الموضوع: اطلع زكاه قد ايه

للعلم بس الفلوس اللي مسلفها دي مش عارف هترجعلي امتي وبقالها اكتر من سنه وربنا يسهل الحال لان اللي مسلفه مزنوق مش عارف هيرجع الفلوس امتي

مبدئيا حتى فلوس السلف بتطلع عليها زكاة مدام حال عليها الحول
وحضرتك بتقول بقالها سنة مع الرجل اذن الزكاة واجبة
لو الفلوس في البنك هات كشف حساب وشوف كام المبلغ اللي حال عليه الحول
ولزيادة التأكيد اسأل في موقع الدكتور صلا الصاوي
ط¯.طµظ„ط§ط. ط§ظ„طµط§ظˆظٹ » ط£ط.ظƒط§ظ… ط§ظ„ط²ظƒط§ط©

جزاك الله خير يا دكتور احمد
طيب انا عندي سؤال
المفرض بخرج زكاتي على المال والذهب في خلال شهر رمضان
دلوقت ناوية اشتري عربية ان شاء الله خلال الشهر هتاخد كل الفلوس وهابيع ذهب اكمل بيه او استلف جزء
هل استثني الجزء اللي لسه هصرفه من الزكاة؟

المشاركة الأصلية كتبت بواسطة د.أحمد السعيد

بص يا بشمهندس ربنا يبارك لك فى اهلك و مالك و يخلف عليك بالرزق الحلال

من الأدلة على وجوب الزكاة في النقود قوله تعالى: ‏

‎‎ ‏{يَاأَيُّهَا الَّذِينَ ءَامَنُوا إِنَّ كَثِيرًا مِنَ الْأَحْبَارِ وَالرُّهْبَانِ لَيَأْكُلُونَ أَمْوَالَ النَّاسِ بِالْبَاطِلِ وَيَصُدُّونَ عَنْ سَبِيلِ اللَّهِ وَالَّذِينَ يَكْنِزُونَ الذَّهَبَ وَالْفِضَّةَ وَلَا يُنْفِقُونَهَا فِي سَبِيلِ اللَّهِ فَبَشِّرْهُمْ بِعَذَابٍ أَلِيمٍ(34) يَوْمَ يُحْمَى عَلَيْهَا فِي نَارِ جَهَنَّمَ فَتُكْوَى بِهَا جِبَاهُهُمْ وَجُنُوبُهُمْ وَظُهُورُهُمْ هَذَا مَا كَنَزْتُمْ لِأَنْفُسِكُمْ فَذُوقُوا مَا كُنْتُمْ تَكْنِزُون َ(35) } [سورة التوبة، الآية: 34-35]. ‏

‎‎ وقوله صلى الله عليه وسلم: (ما من صاحب ذهب ولا فضة لا يؤدي منها حقها إلا إذا كان يوم القيامة صفحت له صفائح من نار، فأحمي عليها في نار جهنم فيكوى بها جنبه وجبينه وظهره، كلما بردت أعيدت له، في يوم كان مقداره خمسين ألف سنة، حتى يقضى بين العباد فيرى سبيله إما إلى الجنة وإما إلى النار... ) متفق عليه. ‏

تتفق النقود الورقية المعاصرة مع الذهب والفضة في مقدار النصاب، و طالما فلوسك وصلت فى وقت من الاوقات الى أكثر من النصاب (نصاب الذهب خمسة وثمانين جراماً يعنى 85×250 مثلا =21250 جنيه ) و فضلت لا تقل عن هذا المبلغ لمدة سنه ( تزيد و تنقص بس لا تقل عن 21250 جنيه )

يبقى تحسب الزكاه بعد سنه من تاريخ اكتمال المبلغ 21250 جنيه و تخرج ربع العشر فى كل الفلوس اللى معاك حاليا بعد اكتمال السنه ( يعنى لو 60 الف يبقى زكاتهم 1500 جنيه )
و بالنسبه لمبلغ السلف ففيه قولان .... لو غلب ظنك ان المبلغ هيرجع ليك يبقى تدخله فى الحساب
و لو متيقن انه مفقود فيه الامل يبقى طلعه من الحساب

اتمنى اكون افدتك

يعني لو كانو اول شهر من 25 الف مثلا في ذياده ونقصان حتي 30 الف الي الشهر ال 11 وفي الشهر ال 12 بقو 60 الف يبقي هطلع ذكاه علي 60 الف؟ طيب ماهو ال 60 الف دوول محلش عليهم الحول

يعني مشكلتي ان كل شهر كان في اختلاف ومش عارف اطلع علي اقل مبلغ ولا اعلي مبلغ

انا في زمايل في الشركه بيلمو دلوقتي للصومال فانا كان حد قالي ممكن تاخد المتوسط وحسبت المتوسط دلوقتي طلعو رقم قمت مذود شويه ورحت جبتهم من البنك وحطيتهم

هل كده ابقي تمام ولا اخد خر حاجه اللي هي 56600 ولا اعلي حاجه اللي هي 58600 ولا اقل حاجه اللي هي اكتر حاجه مقلتش عنها اللي هي 23000 ؟