الموضوع: انا تقريبا ما ضحكتش من يوم الخميس

المشاركة الأصلية كتبت بواسطة misoalex

قدر الله وما شاء فعل يا بشمهندس سيد

المهم انك سليم وبخير

يعنى حتكون سعيد لو لاقدر الله انك اتصابت او صاحبك اللى كان معاك والعربيه هى اللى كانت سليمه
اكيد لا

فالحمد لله وعموما الابيزا عامل الامان فيها عالى جدا الحمد لله اختيارك كان مناسب

معلش هو الموضوع حياخد يومين زعل بس بعد كده خلاص الحياه بتمشى تانى الحمد لله

واول ما العربيه حتتصلح وتركبها حتنسى كل اللى حصل

شكرا اوي علي زوق حضرتك

المشاركة الأصلية كتبت بواسطة megamoudy

أولا حمد لله على السلامة

اوعى تسيب نفسك للاكتئاب لانك لو دخلت ف الطريق ده مش هتطلع منه قريب

انصحك ادام انت مضايق كده وعن تجربه ........... ادام حضرتك مش قادر تشتغل حاليا خد اجازة واتفسح اه اتفسح هتقولي انت بتتكلم ازاي

اقول حضرتك انت حاليا ف مرحلة الصدمه المخ مبيكونش قادر يستقبل حاجة ولا اي حاااااااااااااجة خالص .............. الحل حاليا تخرج نفسك من المود الوحش اللي انت فيه

اولا متسوقش دلوقتي ......... انزل اخرج على رجليك المشي بيهدي الواحد خالص

اتوضا كتير وصلي كتير صلي ركعتين كل ماتكون مضايق مش قادر تصلي مفيش مشاكل خليها على قد الفروض بس

اهم حاجة تخرج كتييييييييييييييييييييييي ييييييييييييييييييييييييي ر ........... ومش شرط تروح مكان معين اخرج اخرج

شكرا علي نصايح حضرتك الغالية وهحاول بأذن الله اخرج في اقرب فرصة

المشاركة الأصلية كتبت بواسطة hossam99

و عليكم السلام و رحمة الله
حمدا لله علي سلامة حضرتك يا باشمهندس
و الحمد لله أنها جت سليمه
لكن لي سؤال
حضرتك زعلان علشان العربيه و لا علشان القضيه
و لا علشان أيه

شكرا لحضرتك
انا زعلان لأن العربية كانت ايدي ورجلي وكنت بلف بيها الدنيا بحالها
وطبعا زعلان اني معمولي قضية وغرامة واتبهدلت شوية اليومين الي فاتوا بين القسم والنيابة والعربية كانت محجوزة

الحمد لله

والله المستعان
،
،