يا شباب لو سمحتوا
عايز اعرف احسن الفنادق فى شرم الشيخ لشهر العسل
و اسعارها فى حدود اد ايييه؟؟
وشكرا مقدما
عرض للطباعة
يا شباب لو سمحتوا
عايز اعرف احسن الفنادق فى شرم الشيخ لشهر العسل
و اسعارها فى حدود اد ايييه؟؟
وشكرا مقدما
فكك و سافر برة ...... انا لبست في الحوار ده و في الاخر دفعت اكتر من الاجانب و اتعاملت معاملة العبيد بفلوسي !!!!!! السياحة في مصر زي الزفت
+
تركيا
ماليزيا
ماليزيا جنه اسيا وبس
لو احسن هيكون فور سيزون و شيراتون او موفينبيك بس هيكون غالى اوى
فى فندق اسمة ريحانة 4 نجوم ممتاز حوالى 650 الفردين فى الليلة شامل كل حاجة
فى بردة فندق كيروسيز 5 نجوم وارخص من ريحانة علشان عامل اوفر حوالى 500 الفردين شامل كل حاجة ومميز ان فية اكوا بارك وسينما
بص يا ريس انا من رايى تطلعو ع تركيا اسعارها حلوة جدااااااااا و كمان اسمها طلعتو برة مصر و غيرت وجوه و بعدت عن المشاكل اليومية اللى ف مصر
بص ياباشا خدها منى نصيحه ومش هاتلاقى احسن من كده
تروبيكانا ازور كلوب
بصراحه الفندق تحفه حلو ولذيذ وفيه العاب وديسكو وجو حلو جدا والاكل زى الفل عارف بكام ب 350 الغرفه فى الليله نظام all inclusive
يعنى فطار غدا عشا مشروبات وساندوتشات على البسين وخش شوف الكومنت بتاع السياح
PrimaSol Tropicana Azure Club (Sharm El Sheikh, Egypt) - Hotel Reviews - TripAdvisor
هيلتون شارم دريمز تحفه مش عارف السغر هيبقي كام في الوقت اللي هتطلع فيه
بس انا نزلت فيه في اخر شهر 5 مع بدايه 6 كان 550 الغرف all inclusive
وفيه ملاهي مائيه تبع الفندق اداني تذاكر 3 ايام وانا كنت رايح 4 ايام بجد تحفه والميزه برده انه في خليج نعمه
رقم الفندق 0693603040
يا ريت يا جماعة نشجع السياحة فى بلدنا وخصوصا فى الايام دى
اخوتنا اللى شغالين فى السياحة بيعانوا ولازم نساعدهم
وغير كدة احنا عندنا اماكن جميلة مش موجودة برة
لا يا باشا
الحاجتين الوحيدتين اللي هنا مش برة:
الشعاب المرجانية..... ودي هواية محدودة على محبي الغطس
الفرعونيات...........سواء معابد أو متاحف وغيرهم
ممكن نزود على الاتنين دول:
الشحاتين ............ومنهم مستخبي في صور كتير زي موظفين المطار والفندق والباركينج و و و و و و ......لحد بكرة
أي حاجة تانية الواحد يتخيلها موجودة في البلاد السياحية ونزود عليهم
+ المعاملة الراقية
+ مستوى النظافة
+ مستوى النظام
لما اخوانا في المجال السياحي يبطلوا يبصولنا على إننا مواطنين درجة تانية في بلادنا نبقى نصرف فلوسنا ونقضي أجازاتنا عندهم
انا عملت كده من شهر
و النتيجة؟
سفالة و قذارة و قلة ادب في التعامل من 70% من العاملين بالفنادق بالذات..... حسنة و انا سيدك ....
و لا يستاهلوا ..... بجد ..... انا شمتان فيهم و يا رب يعانوا و يفلسوا و يشحتوا كمان .............مش صارف عالسياحة الداخلية تاني الا لو اضطريت
فعلا فى بعض العاملين بيكون اسلوبهم وحش مع المصريين والعرب وبيكون كويسين اوى مع الاجانب ,
واحد اتعامل معايا وحش فهمتة انى دلوقتى رايح على المدير ولو معملش اجراء معاك هسيب الفندق , لقيتة عمل قطة وبقية الايام هناك كان محترم خالص:biggrin2:
المشكلة اللى بتخلى بعض الموظفين تتعامل غلط اننا كمصريين بنسيبهم يعملوا كدة بدون ما ناخد اجراء ودة بيخليهم يتمادوا اما الاجانب بيخدوا حقهم علشان مبيسكتوش.
