الموضوع: نادى و مالكى 128

بسم الله الرحمن الرحيم
وعليكم السلام ورحمة الله وبركاته
والف مبروك وربنا يكفيك شرها وشرالطريق احنا وانت يارب العالمين
بالنسبة ( الدركسيون تقيل شوية )
ممكن تفك صامولة الدركسيون وترجع تركبها تانى اصلها ممكن تكون مربوطة قوى وحصلت معايا قبل كده كنت بضبط زوايا والراجل ربطهالى قوى وجننتنى لمدة اسبوعين وبعدين عملتها بنفسى
ان ماكنش ده السبب روح اكشف على السكترا وشوفها يمكن عايزة تتشحم او اذا كان متاكلها هاتغيرها نصيحة مايضحكش عليك العفشجى ويقنعك ان عنده استيراد حلو لا هات جديدة

بالنسبة (وكمان ساعات الاقي العربيه بتسحب لوحدها وساعات الاقيها مخنوقه شوية مثلا وانا على الثانى ساعات امع صوت عالى وسحب بطئ وساعات مسمعشي صوت وبتسحب حلو هل ده له ) ممكن يكون ده من سلك الاكسريتير بيعلق او حاجة كده وممكن تنظف الكربيتير وتكشف على بيك السرعة ولوكان قديم غيرها ده بياثر على سحب العربية
وكمان غير فلتر البنزين ده مهم جدا بياثر على السحب خالص
اما بالنسبة للكهرباء روح عند كهربائى نظيف احسن وخليه يراجعلك على كل السلوك وكمان اعرف تقسيمة الفيوزات ممكن تعلق ولا حاجة
وربنا يسترها معاك ومعانا
ده كان رايى المتواضع لحد ما يرد حد من اساتذة المنتدى
نرجو الرد مرة اخرى علشان نشوف النتيجة

سبحانك اللهم وبحمدك ، أشهد أن لا إله إلا أنت أستغفرك وأتوب إليك

ربنا يخليك ويكرمك
باذن الله هجرب الحلول اللى حضرتك قولتها وربنا يوفق الجميع باذن الله
اللهم صل على محمد وعلى آله وصحبه أجمعين

سؤال يا شباب
انا بسمع وانا ماشي صوت رفيع كده زى خبط صاج اوسرسبه رفيعه فى الصاج انا مش عارف اوصف الصوت بس الميكانيكي قالى عيب شكمان روحت لبتاع الشكمانات قالى ربطهولك حلو وهيقعد اسبوع لحد ما يطبع مع بعضه هل هذا صحيح علما بانى كنت رايح للميكانيكي عشان العربيه كان مخنوقه شوية وصوتها عالى فقالى روح لبتاع الشكمانات
ارجو الافاده وشكرا

لسه الصوت موجود بس الخنق راحت اروحله تانى ولا اصبر
وشكرا لاهتمامكم

كان عندى استفسار عن زيت الفرامل هل بيتزود لما ينقص ولا بيتشال ويتحط غيره جديد ولا ايه طريقته ارجو الافاده علما ان العربية 128