الموضوع: بلييييز هيلب مي :d

بص يا بوب اولا البريدج دة اللى هو خرج الصب ووفر علشان بيخرج ار ام اس اعلى من اللى بيخرج فى التشانيل العادية و بالنسبة hpf & lpf دول فلاتر البيز و التريبل و البيز بوست دة اللى بيظبطلك البيز و بيعلية و دة تعملو على ال تشانيل اللى شغالة علية البازوكا علشان السماعات ما تديش بيز و تبوظلك الصوت و دة افضل و بالنسبة لليفل دا مستوى الصوت و دة ياريت متعلهوش عن النص علشان مفيش حاجة تتحرق منك و فيشة ال hi input دى علشان الكاسيت لو مفيهوش ار سى ايى دا بيتوصل بسلوك خرج الكاسيت


يا رب اكون قدرت افيدك و كل سنة و انت طيب يا بوب

كلام مستر مودى طبعا زى الفل
بس اسمحلى اكمل انا بقى P:

HPF ده يا سيدىاختصار ل high pass filter
وده الفلتر اللى بيخلى الترددات العاليه بس هى اللى تبان
اللى هى التربلات و معاها الفوكال
و ده بنعمله لما بنكون مش عايزين بييز من ال سماعات

و البكره بتاعته بتخليك تحدد بدايه الترددات دى
يعنى مايبقاشش فى بييز خالص
او بييز على خفيف

LPF هيبقى طبيعى عكس ال HPF
و ده اختصار ل low pass filter

وده الفلتر اللى بيخلى الترردات المنخفضه هى اللى تبان بس
اللى هى البييز
و ده بنعمله دايما على الصبات و البوازيك لان هى معموله للبيز بس
و احنا مش عايزين منها حاجه تانى غير بييز
و البكره بتاعتها
بتخليك تحدد برضه الترددات اللى يطلعها
بس البكره دى متفتحهاش اوى
يعنى على النص او قبل النص كده هايبقى تمام
عشان مايبقاش الصب بيطلع ترردات فيها صوت المغنى شويه
هى مش هاتبقى باينه اوى بس بتتسمع لو ركزت

بالنسبه للجى ام
ف انت مش محتاج جى ام تانى
انا عندى نفس العده بالظبط
4 سماعات برضه و بازوكا و جى ام سيمفونى 640
و شغالين زى اللوز ما شاء الله

موضوع البريدجيد ده يا سيدى
معمول عشان الصبات
يعنى مثلا لو الجى ام 600 وات 2 تشانل
بيطلع 100 وات فى كل تشانل
و عايز اوصل صب بس عايز اكتر من ال 100 دول

بنوصل الصب بريدجيد ( يعنى سالب من تشانل مع موجب من التشانل التانى )
و ده بيدينا وات اعلى يعنى ممكن مثلا لوعلى نفس الجى ام ال 600

تاخد منه 200 او 300 وات * طبعا كل جى ام و ليه قدرته و بنختارهم على هذا الاساس *
و كده يبقى انت قدرت تاخد اعلى وات من نفس الجى ام

و طبعا ماينفعش جى ام واحد 2 تشانل توصل عليه سماعتين و صب :)
عشان كل حاجه فيهم ليهم ظبطه ف مش هاينفع معاهم 2 تشانل
لازم يبقى 4

و اى حاجه نحن فى الخدمه :)

المشاركة الأصلية كتبت بواسطة _ahmed_casper_

انت يا موش موصل الاربع سماعات و البازوكا على نفس الجى ام؟

\

اه يا معلم
بس الجى ام 4 تشانل مش 2

المشاركة الأصلية كتبت بواسطة _ahmed_casper_

انا عندى نفس اللى عندكو تقريبا
سماعتين 500
و سماعتين 400
و بازوكا 1000
و جى ام سيمفونى 640 و موصل كله عليه بس فى ناس بيقولولى ان كده كتير على الجى ام

لا عادى السيمفونى حمار شغل مش بيقول لا

انا موصل سماعتين 300و سماعتين 400

و قريبا هشيل ال 300 و اركب ال 500
ان شاء الله