صدق رسول الله، صلى الله عليه وسلم
اسمحلي أدلي بدلوي!!!
الحقيقة أنا مش شمتان فيهم، لكن أنا وغيري كتير --وبكرر كتير-- من الطبقة الوسطى
اتعلمنا أحسن تعليم ودخلنا أحسن جامعات واتخرجنا بتفوق واشتغلنا في شركات محترمة ولله الحمد أولا وأخيرا
ربنا يديمها نعمة ويحفظها من الزوال
اللي زيينا دول لما يحبوا ياخدوا إجازة بيكونوا زيهم زي أي حد: نشجع بلدنا / ده أنا نفسي من زمان أشوف الأهرام من جوة / ده إحنا مروحناش كروز لأسوان وبقالنا في البلد أد كدة / نفسنا نروح شرم (من غير ال "شيخ" لزوم الألاطة هههه) / هي الغردقة حلوة اليومين دول؟
بس نسافر من هنا ونكون حاجزين قبلها طبعا
اتفرج بقى على معاملة موظفين الفندق اللي انت رايحلهم ومنفّعهم وشوف نفس الموظف بيعامل الأجنبي ازاي
على الرغم إن انت بتديله tips فيه أجانب مابيدوهاش وبشياكة وبتلتزم بكل التعليمات ومواعيدك زي الساعة السويسري والتصرفات حضارية جدا وفي قمة الذوق
وبرضه مفيش فايدة
هل معاملتهم لينا بسبب:
1. شعور بالدونية وبيطلعوه علينا؟
2. نمط ذهني stereotype مغلوط فحواه : (الأجنبي....أم المصري)؟
3. الأجنبي "هيعرفوا يقلبوه في مصلحة" فهو أولى؟ (عذرًا للألفاظ العجيبة)
والكلام ده تلاقيه منتشر وباين جدا في الأماكن السياحية اللي بيتردد عليها أجانب زي الغردقة، شرم "برضه من غير الشيخ ههههه"
لكن شبه معدوم في أماكن سياحية رجل الأجنبي عليها خفيفة زي الواحات الداخلة والخارجة
والكلام ده أنا مجربه بنفسي مش بفتي ولا بخترع نظريات وأنا عالكنبة
فالموضوع ليس له أي علاقة بالــ "فنجرة" أو كره الخير لولاد بلدنا
ههه بقى: امتى هنروح شرم؟ من غير الشيخ ههههههههههه
يا استاز احمد انا اسف ليك ان كنت فهمتني غلط
لكن انا شغال في السياحه وانت لا تعلم كام اسره فيها يعني لو قلنا ان احنا 3 مليون وكل واحد بيعول 3 بقينا 9 مليون
طب مش حرام عليك لما نشحت بعيلنا واسرنا وبعدين مش كل صوابعك زي بعضيها
في نا س غايه في الاحترام + ان وزارة السياحه هي السبب مش اللي شغالين في السياحه
ودي منظومه فاسده من الاول لأن هما بعتمدوا علي الكم مع الاجانب وهوشغال طول السنه
والله ان بشيل الكل علي راسي مصري واجنبي
ويا عم متزعلش وكل سنه وانت طيب
يا استاز احمد انا اسف ليك ان كنت فهمتني غلط
لكن انا شغال في السياحه وانت لا تعلم كام اسره فيها يعني لو قلنا ان احنا 3 مليون وكل واحد بيعول 3 بقينا 9 مليون
طب مش حرام عليك لما نشحت بعيلنا واسرنا وبعدين مش كل صوابعك زي بعضيها
في نا س غايه في الاحترام + ان وزارة السياحه هي السبب مش اللي شغالين في السياحه
ودي منظومه فاسده من الاول لأن هما بعتمدوا علي الكم مع الاجانب وهوشغال طول السنه
والله ان بشيل الكل علي راسي مصري واجنبي
ويا عم متزعلش وكل سنه وانت طيب :_Alshmokh22[1]:
الموضوع مش موضوع شماته ولا حاجة
محدش بيشمت في اخوه
بس ليييييييييييه
ايه السبب اللي بيخلي الموظفين يعاملوا المصريين كده
يا راجل ده في اجانب - سوري يعني - زبالة
في تعاملهم
في نظافتهم - الواحد شاف اجانب مش نضاف فعلا
مبيستحماش يا اخوانا
اقولكوا ايه بس
وتلاقي موظف الفندق
في اي مكان - ريسيبشن - روم سيرفس - بيسين - باركينج ....
