برأيك مين هي الحكومة؟

**محمدايهاب** · 08-05-2008 04:00 AM

بما إننا في المنتدى الإجتماعي حبت أسأل سؤال جدالي مين هي الحكومة ؟
هل هي رئيس الوزراء و الوزراء و وكلاء الوزراء و نواب مجلس الشعب و مجلس الشورى ؟
أم هل هم الوزراء و الحزب الوطني ؟
أم الوزراء و وزارتي الداخلية و الخارجية بكل أفردها و مجلس الشعب و مجلس الشورى ؟
أم هي رجال الأعمال و الوزراء؟
يعني أكيد موظفين الحكومة المتوسطين و دون المتوسطين بيعانوا زينا و غالــــــــــــــبا اكتر كمان
طيب معقول نظيف و وزراؤه بيمرروا قرار بيستفيد منه أقل من 1% من الشعب المصري !!!!و لا ده مجرد إخراج سيء للحكومة و توقيت أسوء !!!و لا الحكومة مظلومة و الدنيا حاولينا بتغلى !!!
طيب مصر دخلها بيزيد 7% و أكتر سنويا حسب بنك النقد الدولي راحوا فين !!!في 16 مليار من اتصالات -10 مليار من سيدي عبد الرحمن في الساحل-نصف مليار من عنر أفندي-17 مليار من المدن الجديدة( حسب وزير الإسكان) راحوا فين !!!اختفوا طاروا ضاعوا اتحرقوا اتسرقوا ! و لا شايلنهم ليوم أسود !!! و لا الحكومة مظلمة و إحنا مش حاسين بالتطور!!!!!

08-05-2008 04:17 AM

سؤال وجيه ؛؛؛
ليا تعليق بسيط و هو خبر حيكون موجود فى جرائد اليوم
سمعته فى برنامج القاهره اليوم لعمرو اديب
ألا و هو ان جلسات مجلش الشعب كان النواب بياخدوا مثلا فى الجلسه 75ج بقت 100ج
و كانوا بيدفعوا 1000ج تمن مكالمات موبيلات النائب الواحد
بقت 3000ج
عمرو اديب استغرب بقى احمد عز و لا ابو العنين محتاجين الفلوس دى
فعلا حاجه تغيط يغلوا الاسعار علينا اكل و شرب و بنزين و مواصلات ووووووو
و فى الاخر تروح لأغنى اغنياء و حرميه البلد
ربنا معانا ؛؛؛؛؛؛؛

**peranha** · 08-05-2008 07:55 AM

انا الحكومه

**ahmedateya** · 08-05-2008 08:06 AM

المدام مراتي

**mokhtar** · 08-05-2008 10:27 AM

الحكومه دى ناس شغالين عندنا احنا الشعب بيديروا املاكنا اللى هى البلد يعنى عشان احنا مش فاضيين
.. يعنى شغاليين عندنا ...هيييييييه ..يعنى الوزير شغال عندى
...ده تعريف الحكومه فى فيلم عايز حقى ...

..mokhtar..

**محمد المشد** · 08-05-2008 10:36 AM

المشاركة الأصلية كتبت بواسطة alsindrella

سؤال وجيه ؛؛؛
ليا تعليق بسيط و هو خبر حيكون موجود فى جرائد اليوم
سمعته فى برنامج القاهره اليوم لعمرو اديب
ألا و هو ان جلسات مجلش الشعب كان النواب بياخدوا مثلا فى الجلسه 75ج بقت 100ج
و كانوا بيدفعوا 1000ج تمن مكالمات موبيلات النائب الواحد
بقت 3000ج
عمرو اديب استغرب بقى احمد عز و لا ابو العنين محتاجين الفلوس دى
فعلا حاجه تغيط يغلوا الاسعار علينا اكل و شرب و بنزين و مواصلات ووووووو
و فى الاخر تروح لأغنى اغنياء و حرميه البلد
ربنا معانا ؛؛؛؛؛؛؛

الخبر فعلاً كان سليم ومجهز له قبل اصدار العلاوة الجديدة بأعتبار انهم من الموافقون على الزيادات الجديدة ولابد من اعطائهم المقابل على الموافقة 0000 بس المكالمات 3000 جنية لكل نائب سنوياً وليس شهرياً
ولكن تطبيق القرار على رجال الاعمال كلهم من الاعضاء يتم طبقا لمبدأ المساواة وبعدين الاخوة الافاضل مزنوقين اليومين دول شوية ومحتاجين علاوة ومعونة ،وعلى فكرة سمعت انه سوف يتم عمل بطاقة تموينية لكل عضو حتى لايتأثروا بالزيادات فى الاسعار ، ولكن طبعا الزيادات طبقت على الجميع سواء وطنى او اخوان والكل مستفيد وسلم لى على الترماى !!!!

**meza** · 08-05-2008 11:45 AM

تعريف الحكومة بالنسبة لى .... هو كل شخص فى مصر فى يديه سلطة و لا يوجد من يستطيع أن يحاسبه (فعلياً) على أى خطأ يرتكبه فى ظل هذه السلطة.

حضراتكم أكيد شفتم رئيس الوزراء الإسرائيلى أولمرت و القضايا اللى مرفوعة عليه فى المحاكم الإسرائيلية رغم إنه أعلى راس فى الحكومة ..... و إحتمال يسيب الرئاسة قريب بسببها.

الكلام ده بقى مستحيل يحصل فى مصر :) ..... لأن طبعاً زى ما إنتم عارفين .. إن كل واحد فى نظام الحكومة بتاعنا ملاك طاهر .. لا يمكن يقع فى خطأ أبداً أبداً :p...... حتى لو إترفعت عليه قضية و دخل فى سين و جيم ... الغلط هيكون على اللى رفع القضية لأنه أكيد أكيد هياخد برأة عاجلاً أم أجلاً ...... و البراهين على الكلام ده كتير و أكيد كلكم عارفينها.

و ربنا يحفظلنا الحكومة اللى كلها ملايكة مبتغلطش دى ........ قولوا أميييييييييين. :D

**meza** · 08-05-2008 11:49 AM

و طلب من إدارتنا الغالية :)

أرجوكم أرجوكم ..... بلاش تقفلوا الموضوع ده .....حتى لو فى مشاركات مخالفة إحذفوها بس .... لكن بلاش الموضوع يلقى مصير كل المواضيع السابقة من هذا النوع.

سيبونا نفضفض شوية.