هظبط هوندتى ومحتاااااااااار جداا :(

**wael ahmed** · 10-08-2011 03:47 AM

السلام عليكم يا احلى عصابه
اولا كل سنه وانتم طيبين ورمضان كريم :)
اعتذر عن عدم تواجدى الفتره اللى فاتت بس والله كنت فى مشاكل وحورات واللاب بتاعى كان بايظ والحمد لله كله تمام

دلوقتى بقى انا هوندتى مش عارف اعمل معاها ايه ؟؟؟؟ عايز اظبطها بس مش عارف ابدأ بايه علشان هيه محتاجه شغل كتيير

اولا العفشه :-
وانا مش فاهم اوى فى عفشه الهوندا علشان فيها مليون حاجه ... ومش عايز اصرف فلوس فى الفاضى علشان المبلغ اللى معايا يكفى باقى الشغل

بس عامة انا مكشفتش على العفشه قبل كده عند حد علشان قولت لما امسك فلوس اعملها كلها مره واحده وارتاح
اروح لمين بقى يا رجاله بالله عليكم انا مش عايز اعملها فى وقت طويل وتطلع عينى معاها وفى نفس الوقت عايز واحد يكون فاهم وينجزنى انا بفاضل بين جاسم وعصام ؟؟؟ انتوا رأيكوا ايه :(

ولو طلع عندى حاجات كتيير بايظه اغير 4 اجناب وخلاص علشان يكون اوفرلى يعنى ولا اعمل ايه ؟؟؟
وده اقتباس من موضوع سمسم باشا ربنا يكرمه :)

دى مكونات الجنب هل بقى لو جبت جنب استيراد بيبقى فيه حاجه تانيه عايزه تتغير ؟؟؟

وده اقتباس من موضوع سمسم باشا ربنا يكرمه :)

1: علبة دركسيون( جريدة مسننة وبنيون )
2: تيش
3: مقص علوى واخر سفلى
4 : 4 كاوتش ميزان
5: كوبلن خارجى وداخلى مع اكس توصيل ( لة مقاس معين لكل سيارة حسب نوع الماتور )
6: طنبورة ديسك امامى
7: مساعد + سوستة + بطاحة
8: بيض شمعدان
9: شمعدان
10: بلية طنبورة
11: 3 كاوتشات تراب

بالنسبه للجنط عندى 13 اركب 15 ولا 16 وناوى اجيبه استيراد بس مش عارف من فين بقى لانى عايز شكل معين :)
رايكوا 15 مع كاوتش 195 على 55 هيبقى مريح العربيه وشكله مش وحش ؟؟؟

[color="rgb(139, 0, 0)"]ثانيا : الرش وتظبيط الصالون :-[/color]
الزجاج عندى تقيل ومتخربش ومعظم الجلد اللى حوالين الباب من الداخل متاكل شويه والجريد فى نص الباب من بره عايز يتغير والفرش بتاع الابواب من جوه مش عاجبنى والزجاج نفسه فيه خرابيش ... السؤال بقى اجيب 4 ابواب استيراد وريح دماغى ولا اعمل ايه ؟؟ بس هيه كل المشكله اودى الابواب دى فين !!!!!! وطبعا محدش هيرضى يشتريهم ( على فكره دى الابواب الفبريكه بتاعة العربيه :(

تانى حاجه زجاج فتحة السقف والغطا بتاعه ؟؟ ينفع اشترى فرش السقف والزجاج وطبعا بيبجى بالشماسات وكل حاجه والنور اللى قدام بتاع الصالون

اعتقد كده ابيع العربيه احسن واريح نفسى هههههههههههههه

والرش بقى يا رجاله اعمله فين الرجاله اللى كانت فى المقابله اللى فاتت شافت العربيه محتاجه وش نضافه بس ووريت العربيه لكذا واحد كله بيقولى التكلفه 1500 جنيه - 2000 جنيه
وابقى اجيب انا البوهيه بنفسى واجيب نوع ايه كويس ؟

