انتا تسال/انا اجيب على اعطال سكودا موديل 1997:1994(ففوريت - فورمان - فلشيا - كومبى)

**EngAhmedSayed** · 12-05-2014 09:44 AM

المشاركة الأصلية كتبت بواسطة حسن محمود احمد

الموضوع مثبت بعنوان انتا تسال/انا اجيب على اعطال سكودا موديل 1997:1994(ففوريت - فورمان - فلشيا - كومبى) ‏
ولكن لللاسف من 5/3مفيش حد رد علي سؤالي وانا باقترح بعد اذن ادارة المنتدي الغاء هذا الموضوع لان المواضيع الجديدة اليومية مفيدة للجميع والكل بيشارك من خلال تجاربه الحقيقية وانا باتصفح الموضوع لاحظت ان الاجابات علي الاسئلة بتكون مجرد اجتهادات وكمان في شئ اخر ويمكن موجود في اخر المشاركات الاخ بيشكر المهندس احمد وبيساله عن مكان خرطوم الفايظ وما هي التكيهات ومحدش عبره حتي باجابة خطاء الي ان يحن صاحب الموضوع ويلاقي نفسه فاضي ويدخل علي النت ويجاوب علي اسئلة الاعضاء

تم الرد على سيادتك فى موضوع منفصل
ودة للينك الموضوع
http://www.nilemotors.net/Nile/420997-a.html

ربنا يهدى

**EngAhmedSayed** · 12-05-2014 11:20 AM

المشاركة الأصلية كتبت بواسطة ياسو كاد

شكراً يا هندسه علي اهتمامك بس انا اكتشفت ان مفيش عندي خرطوم فايظ اصلاً

يعني المخرج اللي حضرتك قولتلي عليه طلع فاضي .... ممكن تقولي اجيب الخرطوم ده منين و هو بيخرج من التكيهات و بيروح فين و تفتكر حضرتك ان هو ده سبب في الزيت المتراكم اسفل الماتور و جزاك عنا كل خير

طيب سيادتك هتروح تشترى خرطوم عادى جدا من عند اى حد قطع غيار سكودا تقوله خرطوم فايظ و دة يعمل 15 جنية تقريبا
و هتجيب اتنين قفيز رباط و ركبهم سهل جداا
اعتمد على نفسك

وتركبه عادى جداااا و هو سهل جداااااااااااا
و غير كدة كنت اكيد بتشم ريحة عادم داخله على الصالون و عينك بتحرقك
و اكيد دة سبب من خروج الزيت

ربك المستعان

**ياسو كاد** · 13-05-2014 10:42 AM

المشاركة الأصلية كتبت بواسطة engahmedsayed

طيب سيادتك هتروح تشترى خرطوم عادى جدا من عند اى حد قطع غيار سكودا تقوله خرطوم فايظ و دة يعمل 15 جنية تقريبا
و هتجيب اتنين قفيز رباط و ركبهم سهل جداا
اعتمد على نفسك

وتركبه عادى جداااا و هو سهل جداااااااااااا
و غير كدة كنت اكيد بتشم ريحة عادم داخله على الصالون و عينك بتحرقك
و اكيد دة سبب من خروج الزيت

ربك المستعان

متشكرين يا باشا بس كنت عايز اعرف خرطوم الفايظ اللي خارج من تحت الغطاء الاحمر بيروح فين و خصوصاً ان حضرتك بتقولي اشتري اتنين قفيز .... جزاك الله عنا كل خير

**EngAhmedSayed** · 13-05-2014 12:24 PM

المشاركة الأصلية كتبت بواسطة shahed133

الشكمان مش بيخرج هباب ولاحاجه والاستهلاك دا في السفر.. كانت اعلى حاجه عملتها العربيه هي 160 كيلو في الصفيحه ومحصلتش تاني .. مع اني غسلت الكربراتير ونضفته وكان الميكانيكي قالي الفواني ضيقه متنفعش تضيق عن كده .. فاكر يا استاذ احمد لما كنت بكلمك عن مشكله السكه بتاعه تبطيل الموتور وانت قولتلي مون 92 وجرب يوميها كنت مسافر مشوار طويل جدا ..العربيه عملت 140 كيلو في الصفيحه بالبنزين 92 على طريق سريع بقيت هتجنن .. الميكانيكي قالي الوش عايز يتحل ممكن يكون قواعد الصبابات عايزه تتغير او مجاري الهوا وسعت .. مع اني قلت لحضرتك قبل كده ان الموتور بتاعي استيراد من سنه ( جديد يعني) على فكره انا بستعمل العربيه كتير جدا عشان شغلي والاستهلاك دا هيجنني ..
وبخصوص البكات انا اعرف اتنين بس بك السلانسيه وبك السرعه ايه البك التالت ومكانه فين