بيعامله معامله .. وااااااااااو
انا واحد كان شغال هناك في مرة بدردش معاه
قالي دي تعليمات ادارة الفندق - ده ناقص يخلونا نسجدلهم - للاجانب يعني
ليه يا جماعة - انا مش فاهم
ده حتي الاماكن اللي زي الغردقة وشرم والعين السخنة وكده مش هتلاقي فيها غير مستويات معقولة جدا من المصريين
ناس محترمة
متربية
متعلمة
يبقي ليييييييييييييييييييييه ؟
وبعدين تيجي تقولي بلدك وشجع سياحة بلدك
انا معايا واحد صاحبي طلع شهر السعل شرم قعد كام يوم بيقولي صارف من ساعة من ركبت الطيارة لحد ما رجعت 13 الف جنيه
وفي الاخر - معاملة مش اد كده
ياجماعة ده احنا اغلب السواح الاجانب اللي عندنا كسر
ده السايح من دول اتعلم النصاحة وبقي بيفاصل ولا المصريين
يا راجل اسكت
الواحد صايم ومش عاوز يغلط في حد
قال سياحة بلدك قال
من فضلك ممكن توضيح؟!
ازاي وزارة السياحة مسئولة وهي السبب عن معاملة الموظف الغير محترمة لمصري زيه في فندق على أرض مصر؟!
إيه التحكم العجيب ده اللي يخلي شوية موظفين وزارة يعرفوا يسيطروا على الكلام والأفعال من عاملين بالقطاع السياحي بعيدة عنهم؟! يعني مفهوم الكلام اللي مكتوب إن العامل بالقطاع السياحي في مصر لا يسأل عن أفعاله لأن وزارة السياحة المصرية هي ولي أمره والوصي عليه؟!
وبالنسبة للأجانب:
مش ده نفس الأجنبي اللي لو سمكة قرش عدت من جمبه ولا حادثة إرهابية حصلت ولا فيه مظاهرات وضرب وثورة ما يهوبش ناحية مدن البحر ولا ينزل مصر أصلا؟ مش ده الأجنبي اللي عايش في بلده إنسان عادي جدا لكن هنا يعملوا منه ملك؟
لو همهم الأول والأخير الأجنبي وعقلهم بيقول طز في المصري صاحب البلد، بسيطة...خلي الأجنبي ينفعهم
....*عذرا لصاحب الموضوع عن الخروج على الهدف من موضوعه
Hilton World Wide على خليج نعمة نفسه مفيش احسن من كدة بس بصراحة مش عارف الاسعار
ياباشا انا كنت هناك تانى اسبوع فى يوليو ودفعت فى 5 ليالى 6 ايام 1750 جنيه انا ومراتى وطفلين
انا هاقولك تعمل ايه حضرتك هاتتصل بيهم وتقولهم عاوز نمره المبيعات اللى فى جراند ازور تمام كده
وتروح مكلم المبيعات وتفاصل معاه ايوه ماتستغربش تفاصل معاه وقوله عاوزين خصم وبتاع وكده
هو ده اللى انا عملته وصدقنى الفندق تحفه
أنا هاتكلم بشكل محايد tفى نقطة مهمة أوى للناس اللى بتهاجم ألأجانب و السياحة و بيتكلموا عن السياحة الداخلية ...أحنا كمصريين للأسف شكلنا بيبقى وحش جدا قدام الجنسيات التانية فى الفنادق(الموضوع دة لمسته بشكل مكثف فى الفترة اللى فاتت)..والله لو السائح المصرى حسن سلوكياته هايبقى فيه فرق كبير جدا..... علشان ماحدش يتجنى على الناس اللى فى المنتجعات و انا مابشتغلش فى فنادق بس بتعامل مع الفنادق لأنى شركة سياحة...مبدئيا حتة انى مصرى و علشان كدة بتعامل فى الفنادق وحش الكلام دة غير صحيح تماما...و على العكس الناس اللى بتشتغل فى المنتجعات لما حد مصرى بييجى و الله بيتعاملوا معى المصريين بأفضل ما يمكن و بيفضلوهم فى الخدمة عن ألأجانب دة لو فى حالة اننا بنتعامل مع الناس اللى بتشتغل ديه بشكل كويس...لأن للأسف فى ناس بتيجى تتعالى على الناس اللى شغالة فى الفنادق و تتعامل معاهم فى منتهى السؤ و قلة الزوق و التكبر( وبشوف دة بنفسى كتير) و طبعا داخل فى دة السلوكيات السيئه لكتير من المصريين :
* ثقافة البوفيه المفتوح ...بمعنى ان المصرى مش بيقف فى الطابور على البوفيه و ده بيدى صورة سيئه جدا جدا عننا كمصريين..يعنى تلاقى ألأجانب واقفين طابور و تلاقى هوب ..أسرة مصرية داخلة على البوفيه من كل اتجاه و يخش من النص على الصنف اللى هوا عايزة بغض النظر عن أى واحد واقف.
