الموضوع: الشوارع فضيت شوية

المشاركة الأصلية كتبت بواسطة Nader

انا ملاحظ برضة ان الشوارع راقت شوية، بس برضة

مننساش ان المدارس والجامعات 99% منهم اجز خلاص

استعداد للامتحانات ... دول عدة ملايين فلا يستهان بهم.

فعلا ده بيحصل في الوقت ده كل سنه علشان الإمتحانات.
بس الغريبة فعلا إن أنا كنت مسافر إمبارح الساعة 12 بليل القاهرة طنطا والزراعي فاضي جداااااااااااااا مفيش غيري وعربيات النقل و2 مايكروباص وواحد بيجو 7 راكب.تخيلوا!!!!!!!!!!!!!!!!!!!! مع إن إمبارح الأربعاء والناس اللي بتسافر كتيير عارفة زحمة الأربعاء عامله إزاي.

يبقى كده الحكومه نجحت في حل أزمه المرور مبروك علينا يا رجاله :d

هوا فى اسباب تانى كمان بجانب اللى حضراتكوا قلتوه :
1- ان دلوقتى اللى كان بينزل بالعربية فى المشاوير البسيطة هايبطل
2- اللى ساكن جنب المترو الانفاق وكان بيكسل يركبه وبيتستهل يطلع بالعربية دلوقتى هايفكر اقتصاديا وهايلاقى ان 2 جنيه مترو رايح جاى اوفر بكتير من العربية والزحام مثلا
3- اللى وهوا رايح الشغل عنده فرصه يقابل حد ساكن جنبه وكل واحد منهم يطلع يوم بعربيته او سواق مثلا فى الشركة ساكن جنبهم يقوم معدى عليهم الصبح هايعملوا كده طبعا ويوفروا وده صح مش غلط ده ياريت الناس كلها تفكر كده ان اللى ساكنين جنب بعض ومشاويرهم واحدة يحاولوا يوفقوا ظروفهم
4 - العائلات اللى عندها اكتر من سيارة وكانوا نظرا للأستسهال وحرية الحركة كل واحد بيطلع براحته للشغل او الكلية او او او دلوقتى ممكن يفكروا بطريقة عملية اكتر ان لو المشاوير متقاربة طب ايه المانع انهم يروحوا سوا وفى الرجوع سوا
5 - فى فئة مهمة انا كنت بافكر فيها وهى فئة شباب الكليات اللى اهلهم موفرين لهم سيارة وبنزين السيارة - اعتقد دى اكتر فئة ممكن الأهل يبتدوا يقتصدوا منهم شوية او يطلعوا كلهم سوا بعربية واحدة مثلا كنوع من توفير التكاليف ..
يعنى دى كلها افكار او اسباب خطرت فى بالى بس فعلا موضوع الشوارع ملحوظ بزيادة !!!
ويمكن تكون نوع من الاستياء هاياخد وقته ويروح كعادتنا احنا شعب عاطفى اوى يتحمق بسرعة ويفرح بسرعة وينسى بسرعة !!!!!!!!!!!!!!!!