انتا تسال/انا اجيب على اعطال سكودا موديل 1997:1994(ففوريت - فورمان - فلشيا - كومبى)

السلام عليكم ورحمة الله
بشمهندس احمد ازي حضرتك
ليا استفسار انا عندي كهربه الماتور مش مظبوطة وروحت من يومين لحد بتاعات كربراتير وفكه ونضفه وغير بيك السلانسية وصيانة عادية وبرضه ما اتظبطتش قالى الكهربا فيها حاجة مش مظبوطة غير بوجيهات وظبط التاكيهات عشان محملة المهم روحت غيرت البوجيهات وبرضه العربية مش مظبوطة تفتكر حضرتك العيب يكون في ايه ؟؟؟

ثانيا وانا واقف عند بتاع الكربراتير خليت كهربائي فك البطارية وزودها ميه 30 عشان انا مش بزودها من زمااان وغير الميه وشحنها بس دلوقتى لما بركن العربية فترة لازم ادورها زق المارش ما بيشتغلش سالت الكهربائي الى بتعامل معاه قالي غير البطارية

ثالثا : والبطارية نايمه كنت بلعب في المارش عشان يشتغل لو معلق وخبط في السلك بتاع المارشدير الى بيبقى في الفتيس من تحت عشان لمبة المارشدير واتقطم السوكت بتاعه والكهربائي قالى احنا هنضف مكانه ونلحمه وهيشتغل عادي هو ما يتفعش اركب السوكت الاصلي بتاعه تاني ولا لازم لحام ؟؟

اقتباس:

---

المشاركة الأصلية كتبت بواسطة mr_megahed

استاذ احمد انا متشكر لردك وكمان بشكر استاذ محمد صلاح انا بصراحة استفدت من كلامكم انا ان شاء الله هاعمل الحاجات دى وارد على حضرتك شكرا ليكو جدا

---

لا شكر على واجب يا صديقى
ياريت قلى بطلبة من سياتك المتابعة معانا و تقولنا على الجديد
ولو فى حاجة مش عارفها اسئل قبل ما تنفذ اى حاجة
علشان تاخد النصيحة صح وتستفاد بيها
وربك المستعان

اقتباس:

---

المشاركة الأصلية كتبت بواسطة mada3030

b لا شكرعلى واجب انا معملتش حاجه دا البشمهندس هو اللى جاب الزتونه

---

كدة بردك تعمل فرق يا صديقى مابينى و بينك انا وانتا اية
مش واحد يا صديقى
حبيبى يا استاذ محمد
ربك المستعان

اقتباس:

---

المشاركة الأصلية كتبت بواسطة ayman20100

السلام عليكم ورحمة الله

وعليكم السلام

بشمهندس احمد ازي حضرتك

اللة يسلمك

ليا استفسار

اتفضل استفار يا صديقى

انا عندي كهربه الماتور مش مظبوطة وروحت من يومين لحد بتاعات كربراتير وفكه ونضفه وغير بيك السلانسية وصيانة عادية وبرضه ما اتظبطتش قالى الكهربا فيها حاجة مش مظبوطة غير بوجيهات وظبط التاكيهات عشان محملة المهم روحت غيرت البوجيهات وبرضه العربية مش مظبوطة تفتكر حضرتك العيب يكون في ايه ؟؟؟

ممكن حضرتك تشرحلى المشكلة اية لانى انتا كدة مش شرحها بمعنى اية بتقولى موتور بيرتل ومتلت وبيعلى ويوطى و لةبيبطل لوحدة
عاوزك تقولى مثلا العربيةلما بطلع بيها على الغيار بتنتش و لة بتقطع او مثلا بتقطع وانا ماشى كدة عاوزك تشرحلى اعراض العطل علشان اقدر افيدك مظبوط
كدة تمام

ثانيا وانا واقف عند بتاع الكربراتير خليت كهربائي فك البطارية وزودها ميه 30 عشان انا مش بزودها من زمااان وغير الميه وشحنها بس دلوقتى لما بركن العربية فترة لازم ادورها زق المارش ما بيشتغلش سالت الكهربائي الى بتعامل معاه قالي غير البطارية

تغيير البطارية يتوقف على عدة عوامل
اولا فترة عمل البطارية من يوم الشراءللحد دلوقتى بقالهاقد اية
ثانيا صيانةالبطارية بصفةمستمرة ولة كل فين وفين
ثالثا الفترة قلى انتا بتركن فيهاالعربية قد اية لوفترة طويلةتنام او معاك من يوم للحد اسبوع يبقى عادىالمفروض متنامش فى حدود المدة
ولو هتغيير نصيحة خليك فى البطارية الجافة معروف هتتغير امتا لها عمر افتراضى ومفيش احماض بتنزل على حوض الموتور و البرومة والقصة دى