*ثقافه الطبق ...للأسف في ناس كتير جدا جدا بيقعد يملى فى الطبق و يعملوا زى الهرم و يكوم فى حلو و فاكهه على الترابيزة...وفى ألأخر مابياكلش كل ألأكل دة و دة طبعا بيسبب انتقاد للسلوك ده من ألأجانب و المصريين الموجودين بالمكان
*ثقافةاستعمال الغرف...ألأجانب لمل بيسيبوا الغرف بيسيبوها فى حالة كويسه جدا و مفيش زبالة ولا خساير فى الغرف و يادوب نظافة خفيفه و تغيير ملايات بعد ما يمشوا....للأسف فى نسبة كبيرة جدا من المصريين بتسيب الغرف فى حاله يرثى لها من سوء ألأستعمال و ثقافة "ألأنتقام" ماهو أنا دافع فلوس و باخد حقى لدرجة فى ناس بتاخد الفوط فى الشنط و هىا ماشية...لدرجة أن فى فنادق بتفضل تبيت الغرفة فاضيه على أنها تسكنها لحد ممكن يدمرها
*ثقافه ألأجازة...للأسف عندنا فى مصر الناس مابتحترمش الناس اللى حواليها فى أثناء ألأجازة..بمعنى..معاك أطفال يبقى لازم تسيطر عليهم علشان ما يبقوش مدمرين للمكان و مزعجين لكل الناس الموجودة فى الفندق...والله أنا عمرى ما شوفت أطفال أجانب عندهم الفكر التدميرى اللى اللى بيبقى موجود عند ألأطفال عندنا(لأن ببساطه عندنا ألأم و ألأب سايبيين ألأطفال يعملوا اللى هما عايزين فى حاجة الناس) و الله بدون مبالغة كنت قاعد مرة فى كوفى شوب و شايف طفلين و جنبيهم أمهم و الطفلين ماسكين شجرة صغيرة شكلها جميل و فيها ورد و بيخلعوها من جدورها و أمهم شايفاهم و قاعدة تتكلم مع اللى جنبها بدون أى كلمة للأطفال...والله أنا دمى فار و روحت جريت عليهم و وقفتهم بالراحة و قولت لهم حرام دى كائن حى بيحس زينا و بصيت ناحية أمه و لاحظت أن شكلها متعلمة ..بس للأسف يظهر أنها مش فى دماغها خالص أن الطفل بيدمر حاجة جميلة و أنها لازم تخلى بالها من الحاجات ديه.
و الله...لأازم الناس تفهم ثقافة ألأجازة ...و لو فى رحلة مصريين طالعة شرم أو الغردقة بيكون مع الرحلة مشرفين..المشرفين دول لازم يفهموا الناس بدون حساسيات السلوكيات الصح فى الفنادق...حتى علشان شكلنا و سمعتنا كمصريين...و الله أنا كنت مكسوف جدا و فى نص هدومى من شكاوى ألأجانب لما مصرى يخش قدامهم بدون طابور بمنتهى اللامبالاه فى المطاعم (و دة موقف متكرر بشكل بشع من المصريين) ألأجنبى لما تتخطاه فى الطابور دة بيكون كأنك شتمته و أهنته و سرقته...
و ده مايمنعش ام فيه مصريين بيجوا و بيكونوا على أعلى مستوى من الوعى و دول بيرجعوا مبسوطين جدا جدا من ألأجازة و أعتقد فى ناس كتير أفاضل من المنتدى ممكن يكتبوا عن تجارب كويسة فى المنتجعات و دة لأنهم بيتعاملوا مع الناس اللى بتشتغل فى الأماكن ديه بشكل طبيعى بدون تعالى و أهم حاجة ثقافة ألأجازة موجودة أن أنا بقضى أجازتى بدون ألأعتداء على حقوق غيرى ولا حد يعتدى على حقوقى.
