يا جماعة محتاج النصيحه بجد عن m11 لانى ناوى أشتريها و محتار من الكلام الكتير على مميزاتها و عيوبها
عرض للطباعة
يا جماعة محتاج النصيحه بجد عن m11 لانى ناوى أشتريها و محتار من الكلام الكتير على مميزاتها و عيوبها
ايه يا جماعه محدش عنده معلومه يفدنى بيها
حضرتك اعمل بحث فى المنتدى على مواضيع الأم11 ..
هتلاقيها قتلت بحثا ,, ما بين مؤيد و معارض...
و نصيحة لوجه الله من واحد معاه العربية من سنة و 9 شهور,,,
بلاش الأم11 أو بالأحرى بلاش اسبيرانزا خالص.....
و لو كنت حابب تجيب اسبيرانزا بالذات انا رأيى المتواضع ان ال516 هى أنجح عربية اسبيرانزا لغاية دلوقت ,, تليها 113 ,, ثم التيجو...
و ربنا يوفقك .....
اخي الكريم
شوف اجماع الناس رايح علي فين وقرر
ما تخليش تجربه فرديه لشخص تخليك تحكم علي عربيه
الm11 عربية محترمة ومن افضل السيارات فى فئتها وده عن تجربة ناس كتير من ملاكها بحكم متابعتى ليها بقالى اكثر من 7 شهور .. لكن يعيبها التوكيل وسوء المعامله وندرة قطع غيارها حسب راى ملاك الاسبرانزا عموما .. وبالنسبة لفئتها ومقارنة بنفس سعرها فهى الافضل بلا منازع وبالتوفيق ان شاء الله
نصيحه وعن تجربه ابعد وخليك فى المضمون وهات حاجه كورى
بلاششش
هما كلمتين ومحفوظين
اعتماديه
الماني ولا ياباني
كوري ولا صيني
انا اكاد اجزم اننا لو شيلنا علامه اسبرانزا من علي العريبه او علامه شيري زي ماهي معروفه
ونزلت بعلامه لعربيه معروفه من سنين
كنت تلاقي الكل قا ل
ياصلاه النبي ادي العربيات ولا بلاش
كلام مضبوط
بالاضافة متخدش اى نصيحة الا من واحد معاه العربية وجربها
وبالنسبة لموضوع التوكيل (اللى هوه زباله ومعاملتة سيئة) انا مشفتش حد من المهندسين اللى هناك اتعامل مع حد بقلة ذوق ولا قلة ادب
العملية دى نسبية لان مش كل التوكيلات بتروحها وبتدعك الفانوس تلاقيهم عملوا اللى انت عايزه
الاسبيرانزا فى المجمل عربية كويسة
انت معاك 70000 لو عرفت تجيب مرسيدس او باسات زيرو يبقى اشترى
لكن فى حدود السعر ده مش هتلاقى احسن من الاسبيرانزا
الام 12 تقفيلها احسن بكتير من 516 بس العيب الوحيد اللى شفته مع زميل اشترها انها ضيقه من ورا يعنى لو السواق او اللى جانبه ريح الكرسى شويه الىل وراه مش هيعرف يقعد لكن تقفيل احسن تابلوه شكله اجمل وعربيه شكلها حلو
ونفس المشكله فى ام 11 والفرض انها هاتش باك
والله عربيه كويسه وهى معنا من 9/2009 زهتلاقيها اتقتلت بحث
انا شخصيا فى الفئة السعرية دى مش شايف افضل من الm11 وبلا منازع كمان ومعنديش استعداد ادفع الممبلغ ده فى الفيرنا او الشفرولية لانوس او اللوجن مع احترامى لملاكها لان دى مساله شخصية
أنا معايا العربية من سنة و نص.
ولو رجع الزمن هجيبها تاني.
و نصيحة: أجر واحده لمدة 3 أيام و جربها زي ما إنت عايز. و بعدين إستخير ربنا.
و أنا تحت أمرك في أي سؤال
الطـــــول4325 مم
العرض1794 مم
الإرتفاع1464 مم
قاعدة العجلات
2550 مم
الوزن
1385كجم
—————————
بص من الاخر
أولا لازم تحط اختيارات على حسب فلوسك يعني هل بتقارن بينها وبين اللانوس مثلا ولا الانترا و السيراتو ولا ايه ؟؟؟
ثانيا : حدد احتياجك من العربية ...لو انت تاجر مثلا وفلوسك في السوق وممكن تبيع عربيتك في اي وقت عشان بتحتاج فلوس مثلا يبقى هات كوري عشان سهلة البيع ...لو ناوي تقعد العربية معاك 5 سنين ولا حاجه يبقى فكر في امكانيات العربية نفسها وتوكيلها وتصلحها
مميزات الام 11 :: ثبات رائع شياكة من بره ومن جوة ....عن تجربتي انا اعتقد ان التوكيل محترم
عيوبها : معظم الشكاوى من سوء التقفيل في الصالون من جوه والعفشة احيانا لكن مش من اداء العربية على الطريق
بصراحه أنا شايف أن معظم اللأراء أن m11 بالنسبه لسعرها 72000 أحسن عربيه فى فئتها وأن المشاكل معظمها فى قطع الغيار وأستخير ربنا وأتكل على الله وبعدين ادامى لسه شهرين
بلاش الله يكرمك اللهم بلغت اللهم فشهد
العربيه بتكون معايا فترات
سيئه ومفيش اى اتقان فى الصناعه واصوات غريبه متعرفش منين تقفيل نيله اوى وخامات عامله زى لعب الاطفال
ناس كتير هتهاجمنى بس انا حبيت اقلك رأى لانك مقتنع بيها
الحمد لله على نعمه الكورى بجد
هاقول النصيحة واجرى علي الله ... انا والحمد لله من ملاك العربية من ابريل 2011
ونفس العربية مع اتنين زمايلي في الشغل موديل 2010 ... بمنتهى الاختصار
المميزات : ثبات عالي جدا - كماليات كتيرة - شكل فخم - فرامل قوية - صاج متين - تكييف ممتاز - عزل متوسط
( مقارنة بالفيرنا والانوس واللوجان والافيو ) نفس الفئة السعرية
العيوب : سوء التقفيل بصفه عامة ( خامات + ايدي عامله ) - عفشة ناشفة شويه مقارنة بالكوري - قطع غيار غير متوفرة بعض الشئ - استهلاك بنزين اعلي من الكوري بالاضافة الي انها لا تستهلك سوى بنزين 92 - طبعا اعادة البيع في الوقت الحالي - مانيوال فقط
في النهاية هي مجرد رأي شخصي من مالك العربية ( انا عندي في البيت نيو اكسنت 2010 و نيسان صني 2010) واتعاملت معاهم كتير قبل ما اشتري m 11 ولو هاشتري دلوقت هاشتريها تاني ... لازم يكون عند حضرتك قناعة ورضا كبير بالعربية اللي هاتشتريها علشان تتاقلم معاها بمميزاتها وعيوبها ... وربنا يهديك للقرار اللي في مصلحتك
رمضان كريم
+11111111111111111111
شوف .. لو كنت سألت السؤال ده من كام شهر كنت هقوللك ان ال m11 دي بطيخة يا تطلع حمرا يا تطلع قرعة
لكن دلوقت اعتقد ان معظم العيوب تفادوها و مبقتش موجودة في الانتاج الجديد
