الموضوع: نادى و مالكى 128

128 عندى شروخ فى صدر العربية والركبة مكسورة الميكانيكى قالى لازم تحل الموتور والفتيس وتفضى الحوض خالص علشان السمكرى يشتغل واحتمال يغير الرفارف علشان فى شروخ فى القوايم واصلا اصلا انا كنت رايح اغير كبالن.......... المهم بعد ماغيرت الكبالن روحت اظبط زواية بتاع الزواية قالى نفس الكلام لازم تشيل وتفضى الحوض ومظبطش الزواية وقالى مهما نظبط مش هتحس اننا عملنا حاجه............. والميكانيكى قالى شهر والكبالن الجديدة هتبوظ واحتمال الموتور والفتيس يقعو فى الارض وانتا ماشى.......ممكن حد يفيدنى اذا كان عمل الشغل ده قبل كده

بصراحة مشكلة تنوير لمبة البطارية راحت لوحدها يعني العربية ساعات بتعمل حاجات غريبة وبعدين تعدل نفسها والحمد لله كله تمام بس انا ليا استفسار بسيط من الرجالة انا كنت رايح اسماعلية وكنت قارص فكانت لمبة المروحة منورا طول الطريق وانا ارجع نفس الموضوع بردو بصراحة استغربت فروحت سائلت الميكانيكي قالي يبقي الردادير عايز يتسلك فقولتله العربية ما سخنتش والمية تمام قالي احمد ربنا ده عربيات جديدة وبتعطل في الحر ده ، المهم بعد يومين روحت تاني اسماعلية ونفس الموضوع حصل اول ما امسك الصحراوي واشد بالعربية المبة تنور وما تفصليش . بصراحة حاجه غريبة ومش عارف ممكن تكون من ايه والمشكلة ان عندي العداد مفهوش عداد الحرارة فيه لمبة ولا بتنور ولا حاجه ،، ايه رايكم في الحوار ده

أنا معاكم , لسه جايب العربيه من أقل من شهر

هابقى معاكم ان شاء الله من اول بكره

وانا كمان معاكوا انا عندى فيات سبيشيال 128
موديل 76

كان عندى المشكلة دى واتضحلى ان المروحة بتلف عكسى