الموضوع: عاوزين هيلب يا خواننااااااا بسرعة والنبي

اهلا فيك في المنتدى
وحلوه حكاية تعصر نفسك ديه هههههههههههه
بوص ال 10 يجبولك هوندا cbr 250
model 90
حالتها كويسه

وحتكون عاده مش فاير

بس متجبهاش من معرض دور في الوسيط حتلاقي او عند صحابك
لان المعرض بيبعها ب 13 و 14

وحكاية الاستيراد ديه مش مستهله اوي حتلاقي الاسعار قريبه نوعا ما
بس انزل بورسعيد وشوف بس لو حسبتها حتلقيها مفرقتش كبير

الموضوع بيفرق جامد لو كان الريس موديل 2000 وطالع

لان في القاهره بيزودوا السعر

ولو عايز كاستم ممكن تجيب استيد 400

مع السلامه

اولا الف الف شكر علي الاهتمام و الرد يا كبير الهونداويه (:
ثانيا انا مش فاهم قصدك ب ستيد 400 ؟!!! انا اعرف ان الهوندا استيد 400 اغلي بكتير من الريس واقل سعر سمعتو فيها كان 20000 لموديل 90
ثالثا انا هقولك الموضوع ب صراحة ... انا طول عمري بحب الموتوسيكلات سواء ريس او كاستم بس كان معايا عربية ف مفكرتش اجيب واحد
بس من فترة عملت حادثة العربية راحت فيها و انا كمان كنت هروح بس ربنا ستر. و برضو مجبتش موتوسيكل بعدها و ربنا كرمني بعد فترة و جبت عربية تانية بس بعد 4 شهور برضو عملت حادثة هو صحيح العربية ماخلصتش خالص المرة دي بس ابويا هو اللي بقي عايز يخلص مني D: وطبعا الفلوس خلاص كل سنة وانت طيب دي تاني عربية اضيعها ف انا قررت ارجع بقي ل حلمي القديم و اجيب الموتوسيكل بما اني مجنون سرعة بس بقي عندي خبرة طبعا و مبقتش طايش زي الاول و العمر مش بعزأة و بعدين التالتة تابتة علي رأي ابويا D:
ف يا ريت لو تساعدني ف الموضوع ده و يا ريت تعرفني فين الاقي ستيد ب السعر ده و ايه الاختيارات التانية اللي قدامي ل ريس ب 12000 و منين والاقيها فين و تعرفتي كل حاجة عن الموضوع والنبي
اسف اني طولت عليك بس ده من عشمي والله

العفو
الاستيد بيبتدي من 18 الف تقريبا
والف حمدلله على سلامتك وربنا يحفظك
بالنسبه للموتوسيكل فا هو اخطر من السياره بكتير لان الغلطه بجون
مفيش اي حاجه تحميك غير رب العالمين طبعا

بالنسبه لكلمة ريس انت عايز اسبورت بايك يعني؟
ولا كاستم

اولا الله يسلمك ويحفظك انت و الناس اللي زيك يا رب دايما عشان بيفيدونا و بيخلو حياتنا اسهل
ثانيا انا اللي مكتفني للأسف هي الفلوس ): بس انا بحب ال سبورت بايك و الكاستم يعني أحب اركب ال هوندا cbr او ال ياماها fzr بس طبعا حضرتك افدتنا و عرفت منك ان قطع غيارها مش متوفرة ف يبقي قدامي ال هوندا cbr عادي او فاير 250 او 400 طبعا كلو بحسب الفلوس زي ما وضحت لحضرتك يعني حسب ال 12000 تجيب ايه فيهم

او طبعا الكاستم و خاصة ال هوندا ستيد 400 برضو جميلة و بحبها بس مسألتش عليها عشان معلوماتي كانت انها اكتر من الفلوس اللي معايا
ف بالتالي هيبقي التركيز علي ال سبورت بايك
ولو انت شايف غير كده يا ريت تدلني
و شكرا (: