كفاية تجريح ف تويوتا

**mohammedy** · 09-08-2011 07:45 PM

انا نفسي محدش يشتم او يقلل من قيمة عربية تانية...خاصة انا كتويوتاوي معايا تويوتا كورولا هاي لاين 2010 من ساعة مجيبتها واي حد يسألني جبتها بكام يقولي كنت جبت فانتازيا احسن...وطبعا فيه ناس بتتريأ ع الكورولا من غير ماتركبها...وشوية يقولوا شكلها مش حلو..لدرجة اني بقيت حاسس ان التويوتا دي صيني وانا معرفش...انا عارف ان سعرها كتير شوية هنا بس هاتولي عربية ف مصر سعرها مش مبالغ فيه..والعيوب اللي كانت ظهرت ف تويوتا ظهرت ف عربيات تانية وكانت عيوب فردية وموضوع العيوب دا انتهي خلاص...نفسي بجد ادخل مع التويوتاوية هنا ونبقي فخورين بالتويوتا خاصة اني مشوفتش حاجة وحشة من العربية...ومعظم الناس بتفتي من غير ما تجرب العربية...عايزين نفرح بالعربيات بتاعتنا...كفاية تجريح ف اسم تويوتا

**medo_sirion** · 09-08-2011 08:37 PM

تيوتاوى وافتخر

**moosaleh** · 10-08-2011 02:28 AM

المشاركة الأصلية كتبت بواسطة unendlich

ماهو معظم اللي بيخش يجرح ده اصلا مبيبقاش معاه العربية :f_eyeb1[1]:
ده في 2-3 هنا محترفين, تخش أي موضوع عن الكورولا تلاقيهم بيشتموا على طول
و زي ما حسني قالك, يا راجل كبر مخك :c_laugh[1]:

معلش ممكن نعرف مين هما ال2-3 المحترفين اللى بيجرحوا وكل أعضاء القسم يطلعوا على مواضيعهم وممكن فعلا نكتشف ان هما مأجورين من توكيلات اخرى منافسه لتويوتا لأن انا فعلا اتكلمت فى هذا الموضوع قبل كده وفى ناس زعلت منى .

**mohammedy** · 10-08-2011 05:33 AM

المشاركة الأصلية كتبت بواسطة moosaleh

معلش ممكن نعرف مين هما ال2-3 المحترفين اللى بيجرحوا وكل أعضاء القسم يطلعوا على مواضيعهم وممكن فعلا نكتشف ان هما مأجورين من توكيلات اخرى منافسه لتويوتا لأن انا فعلا اتكلمت فى هذا الموضوع قبل كده وفى ناس زعلت منى .

ايوه انا لسه جديد ف المنتدي فدخلت بشوف الموضوعات ف قسم تويوتا..كان فيه موضوع لاقيت فيه واحد بيبهدل ف الكورولا كل لما حد يجيب سيرتها...تقريبا كان بيدافع عن الاوكتافيا..مع ان محدش قلل من قيمة الاوكتافيا ولا عيب فيها..علي فكرة الاوكتافيا انا موافق انها الماني وثباتها حلو بس الناس فاكرة ان ثباتها زي المرسيدس و البي ام والاودي..من كتر كلامهم عن الثبات حسسوا الواحد انك ممكن تنام وانت سايقها ع ال 170...مع العلم اني من محبي الاوكتافيا...بس انا بعد كده بقيت اشوف هجوم من اصحاب الاسكودا علي اللي بيفكر يجيب كورولا..خاصة من ناحية الثبات..بقوا محسسين الناس ان الكورولا لو عدت ال 100 هتبقي مصيبة سودا علي اللي راكبها....انا ركبت مع صاحبي الاوكتافيا بتاعته بس والله محستش بالفرق الرهيب اللي الناس متخيلاه...وانا فاكر ان كان فيه واحد ف المنتدي بيحكي ان معاه سيفيك وجرب الكورولا بتاعة اخوه وبعد التجربة دي شكر ف الكورولا..دخل تقريبا نفس الشخص اللي قلت عليه ف الاول وشكك ف كلامه....شكرا و اسف علي التطويل...