وللحديث بقيه ومنتظر ارائكم :)

**wael ahmed** · 10-08-2011 07:47 AM

وعايز اعرف ترتيب الشغل هيبقى ازاى >>>> وانزل بورسعيد علشان كان فيه هونداوى هنا معانا سأل على 4 ابواب كاملين فول اوبشن d: بالمرايات 1000 جنيه لو اتشقلبت هنا فى الحرفيين مش هجبهم اقل من 2500 :)
معلش يا رجاله انا عارف انى هتعبكم معايا
بس هعمل ايه مليش غيركم :)
واسف على كلامى الغير مرتب d:

**Kareem.ElAraby** · 10-08-2011 03:19 PM

متابع

**Hamdy Masria** · 10-08-2011 04:22 PM

ربنا معاك يا وائل

**wael ahmed** · 10-08-2011 06:54 PM

ربنا يخليك يا حمدى باشا :)

**aboulojain** · 11-08-2011 02:40 AM

يا باشا انزل المنصورة وانا هظبطك
و الفلوس اقل من مصر بكتير اوي
التلتين او النص كمان
بص العفشجي بتاعي انا اللي معلمه
وبعدين الميكانيكي واد صح
انا عملت عنده نص عمره
وبعدين انتا مقولتش برده العربية فيها ايه
انا في البيت لغاية الاحد
بعد كده مسافر
اعتقد ممكن ننجز في يوم
ان شاء الله

**wael ahmed** · 11-08-2011 04:05 AM

والله يا ابو لوجى انت بتقرا افكارى :)
لسه بقول النهارده انزل المنصوره اعملها بس المشكله معرفش حد هناك ...

اولا :العربيه محتاجه العفشه كلها تتظبط ولسه معرفش فيها ايه بس عامه الجلب كلها تقريبا عايزه تتغير والطنابير والكبالن الداخليه وميزان يمين تقريبا ده اللى انا عرفته بمجرد النظر لما كنت بربط عفشه من شهر

ثانيا :الميكانيكا بقى حاجات خفيفه ماستر فرامل وسيرفو عايز يتكشف عليهم علشان بيسرب زيت
الفتيس بيعمل نتشه معايا ممكن تكون قاعدة الفتيس او من الكوبلن او سلك الفتيس وحش وعايز يتغير

ثالثا :وده اللى محيرنى :(( الابواب عندى فيها حاجات عايزه تتغير ( الزجاج فيه خرابيش - الجلد اللى بيطلع عليه الزجاج مخلى الزجاج تقييل جداا - الجلد اللى حوالين الباب من جوه معظمه فيه قطع (بابين تقريبا) - الجريد اللى على الباب كويس اى حد ما بس برضه رأيى يتغير - الجريد اللى بيبقى على حرف الزجاج من بره متقشر بس ده اعتقد يترش - المرايه الشمال عندى سايبه واعتقد متتصلحش لازم تتغير ) دى الحاجات اللى فاكرها ... الحاجات دى تكلفتها هتبقى عاليه ... اعتقد 4 ابواب استيراد بمرايات ضم اوفر بس المشكله الاقى نفس اللون (احمر) او اجيب الابواب واخد منها الحاجات اللى انا عايزها ....

فتحة السقف عندى شارى العربيه من الرجل الزجاج مشروخ ومفيمه ومعنديش الغطا بتاعه من جوه والشماسات بايظه (طريه جدا) مش عارف بقى الموضوع ده حله ايه
ممكن اعمل زجاج عند د.جريش بس المشكله الجلد اللى حوالين الزجاج ناشف وكمان عايز الغطا وطبعا محدش هيرضى يطلع اللى انا عايزه ده لازم سقف كامل على بعضه وتكلفته تقريبا 2500 طبعا حراام :(( ولا انتوا رايكواااا ايه يا عصااااابه

وجنط ورش نضافه :)

