهيتكلف 3000 جنيه وفى راى تانى بيقول انى اعمل عمرة هتكلف 1500 جنيه انا محتار ايه الافضل اغير الموتور ولا اعمر احسن افيدونا جزاكم الله خيرا

**blade_2020** · 06-08-2011 05:58 AM

غير الموتور افضل لان مفيش حد هيديك نفس كفاءة المحرك بعد متعمل عمرة مش هيبقى زى الخواجة يعنى
اكيد لو هو مين حتى هتلاقى كفاءة المحرك 80%
فى حاجة كمان لو انت مش هتقدر تغير الموتور الان فى زيت يوضع فى المحرك يقوم بتقليل اكل الزيت

**almsry** · 07-08-2011 06:08 PM

ما هو الزيت الذى يوضع فى المحرك للتقليل من اكل الزيت

**eldell** · 07-08-2011 08:29 PM

غير الماتور احسن والماتور الجديد بيجى بفتيسه والكونترول بتاعه وحاجته كلها وبيع الباقى

**montela** · 08-08-2011 12:19 AM

غير ماتور لان العمره هتتكلف اكتر من كده لما يبدا يفك هتلاقي بقي طقم جوانات علي طقم سبيكه واحتمال طقم باساتم لو خرط الشميز علي طقم شنبر وقصه
بس علي فكره الماتور بيجي لوحده من غير فتيس