عودا حميد مجيد يابش مهندس احمد بجد افتقدناك كتير وحشنا والله ربنا يبارك لك ويسهل امورك ويجزيك كل الخير بجد انا سعيد انى لقيتك لسه فاكر نايل موتورز!!!!!!!
عودا حميد مجيد يابش مهندس احمد بجد افتقدناك كتير وحشنا والله ربنا يبارك لك ويسهل امورك ويجزيك كل الخير بجد انا سعيد انى لقيتك لسه فاكر نايل موتورز!!!!!!!
استشارة دقيقة,انا كنت لما ازود في السرعة عن 90 تحصل رجرجة,روحت لميكانيكي وخالني اجيب يمين وشمال بالدركسيون بسرعة وقالي في صوت فانت محتاج تغير علبة الدركسيون, انا نفضت مده و بعد شوية لقيت في رجة خفيفة حتى لو ماشي بطىء, قولت اغير العلبة و امري لله, غيرتها و ظبط زوايا بس الرجة لسه موجود و على السرعة البطيئة انا مجربتش على السريع(وبديهي هتبقى على السريع), المهم روحت للميكانيكي تاني بص لقه الكاوتش اليمين مش مظبوط حتى عاليه و حتى واطيه, ركبت الاستبن مبقاش في رجه وللأسف مجربتش على السريع فهل ده معناه انه كان عيب كاوتش من الاصل وموضوع علبة الدركسيون ده غلط؟
سؤال تاني, انا غيرت مسعدين امامين وكوبلن و مقص يمين, وجيت اجرب لقيت العربية بتحدف شمال و لما افرمل تحدف يمين, روحت لظبط الزواية قالي الزواية مظبوطة جرب تبدل الكاوتشين الامامين عكس بعضيهم وشوف, لقيت العربية بقيت تحدف يمين و مفيش حدف في الفرملة,قالي كده المشكلة عندك في الكاوتش لازم تجيب فردتين اماميتين جداد لأن الكاوتش الامامي اللي عندك فرده نقشه و فرده نقشه تانية, هل الكلام ده صحيح؟؟ لما روحت بقى سمعت صوت تخبيط من تحت يزيد كل لما ادوس بنزين و فجأه سمعت خبطة جامدة والعربية مش بتمشي وهي معشقة و ادوس بنزين ولا الهوا صوت ماتور وخلاص, كلمت الميكانيكي على التليفون قالي بص من تحت كده نحية العجل الامامي و انت معشق العربية شوف اني نحية اللي بتلف لقيت النحيه الشمال قالي كده الكوبلن الشمال خارج من الشرشره!!! الحمد لله ده كان امبارح اول ما وصلت البيت و الدنيا بليل فقالي انه متأسف وكده و امسحه فيه بس مش هايعرف يجيلي دلوقتي عشان انا ساكن بعيد, هل موضوع الكوبلن ده ينفع اعمله انا ولا لازم ميكانيكي؟؟ و هل الكوبلن عشان مكانشي متقرط عليه ليه سبب في حدف العربية؟ معلشي انا طولت عليكم
السلام عليكم ورحمة الله وبركاته
اولا الايجابة عن السؤال الأول فاكيد تىكل الكاوتش يعمل كل المشاكل دى ....
ثانيا اما عن الموضوع الثانى فلابد من ميكانيكة شاطر يركبلك الكوبلن هى مش مشكلة كبيرة بس لازم الأول واحد يغيرة قدامك وبعد كدا يبقى تغير لوحدك....
وعلى فكرة مشكلة اختلاف الكاوتش يتسبب فى مشاكل عديدة فيجب تركيب الكاوتش الأمامى من نفس المقاس والنقشة (البروزات)
اخي العزير يعطيك العافيه
ممكن تساعدني في عربيه سكودا فليسيا 95
العربية فجأه كانت شغاله و طفت جبت الكهربائي قلي اسبرتير عاوز يتغير روحت جبت واحد استيراد بتاع هوندا زي الراكب اصله كان بتاع هوندا و ركبه العربيه مشيت تمام و بعد يومين وقفت تاني شيكت عليها لقيت البوبينة بطلع شراره لاكن الاسبرتير مش بطلع للبواجي خالص روحت للراجل الي اشتريت منه فحص الاسبرتير قلي شغال و انا محتار ايه المشكله العربيه مش بتدور خالص ة لما افك وش الاسبرتير بشوف الشاكوش بدور مع كل دقه مارش ايه المشكله
حبيى انا رديت عليك عبر الرسائل الخاصة ومافيش مانع ارد لتعم الفائدة او يصحح لى اى من الأحباب معلوماتى....
سبب المشكله اعتقد ان ناقل الشرارة من الموبينة الى الأسبراتير تالف علشان نعرف تالف ام لا استعير من جار لك وصلة وركبها عندك وجرب لو زالت المشكلة اشترى وصلة جديدة تمام كدا....
طيب الو بعد التغيير المشكلة مازالت قائمة يبقى لابد من تغيير الموبينة....
جرب كدا ورد عليا وانا فى الخدمة دائما........