شاركنا برأيك هو أكيد بيهمنا

**ainshouka** · 23-03-2009 08:39 PM

أنا من أول مدخلت المنتدى وخصوصا الفيات
تذكرت عدة معانى لفيات مثل القوه والمتانة وازاى هى منتشره فى مصر وانها استحملت طرق مصر وسواقين مصر واقتصادية فى قطع غيارها وكفايه انها بتحسسك انها ممكن تمشى بأى حاجه حتى لو بالميه لو ملقتش بنزين

وقطع غيارها موجوده فى كل حته وكفايه انك لو وقفت اى حد فى الشارع يصلحالك حتلاقيه بيفهم فيها

تاريخ طويل من الكفاح عاشته العربيه دى مع المصريين
المهم
كل الكلام دا عن موديلاتنا القديمه التى نمتلكها واللى اثبتت جدارتها

فعاوزين نعرف دلوقتى ايه اخبار الموديلات الجديده هل هى جامده ومتينه واخبار قطع غيارها ايه غاليه ولا رخيصه وموجوده ولا ناقصه
لان انا شفت الموديلات الجديده لقيتها جميله جدا وفخمه جدا لكن مش لاقيها فى شوارعنا برغم انها لها ماضى قوى
فياريت اللى عنده اى معلومات عن الموديلات الجديده يقولنا عاملة معاه ايه
وشكرا

**loodaa** · 23-03-2009 11:49 PM

الموديلات الجديدة دي تحفة الجراند بونتو والينيا والبراااااااااافو الرهيبة. اجمد من عربيات كتير ماشية في مصر بالتكال على الله .
انا اشتريت جراند بونتو و بصراحة ببقى مش عايز انزل منها , عايز فيها على طول .

**ainshouka** · 27-03-2009 01:09 AM

الف مبروك على العربيه الجديده وهى فعلا رائعه وشكلها جميل حتى الكونسول بتاعها رائع

وهو دا اللى مجننى
ليه الفيات الجديده مش منتشره زى بقيه الموديلات التانيه

ياريت تفيدونا ياجماعه

**loodaa** · 27-03-2009 02:00 AM

عشان مافيش اعلانات كتير لا في تليفزيون ولا في جرايد كله بس I AVEO, I AVEO too بس وده غلط من توكيل فيات المفروض يعمل اعلانات عن الموديلات دي لان حرام موديلات ليها الاشكال دي (أوستن مارتن-لينيا- ومازيراتي) و ما يتحطلهاش اعلانات في كل القنوات

**ainshouka** · 29-03-2009 12:29 AM

انا على يقين إن الاعلانات لها تأثير كبير على حركه مبيعات أى سياره

لكن هل هذا هو السبب الرئيسى من عدم انتشار الموديلات دى ولا فيه اسباب أخرى

**ainshouka** · 29-03-2009 12:32 AM

والله لولا الاخ loodaa الوحيد اللى بيعبرنى كان زمانى حسيت إنى بتكلم فى بير سلم أو منور وشبابيكه متقفله الظاهر

ايه ياجماعه فين مشاركتكمهو انتوا مش فياتويه برضه ولا ايه

**SharpArrow** · 29-03-2009 11:44 AM

السلام عليكمانا كمان معايا بونتو كلاسيكو فعلا مستغرب ليه الفيات مش منتشرةفعلا العربية روعة ماشاء الله و نفس الاحساس رفم انها نفس فئة اللانوس و الفيرنا الا انك فعلا بتستمتع بسواقتها جدا جدا و مببقاش عايز انزل منهاالعربية زي ما قلت نفس فئة اللانوس و الفيرنا رغم انها 1300 سي سيسي او 1242 سي سي كمانبس عزمها ما شاء الله تطلع من 0 الى 100 من اللانوس ببساطةو الفيرنا عشان عزمها اكبر شوية بس بتقول معاها برضهالمهم العربية قطع غيارها نفس اسعار اللانوس الفيرنا تقريبا يعني مش غالية خالص و تحط الحاجة فيها و تنساها فين و فين لما تعوز تغيرهارغم ان ده مبيحصلش في اللانوس و الفيرنا كل شوية تغير نفس الحاجةالمهم انا فعلا بحب العربية دي جدا و مبفكرش ابيعها على المدى القريب او البعيد و هي عايزة اعلانات بس مش اكتر هتلاقي الفيات انتشرت جدا و على فكرة توكيل الفيات اللى في جسر السويس للصيانة قمة في الاحترام و التعاملفعلا ناس محترمة كانك معاك جوهرة بيشلوها جوه عنيهمانا عملت صيانة ال 5000 كم من غير فلوس و كان زجاج تابلوه العربية بيزيق و انا ماشي عملوه برضه و غسلو العربية من بره و جوهو انت قاعد منتظر بتشوف عربيتك قدامك و هي بتتصين و بعدها بيومين بيتصلو بيك بيقولولك اخبار العربية معاك ايه و لو فيه مشاكل يعملوها عللى حسابهم بس الحمد لله انا مطلعتش من عندهم باى مشاكلبالعكس هم حلولي مشكلة صغيرة بس كانت مضيقانيبيهتمو بكلام الناس جدا و فعلا يستحقو اني اتكلم عليهم اكتر من كده لانهم محترمين جدا

