غسلت الموتور وعينك ماتشوف الا النور

**tifa55555** · 07-08-2011 02:35 PM

السلام عليكم
انا غسلت الموتور وبعدين العربيه اتبرجلت خالص
اولا العربيه تفضل دايره ومش عايزة تبطل حتى بعد اما اشيل المفتاح منها خالص
واضطر اديها غيار وانتر رجلى من الدبرياج علشان تبطل
المهم فضلت يومين على الحال ده وبعدين ربنا كرمها
المشكله الاكبر فى ثانيا
ثانيا لما ابطل العربيه الاقى لمبة الزيت والدينامو تنور لوحدها بعد حوالى ساعه او اكتر من تبطيل العربيه (حاجه غريبه)
واخر مرة ركنت العربيع 3 ايام وطبعا اللمبتين دول نورو لوحدهم وانا مش حاسس لحد ما البطاريه بقت صفر وكأنى شايل البطاريه خالص
واضطريت اغير ماء البطاريه واشحنها على جهاز كده عند بتاع البيطاريات علشان اعرف ادور العربيه
المهم مش عايز اطول عليكم انا رحت بيها لكهربائى محترم بس اللمبتين ما ردوش ابدا ينورا ادامه وكأنها سليمه
وهو قالى لازم اشوفهم منورين علشان اعرف العطل فين ،والمشكله انهم نوروا لما روحت من عنده
المهم لما كلمته تانى قالى شكلها كده علبة الفيوزات فيها مايه
والمفروض انك تحط العربيه فى الشمس علشان العلبه تنشف (بقى ده كلام يا جدعان)
وكل يوم باليل افصل البطاريه علشان اللمبتين ما ينوروش باليل والبطاريه تشيع
ارجو المساعده وابداء الاراء يا خبراء اللادا

**AMOOOOOOOOOOR** · 07-08-2011 10:48 PM

روح لواحد كهربائي بيفهم كويس واعتقد ان علبة الفيوزات عايزة تتنضف كويس وكمان شوف السيلكونات بتاعة الدينمو ولازم تشيك على كل كهربة العربية بالمرة لان اي غلط ممكن يكلفك كتير .. ربنا يوفقك ويسترها معانا ومعاك

**hugan** · 07-08-2011 10:58 PM

سيب العربيه في الشمس لحد ماتتحمص وتنشف
اكيد اللي بيغسل ما غطاش الاسبراتير بكيس بلاستيك
والمياه وصلت لعلبه الفيوزات

**mohamed2002** · 09-08-2011 03:47 AM

حطها في الشمس وحبذا لو تسيب الكابوت مفتوح

**mesaharaty** · 09-08-2011 12:22 PM

فعلا موضوع الشمس ده بينفع بالذات لو حاجة فيها بوردات أو فيوزات

ربنا معاك

**hugan** · 13-08-2011 02:41 AM

المشاركة الأصلية كتبت بواسطة tifa55555

جزاكم الله خيرا
انا فعلا حطيتها فى الشمس وبقت كويسه والحمد لله

تمام الحمد لله

**SAMER_ENGINES** · 13-08-2011 11:05 PM

أنا معايا لادا و بطلت أغسل الموتور فى البنزينة نهائياً بسبب برجلة العربية بعد الغسيل بشكل ملحوظ بس انا كنت فاكرها مشكلة فردية عندى..
بس الموضوع عندك أنت زاد أوى بس الحمد لله انها بقت كويسة.
ملحوظة هامة:
بمناسبة الغسيل اوعى حد يغسل رادياتير اللادا فى البنزينة على الجهاز بتاع غسيل الرادياتير أبداً لأنى عملت الموضوع ده مرتين او تلاتة و كل مرة العربية تتبهدل و تتبرجل برضه.

-

الموضوع: غسلت الموتور وعينك ماتشوف الا النور

LinkBack

أدوات الموضوع

عرض

-

-

-

-

المواضيع المتشابهه

الموتور بيوطي لما اولع النور العالي

رعشه فى النور ع السلانسيه ولما ادوس بنزين بتثبت وقوة النور تزيد

ارتفاع صوت الموتور عند تشغيل النور العالى

الحقووونى يا سوباريه غسلت عربيتى من تحت الموتور اتخربط و ماشيه 3 سلندر و بتطلع دخنه

غسلت الموتور .... المارش باظ

الكلمات الدلالية لهذا الموضوع

المفضلات

المفضلات

ضوابط المشاركة