طيب تمام انى الشكمان مبيخرجش هباب
سياتك
هنمسك حاجة حاجة
ونراجع مع بعض
اولا سياتك اية اخبار السرفيس
فلتر بنزين
فلتر هواء
بوجيهات

ثانيا كهربة العربية مظبوطة و له مش مظبوطة دى مهمة جدااااااااااا ودى تعرفها من صوت العربية
ثالثا و دة الاهم العربية عندك تقيلة على الارض و مكلبشة و له سلسة
طيب هنعمل اية هتخلى العربية دايرة و انتا واقف على الاسفلت و انزل زقها لقدام و للخلف شوفها هتمشى معاك و له تقيلة

رابعا هتخلى العربية دايرة و امسك العمة زوقها لفوق و لتحت و الوحها على اليمين و على الشمال شوف صوت الموتور هيتغير و له لالالالالالالالالالالالال الا

البك الثالث دة بك الكهربة و طوله بيبقى تقريبا 2 سم اسمه كدة بك الكهربا

راجع و متابع معاك

ربك المستعان

**EngAhmedSayed** · 13-05-2014 12:30 PM

المشاركة الأصلية كتبت بواسطة ياسو كاد

متشكرين يا باشا بس كنت عايز اعرف خرطوم الفايظ اللي خارج من تحت الغطاء الاحمر بيروح فين و خصوصاً ان حضرتك بتقولي اشتري اتنين قفيز .... جزاك الله عنا كل خير

بص يا صديقى العزيز
و انتا واقف ناحية البطارية بص تحت العمة
هتلاقى ماسورة هى دى اللى يركب فيها خرطوم الفايظ و اكيد مادام مفيش خرطوم هتلاقى مكانه فاضى
و الاتنين قفيز
واحد على مخرج الموجود تحت الغطاء الاحمر

و القفيز التانى على الماسورة الموجودة تحت العمة

ياله قولى عاملت اية

بالتوفيق ان شاء الله

**aw2100** · 13-05-2014 10:54 PM

المشاركة الأصلية كتبت بواسطة shahed133

الشكمان مش بيخرج هباب ولاحاجه والاستهلاك دا في السفر.. كانت اعلى حاجه عملتها العربيه هي 160 كيلو في الصفيحه ومحصلتش تاني .. مع اني غسلت الكربراتير ونضفته وكان الميكانيكي قالي الفواني ضيقه متنفعش تضيق عن كده .. فاكر يا استاذ احمد لما كنت بكلمك عن مشكله السكه بتاعه تبطيل الموتور وانت قولتلي مون 92 وجرب يوميها كنت مسافر مشوار طويل جدا ..العربيه عملت 140 كيلو في الصفيحه بالبنزين 92 على طريق سريع بقيت هتجنن .. الميكانيكي قالي الوش عايز يتحل ممكن يكون قواعد الصبابات عايزه تتغير او مجاري الهوا وسعت .. مع اني قلت لحضرتك قبل كده ان الموتور بتاعي استيراد من سنه ( جديد يعني) على فكره انا بستعمل العربيه كتير جدا عشان شغلي والاستهلاك دا هيجنني ..
وبخصوص البكات انا اعرف اتنين بس بك السلانسيه وبك السرعه ايه البك التالت ومكانه فين

عاوزك تراجع على خراطيم البنزين وعوامه مؤشر البنزين اللى راكبه فى التانك وفلتر الكاربراتير فيه احتمال كبير يكون فيه تسريب بنزين منها وده سبب الاستهلاك غير العادى وده حصل معايا وغيرت كل الخراطيم
سؤال هل العربية بتغيب فى الدوارة صباحا ؟
هل سخان العربية شغال الأوتو تشوك ؟