الموضوع: هل التوكيل يقبل استبدال السيارات القديمة؟

من 3 شهور افتكرت العرض ده ورحت غبور صلاح سالم عمارات العبور وسالت قالو اه لسة بناخد القديم بس مش عارف دلوقتي لسة شغال ولا لا ممكن تتصل تسأل بس هاتبقي اقل من سعر السوق

غبور بطل الموضوع ده و حضرتك ممكن تبيعها في كلمه و نص علي Contact Cars لانها مطلوبه في السوق زي ما كل الناس عارفه و ابقي اشتري الفيرنا العاديه عشان توفر فرق الفلوس اللي هيتدفع في عتب و سبويلر ميعملوش 1000 جنيه حتي

شكرا يا إخوانى على الردود السريعة :
1- أنا فعلا إن شاء الله حتصل بغبور وأشوف الموضوع ده معاهم
2- أنا عايز أقلل الإجراءات والتعب فبدل ما أعمل عمليتين (البيع ثم الشراء) أعمل عملية واحدة للتسهيل وعدم (الدوخة) رغم إن ده بالتأكيد حيكلفنى شوية بس تقدر تقول "راحة بال"
3- بخصوص الفيرنا ستار ، الحقيقة أنا قريت فى المنتدى العظيم ده (بس من زمان قوى ومش فاكر فين المشاركة دى) إن الفيرنا ستار فيها تعديل بحيث إنها أعلى شوية من الفيرنا العادية وكلنا عارفين إن الفيرنا لو محملة شوية بتحك فى المطبات علشان كدة أن عايز الفيرنا ستار لأن (المفروض إنها أعلى شوية)
بس ياريت برضة لو حد متأكد من المعلومة يقول لنا
وشكرا لكم جميعا على ردودكم السريعة ومعلوماتكم القيمة

إن الفيرنا ستار فيها تعديل بحيث إنها أعلى شوية من الفيرنا العادية وكلنا عارفين إن الفيرنا لو محملة شوية بتحك فى المطبات علشان كدة أن عايز الفيرنا ستار لأن (المفروض إنها أعلى شوية)

مفيش اي فرق جوهري بين العاديه و الستار الفرق بس في العتب و الطاسات و السبويلر فقط لا غير

شكرا hossam99 و Screenplaysلو فعلا مفيش فرق فى العفشة بيقى عندك حق طبعا الفرق ده أغير بيه الكاوتش والجنوط وده فعلا حيفرق
خلاص إن شاء الله حتبقى فيرنا عادية بس حكاية البيع والشراء دى هى اللى مش مريجانى قوى لكن عموما حنشوف رد غبور حيكون إيه وحيتمنوا العربية القديمة بكام وطبعا لو حيبخسوا تمنها جامد يبقى مفيش حل غير كده