انا معايا العربية بس مش من كتير من شهر ابريل اللي فات بس .. مفيهاش عيب مضايقني لحد دلوقت الا استهلاك البنزين .. طبعا انا عارف ان في الكام شهر دول ماقدرش احكم على العربية
انا برضه وقتها كنت خايف لا الفلوس تروح عليا و اعتقد ان مبلغ 72000 مش شوية .. لكن اخترتها فعلا بعد تفكير عميق خصوصا اني عندي 3 جيران معاهم العربية دي واحد منهم معاه من اكتر من سنة و نص و ماحدش فيهم اشتكى منها
اهم شيء تبقى مقتنع تماما بيها .. العربية اداء خيالي و ثبات ملهوش حل و سحب ممتاز و الخدمة فيها بتفرق من مركز للتاني هما بس عايزين واحد يعرف يتعامل معاهم صح انا بتعامل مع تكنو اسكندرية ماشفتش منهم حاجة وحشة
و ربنا يوفقك للي فيه الخير
شكرا لكم جميعا وأنا بنسبة 90% مقتنع بالعربيه يس أنا عايز أطمن عشان ده مش مبلغ صغير يترمى فى الأرض
العربيه تقيله زى ماقلت لسعاتك تقريبآ طن ونصف دة من غير ركاب والوزن العالى دة مش ميزة دة عيب . وبعدين سحب العربيه تقيله فى التسارع جدآ .وخاصآ فى الطلعه الاولى وجرب بنفسك علشان تصدق العفشه ناشفه وبعدين فى خلال سنه تلاقيها عايزة تتربط . مشكله الصينى يا اخى انه فى مرحله تطوير وتغيير موديلات وتعديلات كثير لحل مشاكل وعيوب صناعتهم . انا معاك انت فرحان بشكل المفتاح والكماليات بس انت خلى بالك بتشترى عربيه بجد مش كماليات وانت قرر الصينى مستقبله امامه كثير وهاتلاقى موديلات تختفى ويطلع غيرها ودة مشكله لو بتفكر ان السيارة تقعد معاك وتدوخ فى قطع غيارها لان الصينين خلى بالك الاهتمام الان لهم شكل ولون وكماليات والسعر المتدنى مش مهتمين بخدمات صيانه حقيقيه ولا مابعد البيع
فرحان بشكل المفتاح والكماليات ازاى ؟؟ هو الراجل بيرمى فلوسة عالارض .. ياجماعه الله يكرمكم اللى اقتنى السيارة فعلا واصبحت ملكه على راسنا من فوق فى اى شكاوى منها لانه فى الاول والاخر حقه لكن الى مجربهاش وبيتكلم لمجرد انها صينى يبقى ملوش لزوم يتكلم فى الموضوع من اساسه علشان الناس تستفيد اكتر ويبقى الكلام مفيد والى ركبها مشوارين ولا حاجة بردة مش هيفيدنا اوى لانه ممكن يكون راكب عربية اعلى منها بكتير فى السعر والامكانيات فمش هيفيدنا بردة لاننا بنتكلم فى فئة سعرية معينه .. اما بقى الى بيقول اركب كورى لمجرد اسمه وخلاص يبقى حرام لانه بيظلم الى هيشترى كورى بردة لان الامر ميسلمش وخصوصا ان فيها تقفيل مصرى بردة .. مازلت بكرر وبقول ( الـm11 افضل سيارة فى الفئة السعرية لحد 80 الف وعن تجربة ملاكها وتقاريرى عنها طول ال7 شهور لانى جاد فى الشراء ومش برمسى فلوسى عالارض ... تقبلوا تحياتى ومحدش يزعل منى ارجوكم لان فى النهاية ده رأي شخصى ..
