بعد غلو البنزين اية رد فعلك وانت بتشوف عداد البنزين بتاع المحطةوالجنيهات عمالة بتجرى

**دموع الثلج** · 08-05-2008 01:23 PM

انا كنت قبل الزياده بيومين فولت عربيتى وكنت ايام الرخاء بشغل التكيف عمال على بطال عشان ما افتحش زجاج السياره و اتخنق من شكمانات الميكروباص المهببه

طبعا لسا ما رحتش البنزينه بعد الزياده بس اكيد انى قررت مفيش تكيف عمال على بطال كده كنت بفول عربيتى ب 54 جنيه بنزين 92

كده هفولها ب 78 جنيه نفسى افهم الزياده دى فى مقابل ايه

وعشان ايه يعنى رفعوا سعر البنزين عشان يظبطوا الشوارع من الحفر والمطبات ولا يحطوا اعمده اناره فى الشوارع الكحل ده حتى الدائرى عتمه ومقرف واهو طريق جديد كل حفره وحفره تبلع فيل مش عربيه

يلا مش هنقدر نقول غير حسبنا الله ونعمه الوكيل

**alaa_dash** · 08-05-2008 01:32 PM

لا هما زودوا البنزين عشان والدي يزود مصروفي اصله ما بقاش مكفيني

اخوكم ..
علاء محمد

**Islam_galal** · 08-05-2008 02:21 PM

انا فولت بعد الزيادة و كان في دماغي بتلف (حسبي الله و نعم الوكيل)

**Akram** · 08-05-2008 03:27 PM

انا لسه ممونتش لأني فولت في يوم الزيادة بالأسعار القديمة ,
بس الحقيقة انا عايز أثبت مؤشر البنزين علشان ما ينزلش ,
و كمان ابتديت أوفر في إستخدام العربية و مش أي مشوار آخدها ,
و كمان مش هشغل التكييف غير لما أكون محتاجه أوي ,
دا غير إني اتفقت مع واحد زميلي و ساكن جانبي اننا نروح الشغل مرة بعربيتي و مرة بعربيته ,
الواحد مش عارف يعمل إيه في الأيام اللي زي الفل دي......

**نور القمر** · 08-05-2008 03:38 PM

البلد بازت خلاص والله
مش عارفه الناس تعمل ايه بس وتعيش ازاي
هي جات على البنزين يعني
ما كل حاجة غلت
والله حالنا يعمل احباط
كل ده من الفساد اللي جوه البلد
لو تابعت برنامج العاشرة مساءا وبرنامج 90 دقيقه وبرنامج الطبعه الاولى لمدة 3 ايام بس متواصلة هايجيلك احباط واكتئاب من الفساد اللي بقه في كل حاجة
مش بنلحق نفوق من قضية فساد نلاقي 3 او 4 قضايا وراها

يعني يرفعو المرتبات 30 % ويزودا اسعار كل السلع
طيب ايه الفايدة واللي مش موظفين اصلا ذنبهم ايه
الواحد بيحمد ربنا ليل نهار على النعمة اللي لسه عايشين فيها
لكن الغلابة الل ي مرتباتهم 150 ونازل او حتى وطالع يعيشوا ازاي

وحسبنا الله ونعم الوكيل

**al_manara** · 08-05-2008 03:57 PM

احلي حاجة ان كل واحد يجي في برنامج يقولك العدالة الاجتماعية
بناخد من الغني وندي الفقير
والنهاردة كل المواصلات غليت بقرار منهم والجميل انهم من يومين قالوا ان مفيش حاجة هاتغلي خالص
شوفتوا الناس الطيبة وشوفتوا اد اية هما بيحبونا

**MoToRiZeR** · 08-05-2008 04:00 PM

انا مكنش معايا فكة الا 15 جنيه فا قلت اهو يسندوا .. فا قلتلوا حط ب 15 جنيه .. جيت بدور العربية لقيت المؤشر يادوب اتزحزح كدة .. قلت يا خبر .. يا رب يطلعوني برة المحطة الحبة دول !

و الواد اللي جه يبرشط عليا عشان يمسح الازاز قلتله لااااااااااا ده في المشمش بص انت تشوفلك شغلانة تانية محدش هيمسح ازاز بعد كدة ده الناس بتحط بنزين بالعافية

**ASD peugeot** · 08-05-2008 06:45 PM

انا شايف انه يبدأ من باكو ونقول كمان الله يكون في عونك يا محدود

**ramy_fiat_2000** · 08-05-2008 11:10 PM

ايه يا رجاله مش زمان قالوا فى الكتب ان العربيات فى سنه 2000 هتمشى بعصير القصب ياريت حتى الواحد يمون بطنه مع العربيه وعلى فكره انا ربنا كرمنى الحمد لله وعرفت افول العربيه قبل ما القرار يتنفذ بساعة والحمد لله ركنتها واستريحت خلاص الـــــــــــــــــــــــ ــــــحـــــــــــمــــــ ـــــــد لــــــــــــــــــــــــ ـــلـــــــــــــــــــــ ــه

**Ahmad Allawy** · 09-05-2008 02:06 AM

والله يا جماعه انا روحت مونت بنزين 92.. بعد مشوار كده تبع الشغل..
حطيت 25 لتر.. بالبقشيش.. دفعت 45 جنيه..
فعلا وصف الموقف دقيق للغاية.. عداد الفلوس بيجري ولا كأن في صاروخ بيجري وراه..
انا ولله الحمد عربيتي 1200 سي سي.. دلوقتي بافكر في حل من 2زز!!
يا اما اشتري بسكلته.. :) يا اما ابيعها خالص و نقضيها مواصلات..
بس المصيبة ان حتي المواصلات مش هتفضل علي حالها.. هتغلي برضه..
الواحد يجيب موتوسيكل بقي ولا حاجة.. اهي حاجة تمشي الحال.. ولا هي البسكلته..
البسكلته هي الحل..
حلوة بسكلته دي.. قديمة قوي.. بس جامدة.. :)

الموضوع: بعد غلو البنزين اية رد فعلك وانت بتشوف عداد البنزين بتاع المحطةوالجنيهات عمالة بتجرى

LinkBack

أدوات الموضوع

عرض

-

-

-

-

-

-

المواضيع المتشابهه

انا بقيت ميكانيكى يا رجاله (فكيت طرمبة البنزين ونظفت فبلتر البنزين وظبط عداد البزين)

مشكله البيبة بتاعه عداد الكيلو مترات بتاع البنزين

عداد البنزين مش بينور لما البنزين يقرب يخلص

عداد البنزين

عداد البنزين

الكلمات الدلالية لهذا الموضوع

المفضلات

المفضلات

ضوابط المشاركة