برامج اللطافة ومسلسلات رمضان

**Ghosts** · 14-08-2011 02:40 AM

يا جماعة مفيش فى العالم أسخف من حسين الأمام و رامز جلال ....
دول يستحقوا بجدارة لقب أبطال العالم فى السخافة و قلة الأدب وخصوصآ حسين الأمام ....
أية الأنحطاط و التدنى دة ؟ للدرجة دى مبقاش فية ذوق ؟ فى درجات أقل من كدة فى السفااااااااااااالة ؟

**mido51eg** · 15-08-2011 12:08 PM

مش ممكن ياجماعة كمية الأخطاء الأملائية الموجودة في المشاركات دي !!!!!!!!!!!

**hosammoner** · 15-08-2011 01:38 PM

[QUOTE=Ghosts;3873725326]يا جماعة مفيش فى العالم أسخف من حسين الأمام و رامز جلال ....
دول يستحقوا بجدارة لقب أبطال العالم فى السخافة و قلة الأدب وخصوصآ حسين الأمام ....
أية الأنحطاط و التدنى دة ؟ للدرجة دى مبقاش فية ذوق ؟ فى درجات أقل من كدة فى السفااااااااااااالة ؟ [/QUO

معاك حق والله

**MohssenRashed** · 15-08-2011 01:50 PM

الريان
الكبير اوي
بس كده

**Ghosts** · 15-08-2011 02:06 PM

فى كمان ياجماعة برنامج ج سؤال اللى بيقدمة أشرف عبد الباقى ....
دة برنامج لذيذ أوى لأن أشرف عبد الباقى زى العسل ....
بس ياريت يبطل بقى مسلسل راجل و6 ستات ....
أفضل حلقات ج سؤال لحد دلوقتى ....
اللى كان الضيوف فيهم ....
حجاج عبد العظيم و ....
عبد اللة مشرف ....

**Ralliart** · 15-08-2011 02:43 PM

خواطر 7 لاحمد الشقيري
والكبير قوي

رامز ده دمه تقيل والبرنامج متقلد بالنص من برنامج اجنبي قديم

**elgabry1977** · 15-08-2011 02:55 PM

المشاركة الأصلية كتبت بواسطة mohssenrashed

الريان
الكبير اوي
بس كده

**TaoTao** · 15-08-2011 03:23 PM

المشاركة الأصلية كتبت بواسطة run

رامز بيعمل برامج حلوه بس البرنامج ده مش حلو خالص وبردوو كله تمثيل عشان ممكن ممثل يروح فيها

عندك بردوو برنامج خنيئ بتاع "ارجوك متفتيش بعد الثوره " وباينه انو تمثيل يعنى

بردو برنامج اسمه" كومبارس " يا نهار ازرق على الرخاااااامه

على العموم معظم برامج الكاميرا الخفيه تمثيل واتفاء وواحده كانت شغاله معاهم وقالتلى كده

برنامج مكنش يومك حلو واحمد ادم

كل سنة وانتم طيبين، الحقيقة مابتابعش غير بسنت ودياسطي وبعدهم الكبير عشان ع الفطار والولاد بيحبوه :) بعد كدة شكراً صلاة ونوم

بس حبيت اعلق على موضوع "ارجوك ماتفتيش" انا شفت حلقات منه السنة اللي فاتت، أنا رأيي إنها بتسأل الناس سؤال وياخدوا الإجابة وبعدين تسألهم سؤال تاني وتقطع الإجابة الغريبة على السؤال الأغرب. والدليل إن مافيش ريبروتاج بيتصور بكاميرتين زي مابيحصل في البرنامج ده إلا إذا كان الموضوع فيه خدعة

بالنسبة لسخيف عصره حزين الإمام، ماشفتش سماجة وصفاقة ووقاحة زي كدة، البرنامج شفت البرومو بتاعه قبل رمضان، لامم شوية ساقطات بيتكلموا بالإيحاءات عن الفرق بين البلبل والصاروخ وحاجة آخر سفالة !!! مش عارف البني آدم ده ايه مؤهلاته في الحياة عشان يتفرض علينا زي البلوة كدة.

رامز جلال رأيي فيه من ساعة ماطلع، بني آدم سخيف.

**human** · 15-08-2011 03:52 PM

كنت قلت انى مش بتابع حاجه
بس من كان يوم شوفت على اليوتيوب حلقه من برنامج سئيل اسمه مكانش يومك
البورنامج ساعات بيبقى ظريف بس برضه سئيل

و قادتنى اعلانات يوتيوب انى اشوف المفاجاءة حلقه حسين الامام مع ميسره

ديه حلقه المفروض تتزاع فى الاوروبى

**SYD** · 15-08-2011 05:14 PM

انا متابع بس مش بانتظام "مسلسل عصام والمصباح" بتاع احمد الفيشاوي عشان بنتي بتحب اللقطة وهو بيعمل باي باي يا اطفال

وفي برنامج كنت شوفت منه حوالي 4 او 5 حلقات اسمه "البرنامج ايه" مش قادر أقولكوا اني بيغمي عليا من تقل دم الواد الرخم الثقيل السقيل الي بيقدمه

وبردو شوفت حوالي 4 حلقات من "الكبير" بتاع احمد ميكي (دة طبعا جامد جدي وانا شايف انه احلي من بتاع السنة الي فاتت بس رأيي بلاش يزود فيها عشان هتبقي رخمة لو طولت عن جزئين وشخصية في فيلم)

وشوفت 3 دقايق من برنامج لحسين الأمام مستضيف الأنسة انتصار وبصراحة كانت قمة

وشوفت حلقة من برنامج طوني خليفة "الشعب يريد" بتاعة امبارح كان مستضيف سيد علي (اعتقد ان الراجل دة "طوني خليفة" عارف بيعمل ايه وبرامجه بتبقي تحفة فعلا)

يعني تقريبا مش بشوف حاجة لأني بصراحة شغلي واخد كل وقتي ويادوب بطلع بالصلوات وقراءة القرآن

وكلمة اخيرة

واحد اسمه رامز جلال دة اخو ممثل تاني بردو كان عامل مسلسل عبدالغفور البرعي

المهم

هو روش طبعا اخررررررررررررررررررررررر رررررر حاااااااااااااااااااااااا اااااااااااااااااجة

وللأسف حد خدعه انه دمه خفيف

فقالك يبقي انا مش اقل من ابراهيم نصر وزكية زكريا

عمل برنامج نسخة طبق الأصل من برنامج اجنبي اسمه "لا تخبروا والدتي" وراح هو مسميه رامز حول العالم

والسنة دي عمل برنامج دمه تقيل والتتر دمه اتقل والأغنية رخمة والي بيغنيها ارخم من رامز ومن جلال وسمي البرنامج رامز حول الأسد

انا بنتي لما بتشوفه بتشوفه عشان الأسد ومسميه البرنامج "الأسد خاف" تقعد تقولي الأسد خاف يا بابا افهم انها عايزة ترخم قصدي تشوف البرنامج

كل عام وانتم بخير
رمضان كريم اوي مع بيبسي

والله المستعان
،
،