بس الفكره ان المنصوره مفيش فيها قطع غيار للهوندا :((( .... انا ممكن اعمل العفشه والميكانيكا هنا فى الحرفيين
وارش فى المنصوره لو التكلفه اقل زى ما حضرتك بتقول بس عايز اعرف من ناحيه ايه بالظبط ؟؟؟

وزعلان جدااا يا جدعان علشان مفيش حد حن عليا ورد باى حاجه متشكرين يا رجااااله :(((
والف شكر يا حسام باشا :) ومستنى رد حضرتك

**OmaR_FekrY** · 11-08-2011 04:43 AM

انا رديت عليك فيس بوك يا عم :)

**aboulojain** · 11-08-2011 04:57 AM

بس المشكله معرفش حد هناك ... ياعم احنا اخوات

اولا :العربيه محتاجه العفشه كلها تتظبط ولسه معرفش فيها ايه بس عامه الجلب كلها تقريبا عايزه تتغير(اكيد مش كلها وحتى لو كلها موجودة هنا)
والطنابير(موجودة استيراد)
والكبالن الداخليه (موجودة)
وميزان يمين تقريبا ده اللى انا عرفته بمجرد النظر لما كنت بربط عفشه من شهر(بسيطة)

ثانيا :الميكانيكا بقى حاجات خفيفه ماستر فرامل (سهلة )
وسيرفو عايز يتكشف عليهم علشان بيسرب زيت
الفتيس بيعمل نتشه معايا ممكن تكون قاعدة الفتيس او من الكوبلن او سلك الفتيس وحش وعايز يتغير (نشوفهم )

ثالثا :وده اللى محيرنى :(( الابواب عندى فيها حاجات عايزه تتغير ( الزجاج فيه خرابيش - الجلد اللى بيطلع عليه الزجاج مخلى الزجاج تقييل جداا - الجلد اللى حوالين الباب من جوه معظمه فيه قطع (بابين تقريبا) - الجريد اللى على الباب كويس اى حد ما بس برضه رأيى يتغير - الجريد اللى بيبقى على حرف الزجاج من بره متقشر بس ده اعتقد يترش - المرايه الشمال عندى سايبه واعتقد متتصلحش لازم تتغير ) دى الحاجات اللى فاكرها ... الحاجات دى تكلفتها هتبقى عاليه ... اعتقد 4 ابواب استيراد بمرايات ضم اوفر بس المشكله الاقى نفس اللون (احمر) او اجيب الابواب واخد منها الحاجات اللى انا عايزها .... (4 ابوب من بورسعيد وش)

فتحة السقف عندى شارى العربيه من الرجل الزجاج مشروخ ومفيمه ومعنديش الغطا بتاعه من جوه والشماسات بايظه (طريه جدا) مش عارف بقى الموضوع ده حله ايه(
ممكن اعمل زجاج عند د.جريش بس المشكله الجلد اللى حوالين الزجاج ناشف وكمان عايز الغطا وطبعا محدش هيرضى يطلع اللى انا عايزه ده لازم سقف كامل على بعضه وتكلفته تقريبا 2500 طبعا حراام :(( ولا انتوا رايكواااا ايه يا عصااااابه

وجنط (من بورسعيد 15,,,,, 195/55 r15
ورش نضافه :) فل

بس الفكره ان المنصوره مفيش فيها قطع غيار للهوندا :((( .... انا ممكن اعمل العفشه والميكانيكا هنا فى الحرفيين
وارش فى المنصوره لو التكلفه اقل زى ما حضرتك بتقول بس عايز اعرف من ناحيه ايه بالظبط ؟؟؟

وزعلان جدااا يا جدعان علشان مفيش حد حن عليا ورد باى حاجه متشكرين يا رجااااله :(((
والف شكر يا حسام باشا :) ومستنى رد حضرتك[/QUOTE]

انتا بس قوللي هتيجي امتا
و لو كشفت علي العفشة قوللي و اسألك هتتكلف كام
ممكن السبت او الاحد ا السبوغ اللي بعده
و لا شكر على واجب
0106130451