الاسبرنزا ال ماشى اما موديل التاكسى او التيجو ودة ال تلاقى له قطع غيار الباقى مش كل واحد تلاقى عندة حاجتها وان وجدت تلاقيها غاليه ومش حاجه برضه وياريت تسال وتقول لنا اسعار الفوانيس الاماميه والخلفيه والاكصطدام وقطع العفشه . بس خلى بالك العربيه فيها مشكله فى السحب الاول وتقليه وتشعر كما لو كنت بتسوق وانت محمل فرامل اليد ياريت قبل ما ترد جرب واسال للفايدة للجميع والتكييف ضعيف وجرب زى ما قلت قبل ما ترد
انا بعيد عن النقاش بسبب
1-- لا امتلك m11
2-- مش هشترى اى عربيه حاليا
واعتقد حضرتك زيى بالضبط ...فالسؤال ليه بتحاول تعقد الاخ من العربيه
انت شغال فى توكيل كورى مثلا ,.حتى وان كان فلا داعى لذلك
النصيحه تكون للخير وعن تجربه فعليه
اخيرا مستقبلا لو فكرت فى عربيه سيدان هيكون تفكيرى الاول
فى 516 او m11 او byd -f3 ويمكن الاخيره بميل ليها
لكن كلهم صينى
على فكرة البيجو 307 يقال لها عيب شهير فى الفتيس
والالنترا فى الثبات ...وهكذا
الكمال لله وحده
الام 11 مفيهاش عيوب في السحب لا في الاول ولا التاني ... لما تشغل التكيف خصوصا وانت بتغير من الاول للتاني ادي الغيار حقه بس مش حتشعر بأي تأخير في الاستجابة ... وعلى فكرة نفس الموضوع ده موجود في اللانوس الكوري وده في رأيي شئ طبيعي
ثانيا : شئ معروف ولا جدال فيه ان الكوري يكسب الكل في قطع الغيار والتصليح وسرعة اعادة البيع حتى يكسب الالماني واليباني
ثالثا :مفيش عربية بدون مشاكل وبدون عيوب ..يعني مثلا الاكسنت الار بي الجديدة لا يوجد بها الفرامل ال ايه بي اس وده عيب خطير من وجهة نظري ... . المهم العيوب دي بعيدا عن اداء السيارة على الطريق وسلامة راكبيها
رابعا : معظم السيارات الجديدة مش سهل الحصول على قطع غيارها الا في التوكيل ...وانا عن نفسي حتى لو قطع الغيار موجودة بره مش حشتري غير من التوكيل
خامسا : ده السؤال اللي دايما بنسأله لاي حد حيشتري عربية ... ايه احتياجاتك منها ...لو عايز يعملها تاكسي يبقى يجيب ال 516 ..لو عايز عربية يعرف يبيعها بسرعه لو اتزنق في فلوس زي معظم التجار يبقى خليك في الكوري ..لو عايز عربية تجري بيها على الطريق وتجيب ال 180 وانت مستريح ومعكش غير 70 الف وتشعر بشياكتها من الداخل والخارج هات الام 11 ... بالمناسبة التسارع بتاع العربية مش عالي لكنه افضل من اللانوس لكن اقل من النيو اكسنت ويمكن الفيرنا لكن على السرعات العالية هي اثبت منهم الاتنين بشكل ملحوظ ....
سادسا : من رأيي المتواضع ان الصيني اثبت نفسه خلاص ومش المفروض ان نرفض السيارة فقط لانها صيني ... واعتقد ان ال 516 هي ال 504 بتاعت الزمن ده ...... البرليانس والاسبرانزا والبي واي دي سيارتهم الافضل في فئتهم .... خالي عنده الجالينا وكان ندمان بعد ما اشتراها لكن بمرور الوقت تأكد انه دفع فلوسه في عربية محترمة افضل من يباني وكوري بنفس السعر بعد ما جرب اليباني وشاف الفرق
على الاول السرعة 40 كم والار بي ام حيكون على 4 يعني مش حرق عالي ... الطبيعي ... فلو مشغل التكيف ونقلت مثلا وانت على 10 او اقل حتشعر ببطئ استجابة زي اي early shift في الدنيا
