الموضوع: هل هذه مشكله اسبراتير ولا لأ

المشاركة الأصلية كتبت بواسطة ehab_mansour

السلام عليكم
اللي أعرفه ان اسكودا فيليشيا 97 الاسبراتير اللي فيها عبارة عن شاكوش و وش ومش الكتروني كامل تمام
ودول بيتغيرو زي الابيزا ال 98 اللي كانت معايا و كنت غيرتهم الاتنين تقريبا ب 65 جنيها (وش ب 35 و شاكوش ب 30 )
بخصوص المشكلة اللي بتتكلم عليها فهي مشكلة كهرباء المفروض تراجع فيها علي البوجيهات و كابلاتها و الأسبراتير و اللي فيه مشكلة تغيره و الأهم هو تركيب كابلات البوجيهات جيدا في الأسبراتير و في البوجيهات نفسها لأن لو كابل معلق هيعملك كده

ولو عربيتك حقن الكتروني يبقي تنظف بوابة الانجيكشن اللي هيا تحت عمة فلتر الهواء لأنها المسئولة عن ضبط قيمة الأر بي ام في السلانسيه وياريت تعمل التنظيف ده أولا و بعدين تشوف ايه الأخبار

و عليكم السلام
الف شكر علي الرد و الاهتمام انا الحقيقه معرفش هو الكتروني كله ولا زيي محضرتك بتقول بس اكيد انت ادري مني
انا عربيتي كاربيراتير مش انجيكشن اللي فهمته كده اني المفروض اغير الوش و الشاكوش و اشوف ايه الاخبار و اتاكد من تركيب اسلاك البوجيهات في الاسبيراتير ان شاء الله هعمل كده اخر الاسبوع و قول ليكم ايه النظام

المشاركة الأصلية كتبت بواسطة tarek_2005

ياباشا اخبار الاسطوانة والدسك عنك ايه لانهم ممكن يعملوا العيب ده وميكونش الاسبراتير لانك قولت ان الار بي ام بيسبت لما تدوس دبرياج

عندك حق انا شكيت في حاجه زي كده بس انا لسه مغيرهم من كام شهر ثانيا اما كان فيه مشكله فيهم كان الار بي أم بيلعب بس كان صوت الموتور بيعلي لكن دلوقت مؤشر الار بي أم بيعلي أوي لكن صوت الموتور زيي مهو

فأيه رأيك أعتقد يبقي المشكله مش ديسك و اسطوانه ولا لسه ممكن برده

حكايت التنتيش دة من الكوندنسر والابلاتين ومش اى حد بيعرف يظبطهم ممكن تغيرهم وتفضل التقطيع دة عشان ظبطهم صعب شوية ومتسهونش بكلامة وعن تجربة حقولك حاجة عارف الابلاتين الى بيفتح ويقفل معا دوران الشاكوش افتحوبمفك بعد متفتح الوش بتاع الاسبلاتير ونضف من الجمبين بلصمفرة وجرب