ثالثا : والبطارية نايمه كنت بلعب في المارش عشان يشتغل لو معلق

لحد هنا انامعاك وفاهم

وخبط في السلك بتاع المارشدير الى بيبقى في الفتيس من تحت عشان لمبة المارشدير واتقطم السوكت بتاعه والكهربائي قالى احنا هنضف مكانه ونلحمه وهيشتغل عادي هو ما يتفعش اركب السوكت الاصلي بتاعه تاني ولا لازم لحام ؟؟

دة اية علاقتة بالبطارية و المارش

انتا قصدك السوكت قلى بيركب علية الترملة بتاعةالفيشة
لو السوكت اتكسر تلحمة لحام نظيف علشان ميلمس مع اى حاجة تانى لانىمشكلة سوكتات العربية كلها بلتى ان على الجزء نفسة فا لما بيتقطم هتضر اغير القطعة كلها يبقى حرام لا الحمة لحام نظيف

متابع مع حضرتك باهتمام و لو انتا مش عارف توصل المعلومة بالكتابة ممكن تتصل بية على الموبيل و اشرحلى اوممكن تكتبلى رقم تلفونك و انا اتصل بيك سيام
ربك المستعان

---

كهربه الماتور مش مظبوطه لاني مش عارف اظبطها ولو المكيكانيكي ظبطها دايماً فيه حاجة غلط ياعني صوت الماتور عالي والعربية بتقطع وانا ماشي بتزوق كده وانا دايس بنزين اكنها بتنتش وما بعرفش امشي على التاني في السلانسية خالص مع اني كنت بعرف اعمل كده ياعني لو هديت خالص ونزلت للتاني ما اعرفش امشي بالتاني على سرعة قليلة اوي احس ان العربية عالية ولازم اسند دبرياج والعربية الصبح بتدور بعد ما اكارك ليها اكتر من مرة وادورها ورجلي مزوده بنزين عشان تلقط ده بالنسبة للكهربا

بالنسبة للبطارية لو ركنتها لغاية 8 ساعات عادي تدور لو عديت ال 12 ساعة ما تدورش الا زق وانا قولت ده يمكن عشان غير الميه بتاعتها ولسه الشحن مش تمام وكنت قريت قبل كده موضوع حد عمل الصيانة ديه وقال ان الاعراض ديه ممكن تفضل اسبوع وبعد كده تتظبط فهل ده حقيقي ولا لاء


بالنسبة للمبة المارشدير انا كنت بخبط على المارش بمفتاح وبشيك على الوصلات الكهربا وشديت السلك ده او اتخبط مني ففصل وجيت اركبه اكتشفت انه اتقطم وطبعاً لازم لحام زي ما قال الكهربائي وحضرتك

اخيراً انا بحب اسال على العام عشان الفايدة تكون عامة وانا اتشرف بمعرفة حضرتك طبعاً وليا الشرف اني اكلمك في اقرب فرصة وجزاك الله خير وان شاء الله هبقى اسال حضرتك على كهربائي اعمل عنده حاجات كتير مع بعض لان عندي شوية شغل كهربا بس مش دلوقتي هعمله ابقى اعمله بعد فترة ان شاء الله ولا ممكن ابيعلك العربية تظبطها وابقى اشتريها منك تاني مظبوطة لان الواحد بجد زي الزفت في التعامل مع الصنايعية ربنا يستر
ايمن سعد

اقتباس:

---

المشاركة الأصلية كتبت بواسطة ayman20100

كهربه الماتور مش مظبوطه لاني مش عارف اظبطها ولو المكيكانيكي ظبطها دايماً فيه حاجة غلط ياعني صوت الماتور عالي والعربية بتقطع وانا ماشي بتزوق كده وانا دايس بنزين اكنها بتنتش وما بعرفش امشي على التاني في السلانسية خالص مع اني كنت بعرف اعمل كده ياعني لو هديت خالص ونزلت للتاني ما اعرفش امشي بالتاني على سرعة قليلة اوي احس ان العربية عالية ولازم اسند دبرياج والعربية الصبح بتدور بعد ما اكارك ليها اكتر من مرة وادورها ورجلي مزوده بنزين عشان تلقط ده بالنسبة للكهربا