التاني بيوصل ل 60 والاربي ام على 4 عشان كده اي حد يكون راكب عربية زي اللانوس مثلا ويسوق الام 11 متعود ينقل عند 40 كم وده مش افضل وقت للنقل
التالت بيوصل 80 والاربي ام على 3ونص عشان كده مش حتحس انك عايز تجيب الرابع الا بعد ال 80 وانت على التالت
الرابع بيوصل 100 والار بي ام على 3 يعني معاك ل 140 كم مستريح
الاخ العزيز والعضو الفاضل (Raedegypt) ياريت حضرتك تقولى اجيب ايه ب72 الف جنية ؟؟
انا مع الاخوة الافاضل اللي اتكلموا على موضوع السحب
ماتيجش تغير على 2 وللا 2.5 ار بي ام و بعدين تيجي تقول السحب تعبان
ادي الغيار حقه زي ما الاخوة الافاضل قالوا و هتلاقي ان سحب العربية اكتر من ممتاز
انا واحد من الناس بحب احس بالسحب و مش بغير على اقل من 5 ار بي ام الا في الغيار الاول بس
صحيح صوت الموتور بيعلى زي البروتون خصوصا بعد ال 4 ار بي ام بس هي دي انظمة المحركات الجديدة
البروتون الناس كلها بتقول عليها اسد في السحب
انا اخويا معاه بيرسونا اوتوماتيك و العربية مهما كان الضغط على دواسة البنزين خفيف مش بتغير على اقل من 5 ار بي ام و ساعات بتوصل لل 6 و نص عشان كدة الناس منبهرة بالسحب بتاعها
كل عربية و ليها اسلوبها في السواقة بغض النظر بقى عن نوع العربية او الطيارة اللي كان الشخص بيسوقها قبل كدة .. الm11 بالذات و انا املكها و من ضمن كل العربيات اللي ركبتها اتعامل معاها و سوقها صح تستمتع بيها
رمضان كريم يا احمد وحشتنى بجد وكل سنة وانت وكل اللى فى المنتدى طيبين
انا أؤيدك الرأى كمستخدم للام 11 بقالى 4 شهور .. العربية كعربية جميلة جدا بصراحة ولكن عيبها التوكيل اللى مسوأ سمعتها نظرا لسوء التقفيل الى حد ما اللى بينتج عنه بعض العيوب اللى بتضايق الواحد حتى لو كانت صغيرة وسهلة الحل ده غير عدم توافر قطع الغيار بشكل مثير للجدل!!
انا كنت زيك فى حيرة ولكن اتكلت على الله واستفتيت قلبى واستخرت وحسيت انى مرتاح ليها وجبتها .. ربنا يقدملك اللى فيه الخير
انا شاريها 10 /2009 والعداد عامل حتي الان 42500 تقريبا
العربيه بالنسبه للسعر و امكانيتها هي افضل اختيار بلا جدال و بالنسبه للمشاكل زيها زي اي عربيه تانيه نفس المشاكل -- قابلتني بعض المشاكل زي قربه المياة والطنابير الاماميه بس ملفتشي مش كله مع التوكيل خالص انا شايف التوكيل محترم و لما بيلاقي اي عيب بغيرة علي طول .... وبالنسبه لقطع الغيار فأكيد مش متوفرة إلا في التوكيل بس عشان العربيه جديدة ...
المختصر العربيه محترمه جدا جدا مقارنه بأي عربيه في نفس السعر ... ولو الزمن رجع بيا تاني حشتريها بدون أي تردد وأنصح الناس بشرائها ...
و كل عام وانتم بخير
أنا النهارده بعد صلاة التراويح قابلت واحد معاه ال m11 و عامل بيها 44000 ك و الراجل شغله فى القريه الذكيه يعنى كل يوم 55 ك و مفيش شكوى منها غير التأخير فى التوكيل ان ماكينة الازاز الخلفى واقفه من قبل الثوره ولسه قطع غيار الماكنه مجتش لكن بيقول أن العربيه ثابته جدا على الطريق والتكيف زى الفل حتى عند سرعه 160
خالد حبيب قلبى .. رمضان كريم ياغالى واحشني كتير والله يانجم .. انا بمشيئة الله فى اقل من 10 ايام هجيب الm11 وهبقى اعرفك قبلها فى التليفون بمشيئة الله .. وكل سنة وانت طيب