الموضوع: كفاية تجريح ف تويوتا

المشاركة الأصلية كتبت بواسطة moosaleh

معلش ممكن نعرف مين هما ال2-3 المحترفين اللى بيجرحوا وكل أعضاء القسم يطلعوا على مواضيعهم وممكن فعلا نكتشف ان هما مأجورين من توكيلات اخرى منافسه لتويوتا لأن انا فعلا اتكلمت فى هذا الموضوع قبل كده وفى ناس زعلت منى .

مش مأجورين ولا حاجة بس الفكرة إنك لما بتشد مع أي واحد فيهم بتلاقي نفسك اتوقفت عشان الادارة بتاخد صفهم أوتوماتيك رغم إن هم اللي بيبدأوا الهجوم و بيفتوا في كل المواضيع و كان فيه كذا واحد من ملاك الكورولا لاحظوا الموضوع و في منهم بطلوا يخشوا القسم هنا عشان قرفوا من النوعية دي

المشاركة الأصلية كتبت بواسطة mohammedy

ايوه انا لسه جديد ف المنتدي فدخلت بشوف الموضوعات ف قسم تويوتا..كان فيه موضوع لاقيت فيه واحد بيبهدل ف الكورولا كل لما حد يجيب سيرتها...تقريبا كان بيدافع عن الاوكتافيا..مع ان محدش قلل من قيمة الاوكتافيا ولا عيب فيها..علي فكرة الاوكتافيا انا موافق انها الماني وثباتها حلو بس الناس فاكرة ان ثباتها زي المرسيدس و البي ام والاودي..من كتر كلامهم عن الثبات حسسوا الواحد انك ممكن تنام وانت سايقها ع ال 170...مع العلم اني من محبي الاوكتافيا...بس انا بعد كده بقيت اشوف هجوم من اصحاب الاسكودا علي اللي بيفكر يجيب كورولا..خاصة من ناحية الثبات..بقوا محسسين الناس ان الكورولا لو عدت ال 100 هتبقي مصيبة سودا علي اللي راكبها....انا ركبت مع صاحبي الاوكتافيا بتاعته بس والله محستش بالفرق الرهيب اللي الناس متخيلاه...وانا فاكر ان كان فيه واحد ف المنتدي بيحكي ان معاه سيفيك وجرب الكورولا بتاعة اخوه وبعد التجربة دي شكر ف الكورولا..دخل تقريبا نفس الشخص اللي قلت عليه ف الاول وشكك ف كلامه....شكرا و اسف علي التطويل...

اهه كده حضرتك جبت واحد

المشاركة الأصلية كتبت بواسطة mohammedy

الحمد لله مريحاني جدا...بس لما الواحد بيبقي معاه حاجة والناس بتعيب فيها بيتضايق...بس معاك حق بجد

كبر لانك شاري زيرو , لما تيجي تغير بعدين ممكن تبقى تاخد اراء الناس الفهمة عشان تستفيد , و على فكرة بعيدا عن الاراء الفنية اللي ممكن تكون صحيحة من بعض الناس لكن احنا شعب بنحب الفتي ده اللي راكب بي ام بيقولولو مجبتش مرشيدس ليه :) , عادي متسمعش غير كلام الناس الخبرة و قبل ما تشتري , لكن طالما شاري زيرو يبقى ولا يهمك

طالما انتا مرتاح فى عربيتك خلاص كبر مخك
وانتا راكب عربية اتباع منها 40 مليون عربية طوال 30 سنة واكتر
افتكر ان مافيش حد من اللى بيهاجموا العربية
عربيته باعت الرقم دا
ودا يدل على اعتمادية العربية العالية والراحة والفخامة اللى فيها

طويوطاوي و افتخر يابوي .... و محدش يضرب نار عشان في خمشتاشر واحد ماتوا بالغلط السنة اللي فاتت ..