**ainshouka** · 04-05-2009 12:29 AM

أنا ملاحظ دلوقتى إن توكيل فيات فى مصر ابتدى يظبط نفسه بإعلاناته عن الموديلات الجديدة فى الجرايد فياريت اللى اشترى موديلات فيات الجديدة او اللى قبلها حتى يقولنا بالظبط -وميبخلش علينا- عن اسعار قطع الغيار والصيانه الدوريه هل هى مكلفه ولاعاديه وهل فيه مشاكل بتظهر بعد الصيانه ولا كله بيبقى تمام

ياريت تقولولى لانى محتار فيه ناس جايباها وبتشكر فيها وناس تانية تعبانة فى قطع غيارها ونفسها متجبهاش

وهل التوكيل بتاعها سئ ولا جيد

**محمد فريد** · 04-05-2009 02:44 AM

فعلا انا ركبت السيينا مع واحد قريبى وطلعت عربية ناعمه جدا مع انها 2001

**SharpArrow** · 05-05-2009 02:36 PM

انا بس عايز اوضح حاجة للناس اللى متعرفش الفيات
يا شباب الفيات شركة بتعمل تكنولوجيا مش موجودة في اي شركة عربيات تانية
بتعمل موتور صغير بس بامكانيات موتور كبير

يعني زي على سبيل المثال انت معاك 2 موبايل واحد كبيييييييييير و كاميرته 5 ميجا بيكسل و التاني ربع حجم الاول و كاميرته 5 ميجا بيكسل برضه
لما تيجي تاخد الصورة من الاتنين هل هتفرق معاك؟ لا فا ليه تشتري الموبايل الكبير و تزحم بيه جيبك او المكان اللى هتحطه فيه
نفس الفكرة هنا
عندك موتور الجراند بونتو السبور مثلا 1400 سي سي و 120 حصان و بـ 120,000 جنيه
و عندك اللانسر 1600 سي سي 120 حصان تقريبا برضه و بـ 110,000
و اللانترا 1600 سي سي و 121 حصان و هكذا
فا عندك موتور صغير بيديك نفس قدرات الموتور الكبير يبقى ليه تشتري موتور كبير اساسا
و تقدر توفر في البنزين و في الضرائب اللى على المواتير الكبيرة

عندك البرافو اللى نازلة مصر فيه 1400 سي سي واحد 90 حصان و التاني 150 حصان
الـ 1400 الـ 150 حصان مثلا
نقارنه بايه
الهوندا سيفيك 1600 سي سي 125 حصان
الهوندا سيفيك 1800 سي سي 140 حصان

فا عندك موتور 1400 احسن من الـ 1800 سي سي
تشتري انهو
علما بان الـ 1600 بـ 140,000 جنيه
امال لو الـ 1800 هيبقى بكام اكيد مش اقل من 170,000 او 180,000
و سعر البرافو 150 حصان 180,000 جنيه
تشتري انهو؟

فيه موتور تاني للبرافو 1400 سي سي 185 حصان اسمها برافو فيلوسي Veloce
حد شاف موتور بالحجم ده مع القدرة دي قبل كده

ده ينافس الهوندا سيفيك 2000 سي سي 197 حصان

فولكس فاجن عملت نفس الموتور و حطيته في الجولف جي تي و كان 1400 سي سي برضه بس 170 حصان
يعني حتى مجبتش نفس القدرة الحصانية للبرافو و البرافو تسبقها بنصف ثانية تقريبا من 0 - 100

و انا متأكد ان قريب اوي هنلاقي فيات عاملة موتور 1000 سي سي قدرته 200 حصان - صدقوني مش بعيد عن فيات

احنا شايفين اسم فيات ده بصورة فعلا وحشة جدا مع انها من ارقي شركات السيارات في العالم

و التكنولوجيا مش مواتير بس لا ده قدمت حاجات كتير في تكنولوجيا مكونات تانية زي الفتيس و الـ CVVT اللى موجود في هيونداي حاليا و هكذا

متخوفين من ايه مش فاهم
و لما يجيبو سيرة الهيونداي او الكيا يقلك عربية ممتازة و متفكرش في عربية تانية
لا فكر طبعا لان فيه الاحسن منها
الكوري محترم و انا بحترمه جدا و الياباني كمان بس ولا حاجة جمب الفيات في تكنولوجياتها

و شكرا