انتا تسال/انا اجيب على اعطال سكودا موديل 1997:1994(ففوريت - فورمان - فلشيا - كومبى)

**ahmed hamza** · 30-03-2014 06:34 PM

السلام عليكم
أنا عندى فليشيا 95
بقالها معايا 4 شهور - لا تزيد سرعتها عن 110 كيلوا/ساعه
لو حد يعرف السبب ياريت يقلى
لأن فى حد قالى ده قدره الماتور وده قلقنى أوى ..........

**المنسي** · 31-03-2014 01:09 PM

المشاركة الأصلية كتبت بواسطة ahmed hamza

السلام عليكم
أنا عندى فليشيا 95
بقالها معايا 4 شهور - لا تزيد سرعتها عن 110 كيلوا/ساعه
لو حد يعرف السبب ياريت يقلى
لأن فى حد قالى ده قدره الماتور وده قلقنى أوى ..........

البوابة التانية للكربراتير محتاجة تنظيف

**aw2100** · 11-04-2014 12:28 AM

المشاركة الأصلية كتبت بواسطة yalaa13

السلام عليكم
فليشيا 97 كومبى مشكلتها المطلعايه الجامده لو هديت السرعه فى نص المطلع ( سلانسيه ) العربيه متطلعش ابداً وتكركر ولازم ارجع بظهرى لاول المطلع واطلع بسرعه
نفس المشكله لو وقفت والكاوتش لازق امام مطب عالى معرفش اطلعه الا بصعوبه وبكركره جامده
غيرت بوجيهات ومفيش فايده
الميكانيكى قال لى ده عيب اسبراتير خلعته ورحت لواحد بتاع استعمال قال لى الاسبراتير بتاعك حلو حرام تغيره ،
افيدونى افادكم الله على الحل
:copy of majd(4):

الأفضل ليك تعمل موضوع جديد بمشكلتك دى بعيد عن الموضوع ده !!
عموما واضح انك بتفول بنزين 80 فده بيسد الكاربراتير اول حاجة نظف الكاربراتير وغير فلتر الهواء والبنزين وقول لى وضع العربية اية بعد الصيانة
ممكن تحتاج ظبط كهرباء بعد كده

**sakr_skoda** · 11-04-2014 10:42 AM

المشاركة الأصلية كتبت بواسطة yalaa13

السلام عليكم
فليشيا 97 كومبى مشكلتها المطلعايه الجامده لو هديت السرعه فى نص المطلع ( سلانسيه ) العربيه متطلعش ابداً وتكركر ولازم ارجع بظهرى لاول المطلع واطلع بسرعه
نفس المشكله لو وقفت والكاوتش لازق امام مطب عالى معرفش اطلعه الا بصعوبه وبكركره جامده
غيرت بوجيهات ومفيش فايده
الميكانيكى قال لى ده عيب اسبراتير خلعته ورحت لواحد بتاع استعمال قال لى الاسبراتير بتاعك حلو حرام تغيره ،
افيدونى افادكم الله على الحل
:copy of majd(4):

اعمل موضوع منفصل بالمشكلة فى القسم انك تختار موضوع جديد ودى حتلاقيها يمين اعلى الصفحة وانا حاقولك الحل****

**EngAhmedSayed** · 26-04-2014 02:48 PM

المشاركة الأصلية كتبت بواسطة محمد حسن82

السلام عليكم جميعا عندي مشكلة يا جماعة في الفتيس ساعدوني الله يباركلكم العربية فليشيا 97 ، الفتيس سايب اوي وبيروح يمين وشمال وبيحجر ويعض في الغيار الاول وكمان بيلغبط في المارشدير شوفت مشاركة هنا في الموقع بيحكي نفس المشكلة وكان حلها انه مسمار اللي ماسك جلبة الفتيس سايب وبيتربط عليه ويبقي تمام ، روحت للميكانيكي رفع العربية ونام تحتها شويه طلع قالي المشكلة عندك ان الماسورة علي برشام مش مسمار وصامولة نقدر نحل ونربط وحلها بدل ما نحل الفتيس خالص وده معناه اننا نحل الموتور هنعمل حاجة نختصر بيها المشكلة دي جنبه واحد بتاع لحام كهرباء وعنده بير ، قالي هندخلها علي البير عنده ونفك المسورة دي بشنيور وبعدين نربطها بمسمار ، بصراحة مش مستريح للحل ده ، ياريت ياجماعة اللي عنده سابق خبرة بالموضع ده وعنده حل للمشكلة دي يفيدني الله يخليكم

الموضوع سهل سيلدتك هتروح عند بتاع قطع غيار سكودا و تقولو عاوز ضفدعة فتيس فليشيا
60 او 70 جنية تقريبا و روح عند اى ميكانيكى هركبهالك 15 جنية مصنعية و مبتخدش اكتر من 5 دقايق
و سيبك من اللى هيحل الفتيس و القصة دة كدة نصاب نصاب
بالتوفيق ان شاء الله

**EngAhmedSayed** · 26-04-2014 10:10 PM

المشاركة الأصلية كتبت بواسطة ayman20100

من كتر ما شوفت تعليقك على الضفدعة ومشاكل الفتيس .. انا هغيرها على مسئوليتك :)
هجرب برضه واغيرها لاني عندي تقريباً نفس الاعراض ديه في الفتيس بس كنت متأقلم معاه

هقول لسيادتك لو عصاية الفتيس ملخلة و فيها بوش و الغيارات مبتجيش بسهولة
يبقى على طول غير الضفدعة
و هتلاقى فى متعة فى القيادة لانى عصاية الفتيس هتكون شغالة بالصباع و بدون اى ارهاق
و هيبقى فيها سوستة
و خليها علينا
بالتوفيق ان شاء الله

الموضوع: انتا تسال/انا اجيب على اعطال سكودا موديل 1997:1994(ففوريت - فورمان - فلشيا - كومبى)

LinkBack

أدوات الموضوع

عرض

-

-

-

-

-

المواضيع المتشابهه

هام جدااااا / مرجع لكل أعطال سكودا فلشيا موديل من (1994 الى 1997) مطلوب من الكل يشارك

سكودا فورمان موديل 94

سكودا فليشيا - كومبى 1997

سكودا كومبى مو 1997

الكلمات الدلالية لهذا الموضوع

المفضلات

المفضلات

ضوابط المشاركة