نادى و مالكى 128

**boamengo** · 22-05-2011 03:17 PM

معـاكم ... فيـات 128 موديل 90
معايا من وهي زيرو

بس فيه شوية تغيرات طرأت عليها من عوامل تعرية وكدا

موفقين ان شاء الله

**mohsen128** · 24-05-2011 03:11 PM

السلام عليكم ورحمة الله بركاته . . . النهاردة الصبح دورت العربية وكله تمام بس وانا ماشي شايف لنضة البطارية منورة على طول مش عارف ديه مشكلة سير الدينمو ولا ايه ولو هو سير الدينمو اذي ممكن اشده او اغيرة ،، عايز رائكم يا رجالة في الموضوع ده عشان سمعت لو ده سير الدينمو ممكن يفضي البطارية الكلام ده صحيح ولا لا .. وشكراً مقدماً

**misoalex** · 24-05-2011 04:37 PM

ايوه طبعا سير الدينامو ممكن يخللى الشحن ضعييييييييييف او لو اتقطع الشحن بيقف وكل ده العربيه بتعوضه من البطاريه لحد متفضى

المهم انت روح لكهربائى والسير ب 8 جنيه وحياخد 5 او 10 جنيه ويغيره

لكن لو السير عندك جديد يبقى حيشد عليه ولو اللمبه مازالت منوره يبقى عيب فى الدينامو او توصيلات الدينامو

**bassem.naguib** · 24-05-2011 06:31 PM

زي ما وضح الزميل misoalex .

بس المفروض حضرتك توضح إذا كانت اللمبة منورة بشكل واضح ولا منورة على خفيف قوي (مشعرة) .. لأنها لو مشعرة بتبقى مش مشكلة شحن أو سير الدينامو ، إنما في الحالة دي بتبقى مشكلة سليكونات الدينامو ، ويمكن في الحالة دي التغاضي بصفة مؤقتة عنها .

**bassem.naguib** · 24-05-2011 11:50 PM

لو سليكونات ممكن تنور على خفيف (تشعر) مش في السلانسية فقط .. ولكن ممكن لو مشغل النور أو مشغل الاشارات أو الانتظار أو أي حاجة ليها علاقة بالكهربا حتى لو دايس بنزين .

وممكن برضة تكون المشكلة لا في اللي أحنا بنقوله ده كله .. ممكن تكون حاجة ملمسه في العدادات ومخلية اللمبة تنور .