**cheetos_892005** · 10-08-2011 07:22 AM

يا راااااااااااجل

امال لو كنت جمن اوائل الناس اللي جابوا لوجان في مصر زي حالاتي

و حصلك اللي حصلي و اللي بيحصلي كل يوم هتعمل ايه

فكك و استمتع بعربيتك

**Unendlich** · 10-08-2011 02:00 PM

المشاركة الأصلية كتبت بواسطة moosaleh

معلش ممكن نعرف مين هما ال2-3 المحترفين اللى بيجرحوا وكل أعضاء القسم يطلعوا على مواضيعهم وممكن فعلا نكتشف ان هما مأجورين من توكيلات اخرى منافسه لتويوتا لأن انا فعلا اتكلمت فى هذا الموضوع قبل كده وفى ناس زعلت منى .

مش مأجورين ولا حاجة بس الفكرة إنك لما بتشد مع أي واحد فيهم بتلاقي نفسك اتوقفت عشان الادارة بتاخد صفهم أوتوماتيك رغم إن هم اللي بيبدأوا الهجوم و بيفتوا في كل المواضيع و كان فيه كذا واحد من ملاك الكورولا لاحظوا الموضوع و في منهم بطلوا يخشوا القسم هنا عشان قرفوا من النوعية دي

المشاركة الأصلية كتبت بواسطة mohammedy

ايوه انا لسه جديد ف المنتدي فدخلت بشوف الموضوعات ف قسم تويوتا..كان فيه موضوع لاقيت فيه واحد بيبهدل ف الكورولا كل لما حد يجيب سيرتها...تقريبا كان بيدافع عن الاوكتافيا..مع ان محدش قلل من قيمة الاوكتافيا ولا عيب فيها..علي فكرة الاوكتافيا انا موافق انها الماني وثباتها حلو بس الناس فاكرة ان ثباتها زي المرسيدس و البي ام والاودي..من كتر كلامهم عن الثبات حسسوا الواحد انك ممكن تنام وانت سايقها ع ال 170...مع العلم اني من محبي الاوكتافيا...بس انا بعد كده بقيت اشوف هجوم من اصحاب الاسكودا علي اللي بيفكر يجيب كورولا..خاصة من ناحية الثبات..بقوا محسسين الناس ان الكورولا لو عدت ال 100 هتبقي مصيبة سودا علي اللي راكبها....انا ركبت مع صاحبي الاوكتافيا بتاعته بس والله محستش بالفرق الرهيب اللي الناس متخيلاه...وانا فاكر ان كان فيه واحد ف المنتدي بيحكي ان معاه سيفيك وجرب الكورولا بتاعة اخوه وبعد التجربة دي شكر ف الكورولا..دخل تقريبا نفس الشخص اللي قلت عليه ف الاول وشكك ف كلامه....شكرا و اسف علي التطويل...

اهه كده حضرتك جبت واحد

**ahmedsadek82** · 10-08-2011 02:07 AM

المشاركة الأصلية كتبت بواسطة mohammedy

انا نفسي محدش يشتم او يقلل من قيمة عربية تانية...خاصة انا كتويوتاوي معايا تويوتا كورولا هاي لاين 2010 من ساعة مجيبتها واي حد يسألني جبتها بكام يقولي كنت جبت فانتازيا احسن...وطبعا فيه ناس بتتريأ ع الكورولا من غير ماتركبها...وشوية يقولوا شكلها مش حلو..لدرجة اني بقيت حاسس ان التويوتا دي صيني وانا معرفش...انا عارف ان سعرها كتير شوية هنا بس هاتولي عربية ف مصر سعرها مش مبالغ فيه..والعيوب اللي كانت ظهرت ف تويوتا ظهرت ف عربيات تانية وكانت عيوب فردية وموضوع العيوب دا انتهي خلاص...نفسي بجد ادخل مع التويوتاوية هنا ونبقي فخورين بالتويوتا خاصة اني مشوفتش حاجة وحشة من العربية...ومعظم الناس بتفتي من غير ما تجرب العربية...عايزين نفرح بالعربيات بتاعتنا...كفاية تجريح ف اسم تويوتا

بغض النظر عن العربية سواء تويوتا او غيرها , طالما انت مبسوط و عربيتك مريحاك يبقى ولا تاخد في بالك و عيش