بالنسبة لصاحب الموضوع, فى أخوة هنا رشحولك فنادق كويسة جدا و هاتنبسط فيها جدا زى :
هيلتون شرم دريمز(مع أنه مش على البحر بس فندق كويس جدا)
تروبيكانا (جراند أزور -سي بيتش-رويال جراند أزور-أزور كلوب)كلهم كويسيين جدا بس أزور كلوب هاتعدى الشارع علشان تروح البحر
لاجونا فيستا فندق محترم جدا جدا بس غالى شويه
هيلتون الشلالات
دريمز بيتش
المشكلة يا استاذ مهاب بقى
ان ييجي واحد زي حالاتي ..... محترم و في حالي و مش متعالي على ستاف الفتدق و مش مخرب ....... الخ الخ الخ
و يتعامل معاملة زي الزفت على حس ناس تانية مش كويسة لمجرد انه مصري و هما مصريين زيه
دي بقى اللي بتحرق دمي فعلا ....... و لو تحب احكي لك مواقف كتير جدا ممكن احكي لك .......
ده اللي بنحكي فيه من الصبح
طبيعي سائح محترم يتعامل باحترام
سائح وحش يبقى غير مرحب بيه
لكن سائح محترم وغير مرحب بيه؟؟؟؟؟؟؟؟؟؟؟؟؟؟؟؟؟؟؟؟؟؟ ده اللي مش مفهوم ولا مقبول
وياريت يا أستاذ أحمد تحكي عشان الناس اللي مش مصدقة ومصرة إن العاملين في الفنادق ملائكة والسائحين المصريين الي زيينا هما اللي يستاهلوا!!!!!
المواقف مالهاش اول من اخر
بدءا بتطنيش الطلبات البسيطة الطبيعية جدا لاي نزيل (عايز فوط نضيفة مثلا عشان الفوط اللي في الاوضة مبلولة او متوسخة .......) ...... مرورا بالسؤال بطريقة شكاكة جدا على البوابة (هو حضرتك نزيل هنا؟) و طبعا بيبقى فيه أمم داخلة قدامك و وراك بس عشان عينيهم خضرة و شعرهم اصفر محدش بيقول لهم بم و كان انت اللي شكلك ما يجيبش مثلا ....... مرورا بمرة الباشا عمل لي كارت جديد عشان نسيت كارت الاوضة في العربية و العربية مركونة بعيد و اما وصلت الاوضة لقيته ما بيفتحش و الاوضة بعيدة جدا عن الريسبشن كلمتهم من تليفون السيرفيس اللي في الطرقة ما رضيوش يبعتوا المفتاح مع حد عشان "مش فاضيين" .... مرورا بالباشا بتاع الهاوس كييبينج اللي مرة حاول يفتح عليا الباب انا و مراتي مع اني معلق "برجاء عدم الازعاج" و صحانا من النوم مفزوعين و بيقول لي مش انتوا "هتأووتوا" (يعني هتعملوا تشيك أوت) النهاردة (و الساعة كانت لسه 8 و لا 9 الصبح غير ان العلامة متعلقة !!) ...... مرورا بالاوتيل الغير محترم (خمس نجوم على فكرة) اللي عمل بوفيهين منفصلين في المطعم واحد للمصريين و التاني للاجانب !!! ........ و انتهاءا بالاوتيل الظريف اللي كنت حاجز فيه اوضة دابل بسرير واحد كبير و اوضة Plus Room مقابل خمسة دولار بس زيادة و دي حاجة خاصة بالفندق ده في التصنيف و الاستاذ كان عايز يدفعني 100 جنيه بدل ال 5 دولار (طبعا قلت له لما تشوف طبلة ودنك) و نزلي في اوضة بسريرين (و ما سبتوش الا اما غيرها و في ساعتها !) ........ و انتهاءا طبعا بكل الفنادق المحترمة اللي بتحاسب المصريين بضعفين و تلات اضعاف سعر الاجانب و تديهم على قفاهم في المعاملة