بالنسبة للبطارية لو ركنتها لغاية 8 ساعات عادي تدور لو عديت ال 12 ساعة ما تدورش الا زق وانا قولت ده يمكن عشان غير الميه بتاعتها ولسه الشحن مش تمام وكنت قريت قبل كده موضوع حد عمل الصيانة ديه وقال ان الاعراض ديه ممكن تفضل اسبوع وبعد كده تتظبط فهل ده حقيقي ولا لاء


بالنسبة للمبة المارشدير انا كنت بخبط على المارش بمفتاح وبشيك على الوصلات الكهربا وشديت السلك ده او اتخبط مني ففصل وجيت اركبه اكتشفت انه اتقطم وطبعاً لازم لحام زي ما قال الكهربائي وحضرتك

اخيراً انا بحب اسال على العام عشان الفايدة تكون عامة وانا اتشرف بمعرفة حضرتك طبعاً وليا الشرف اني اكلمك في اقرب فرصة وجزاك الله خير وان شاء الله

انا قلى اتشرفة بحضرتك وان شاء اللة هتكون معرفة خير باذن الله

هبقى اسال حضرتك على كهربائي اعمل عنده حاجات كتير مع بعض لان عندي شوية شغل كهربا بس

وانا معاك لواحتاجةاى مساعده

مش دلوقتي هعمله ابقى اعمله بعد فترة ان شاء الله ولا ممكن ابيعلك العربية تظبطها وابقى اشتريها

ياعم مش مستهلة تبيع وبعدين تشترى القصة بسيطة

منك تاني مظبوطة لان الواحد بجد زي الزفت في التعامل مع الصنايعية ربنا يستر

عارف انتاحضرتك مخنوق منها لية علشان مش فاهم و مش عارف قلى بيتعمل قدامك دة صح ولة غلط
وهل بيتنصب عليك وما بيتنصبش عليك كل دة بيدور فى خيالك
لا انتا تسال وتعرف هنا وبعدين تروح تنفذ والراجل الميكانيكى وهو شغال عينك علية وهتقدر تطابق الكلام بالى بيتعمل
غير كدة هتعرف انى فى حاجة مش مظبوطة
صح ولة اية

---

هقولك يا استاذ ايمن الموضوع يتلخص فى 6 حاجات دى بقى كهربة العربية

1- الموبينة
2- الاسبرتير
3- المشط الالكترونى
4- البطارية
5- الدينمو
6- المارش

انتا من كلامك كدة يا موبينة يا اسبرتير
هتقولى اية الحيرة يعنى الاتنين هقولك لا حرام

الموبينة

الاول هنكشف على الموبينة علشان نعرف هى كويسة و لة لا
سياتك تحضر مفك رافيع وتفك الكبل قلى واصل ما بين الاسبرتير و الموبينة هتفك من على الاسبرتير
وتحط المفك فى الكبل بدل ماتحطة فى البوجية وتقربة من جسم الموتور يكون ما بينة وما بين الجسم بتاع 2 مم وهتخلى حد يدورلك ( تحذير اوعى ايدك تلمس المفك من المعدن امسك المفك من الطرف المعزول علشان صدمة الموبينة الكهربائية وحشة جدااااااااا لا قدر الله )
الموتور مش هيدور بس هتلاقى شرارة خارجة من طرف المفك و بتلزق على جسم الموتور
الشرارة بقى شرارة كبيرة ولونها اصفر و تحس الشرارة طلعةزى نقطة للهب ولة طلعة نقطة لهب ضعيفة وصغيرة ولونها مش اصفر وكبيرة
يبقى الموبينةتغيرها على طول علشان ضعيفة كدة انتا عارفة انى هى كويسة ولة واحشة
وعلى ما اعتقد هتكون الاسبانى عاملة 100 الى 110 وكويسة
لو كويسة خليها ننقل على المرحلة التانية


الاسبرتير

فك الغطاء وبص عليها شوف كدة مشربن عامل كربون عامل رايش طيب وهو الموتور شغال على السلانسية عامل خرواشة عالية ولما بتمشى على غيار وبتحرق بتحس تحت رجلك فى نحررررررر
فى الموتور يبقى الاسبرتير غيرووووو
الاسبرتير الالمانى هيبقى مش هيزيد عن 650 جنية
والصينى هيبقى 250 جنية وشغال


