اقتباس:
المشاركة الأصلية كتبت بواسطة mr_megahed
رايح بكرة ان شاء الله للاسطى عادل الميكانيكي اللى فى شارع المرور عندى حاجات كتير فالعربية شغل عفشة وشغل ميكانيكا ومحتاج النصيحة يعنى بصراحة مش هاقدر اعمل كل حاجة فيها مرة واحدة تنصحونى اعمل ايه المهم الاول واسيب الباقى فترة معلش هيه حاجات كتير :
1- عندى صوت فى الدركسيون وانا راكن العربية وبحركه يمين اوشمال ده ممكن يكون ايه.
2- العربية فى الدوارة الصبح بتغيب على ماتدور
3- العربية لما بتدور لازم اعلق رجلى على البنزين عشان متبطلش
4- العربية بعد 80 الدركسيون بيترج جامد اوى ولما افرمل نفس المشكلة
5- ترشيح زيت على الموتور
6- العربية من ورا حاسس انها واطية (مساعدين)
7- عايز اعرف الكاوتش عمره الافتراضى انتهى ولا لا
8- عندى عوجة فى الجنط الامامى شمال محتاج يستعدل بتاع الكاوتش قاللى لازم على السخن
يمكن ده اللى انا لاحظته دلوقتى العربية كنت بركبها قبل كده بس مكنتش بتاعتى فمعرفش ايه اللى كان فيها انا دلوقتى اشتريتها ومحتاج اظبط الحاجات دى بس محتار ابدا بإيه انا بكرة ان شاء الله هاروح للاسطى عادل يبصلى عليها ويقولى فيها ايهواسال على كل الحاجة اللى هيقولى عليها تتكلف كام بصراحة انا خايف لتفتح اوى واكيد هيطلع حاجات تانية الواحد ممكن ميكونش شايفها بعينه
محتاج النصيحة
السلام عليكم ورحمة الله وبركاتة
بالتوفيق ان شاء الله وربنا يسلم شوف انا حاحاول افسرك بعض المشاكل يعنى علشان لما تروح للميكانيكى يعرف انك فاهم شوية....
- عندى صوت فى الدركسيون وانا راكن العربية وبحركه يمين اوشمال ده ممكن يكون ايه
المشكلة دى فى علبة الدريكسيون خليه يكشف عليها ممكن تتصلح ....
2- العربية فى الدوارة الصبح بتغيب على ماتدور
3- العربية لما بتدور لازم اعلق رجلى على البنزين عشان متبطلش
المشكلتين دولا سببهم واحد وهما مش مشكله اساسا العربية عاوزة تظبيط الهوا(السلانسية) وكهربة العربية....
العربية بعد 80 الدركسيون بيترج جامد اوى ولما افرمل نفس المشكلة
موضوع الرجرجة دة العجل عاوز يترصص وتظبيط الزواية وده فى أي بنزيمة بها خدمة ظبط الزواية وممكن تكون مشكلة تنابيطر عاوز تروح المخرطة....
مش فاهم يعنى ايه ترشيح زيت لو اللى انا فاهمة ترشيح زيت على الموتور من الخارج لو كان كده يبقى المشكلة مش مشكلة هو تلاقى بس غطا التاكيهات مهوى عاوز يتقرط عليه شويه....
6- العربية من ورا حاسس انها واطية (مساعدين)
خلى بالك هيكل الأسكوادا الفليشيا شكله كدة تحس ان العربية واطية من وره فى سحبة بسيطة فى هيكل العربية وده علشان توصل لأقصى درجة فى الانسيابية وده ميزة ولاكن لو حاسس ان العربية بتحك فى المطباط من الخلف اه يبقى غير المساعدين**
7- عايز اعرف الكاوتش عمره الافتراضى انتهى ولا لا
اه الكاوتش ممكن تكشف علية بنفسك يعنى لو به بعد التشققات او تآكل البروزات اللى فى الكاوتش(الكاوتش ناعم) يبقى تغيرة على فكرة الكاوتش ليس له عمر افتراضى الكاوتش عمرة الافتراضى بكثرة رحلات السفر الطويلة يعنى ممكن تجيب طقم كاوتش يقعد عندك مثلا 3 سنوات وواحد تانى يدوبك ما يجبش معاه سنة واحدة ....
عندى عوجة فى الجنط الامامى شمال محتاج يستعدل بتاع الكاوتش قاللى لازم على السخن
انا بانصح بلاش تستعدل ياريت تشترى جنط جديد افضل على فكرة ده ممكن يكون هو اللى عملك المشاكل بتاعت الرجرجة والحاجات دى يبقى قطمة احسن من نحتة زى ما بيقولو يبقى التغير افضل ودا رئي....
يارب اكون قدرت اساعدك فى الموضوع وياريت بعد ما تنتهى من العمليات دى ترجع وتقولنا عملت ايه....
((( والله فى عون العبد مادام العبد فى عون اخية ))