انا ما سافرتش برة دول كتير الصراحة (هما 4 دول) بس احب اقول ان المصريين افشل ناس في صناعة الضيافة hospitality industry....... بجد انا اما كنت في لبنان قلت هما العرب اللي قدامهم ييجوا هنا و مع ذلك بييجوا مصر بييجوا مصر ليييييييييييييه ؟؟؟؟؟؟ اصغر قهوجي في اقل كافيه متواضع في بيروت بيعرف يضايف الناس و يرحب بيهم و يعاملهم احسن من المتر دوتيل بتاع المطعم الدوار في مصر (اللي كان بيعاملني انا و مراتي بمنتهى القرف من طرطوفة مناخيره ....... مع ان الحساب تجاوز الالف جنيه بشويتين !!! و و الله العظيم ما طلبنا منه حاجة زيادة ان شا لله حتى كلينيكس !!!!!!! ) ...... و بلاش بالمرة نتطرق لمصر للطيران و المعاملة الزبالة عليها بالمقارنة مثلا - بلاش بإيميريتس لاني هابقى باقارن فريق كفر البطيخ بفريق البرازيل - بناس إير (اللي هو خط طيران اقتصادي و كل حاجة عليه حتى كباية المية بفلوس ....... بس و الله محترمين عن مصر للطيران ميت مرة) ....... و بلاش نتطرق للمعاملة في المطارات اللي بتدي اولوية في كل حاجة للاجنبي ....... و لا يمكن المصريين بيكسروا المطارات و بيسرقوا المناديل من الحمام كمان !!
على فكرة كل ده حصل معايا شخصيا مش حكايات و اقوال مرسلة ...... و لو كملت انا ممكن احكي لبكرة ...... بس طرطايف صوابعي وجعتني !! :,:
بس بصراحة الواحد زي ما قال في المنقي خيار في فنادق كتير احب اذكر القائمة البيضاء بتاعة الفنادق اللي انبسطت فيها و ما حصلش فيها مواقف نص كم زي دي:
1- ستيلا دي ماري جراند - السخنة
2- ستيلا دي ماري سي كلاب - السخنة
3- إيبيروتيل أكوامارين (الغردقة)
4- تروبيكانا روزيتا كلاب (شرم الشيخ)
5-تسوككوس كليوباترا (شرم الشيخ)
6- ماريوت - الغردقة
القائمة السوداء بقى ...... عالخاص للي عايز !!
Coral Beach Rotana Tiran
ممتاز
لازم بردة نقول الايجابيات
انا بسبب طبيعة شغلى بسافر كتير وبصراحة الخطوط المصرية بقت احسن كتير واحسن مثلا من الخطوط السعوديةفى المعاملة وفى نضافة الطيارة
دة غير مهارة الطيرايين المصريين فى الهبوط اللى مشفتش زيها حتى فى الخطوط الالمانية والتركية وغيرها
وان شاء الله نوصل لنظافة الخطوط الاماريتية
انا لسة راجع من رحلة لماريوت شرم الشيخ فى خليج نعمة ...... ممتاز و الاوضة الدبل ب 600 جنيه فطار و عشاء ..... بس فى الماونتن سايد ... اللى بيفصله عن البيتش سايد الشارع العمومى ..... يعنى لو عايز تروح البيتش لازم تطلع و تعدى الشارع و تدخل البيتش سايد.
سهل حشيش ياباشا وعيييييييييييييييش احلى خدمة واحلى طبيعة
هيلتون شارم دريمز
بجد الفندق تحفه والمعامله والناس زي الفل مشفتش اي حاجه من الكلام ده
مره في المطعم في الفطار او العشاء حد من اللي شغالين في المطعم شايفني انا مراتي بنتحايل علي عمر عشان ياكل اي حاجه و مش راضي قال سيبهولي وتاكل ايه وقعد يهظر معهاه وجابله زبادي فواكه وده مش موجود في البوفيه
وشيف جه سئلني ايه اخبار الاكل لو في حاجه مش عجباك قول ولو عايز حاجه حته لو مش في البوفيه قول وانا هعملهالك كذ مره
انا الفندق بصراحه اتبسطت فيه قوي
انا تجربتي مع الموضوع ده تتلخص في انك ماتروحش في موسم اجازات
يعني لو رحت في الاعياد او في الصيف انسى انك تلاقي خدمة كويسة
لكن في الاوقات اللي مافيهاش اجازات حتلاقي الدنيا رايقة و المصريين قليلين في الفندق و حتلاقي الدنيا زي الفل