البوجيهات

بقى ممكن تكون العربية معاك متلتة يعنى شغالة بثلاث اسطونات بدل اربعة هنعرف منين
هتفتح الكبوت هتلاقى الاربع وصلات بتوع البوجيهات
شيل الكابل الاول ها صوت الموتور اتغيير وبدء يترج كويس البوجية شغال
شيل الكابل الثانى والثالث والرابع
مثلا جيت شيلت كابل البوجية التالت الموتور متغيرش صوتو لة اى حاجة يبقى البوجية دة مات غيرووووو

البطارية

بقالها قد اية مردتش عليا
لو عدى عليها السنة غيرها وريح دماغك انتا داخل على الشتا
بس هاتها جافة زى منا قولتالك


كل دة بيؤدى الى الاعراض قلى انا شرحتة بتشخيص العيب بالطرق قلى انا قولتالك علية
ظبط و هتدعيلى

كدة على ما اعتقد خد كورس كهربةعربية تمام
ربك المستعان
ويارب اكون قدرت اوفق فى الشرح

يابش مهندس عندى مشكلة ظهرت فجأة عند تشغيل السيارة لمبة البطارية اللى فى الطابلوم مبتنورش لمبة الزيت بس هى اللى بتنور ياترى اى المشكلة؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة sakr1964

يابش مهندس عندى مشكلة ظهرت فجأة عند تشغيل السيارة لمبة البطارية اللى فى الطابلوم مبتنورش لمبة الزيت بس هى اللى بتنور ياترى اى المشكلة؟؟؟؟؟؟؟؟؟؟؟

---

ان شاء اللة خير
اناعاوز اسال سؤال
انتا الكونتاكت عندك تكتين التكة الاولى بالمفتاح لازم تنور عندك للمبتين للمبةالبطارية و للمبة الزييت
فى حالة دوران الموتور لازم يكونو مطفيين
انتا بتقول للمبة البطارية مابتنورش فى الحالة دى يبقى يترجع على للمبةالبيان واتاكد انى هى شغالة
ياتراجع على وصلات الطابلوة و تتاكد انى هى متوصلة
دى الحالتيين المؤدين للعطل

ربك المستعان

بجد انا قريت الموضع كاملا ولا املك الا ان اشكر للباشمهندس العظيم الراجل المحترم الذى ندر وجودة فى هذا الزمان كلمة حق كان يجب ان اقولها(جزاك الله خير الجزاء ) اخى الكريم وبارك الله لك وفيك وجعل عملك الطيب هذا فى ميزان حسناتك يوم الدين ونحن شهود على اخلاصك سلامة نيتك وسريرتك الطيبة اسلوبك يذكرنى بصديق جدا محترم فالله الله عليك بجد استفدت من هذا الموضع اسال الله ان ينير بصيرتك ويتم عليك نعمه وان تكتب يوم القيامة من الفائزين بجد لا ادرى ماذا اقول لك جزاك الله خيرا....

اقتباس:

---

المشاركة الأصلية كتبت بواسطة sakr1964

بجد انا قريت الموضع كاملا ولا املك الا ان اشكر للباشمهندس العظيم الراجل المحترم الذى ندر وجودة فى هذا الزمان كلمة حق كان يجب ان اقولها(جزاك الله خير الجزاء ) اخى الكريم وبارك الله لك وفيك وجعل عملك الطيب هذا فى ميزان حسناتك يوم الدين ونحن شهود على اخلاصك سلامة نيتك وسريرتك الطيبة اسلوبك يذكرنى بصديق جدا محترم فالله الله عليك بجد استفدت من هذا الموضع اسال الله ان ينير بصيرتك ويتم عليك نعمه وان تكتب يوم القيامة من الفائزين بجد لا ادرى ماذا اقول لك جزاك الله خيرا....

---

انضم لحضرتك في الكلام الى حضرتك قولته البشمهندس احمد فادني كتيير اوي وبجد انسان قمة في الاحترام والادب وربنا يجازيه خير بجد بعد ما بساله واسال الصنايعية اكتشف اد ايه الواحد بيضحك عليه منهم واد ايه ممكن انسان بيفكر صح وبمنهج علمي يقدر يتفوق عليهم في صنعتهم انا كتير سالته وروحت قولت للصنايعي غيري الجزء الفلاني تحديداً وكنت بشتريهوله كمان وفعلا لا خاب من استشار والبشمهندس احمد هو مستشار قسم الاسكودا ومش عاوز انسي طبعاً اعضاء هنا كتير برضه بيساعدوا على قد ما يقدروا وفي اي فرصة وخصوصاً بيسو الى عاوز يعدل فى الفليشيا وان شاء الله مع افكاره نعمل حاجه حلوة