الرحمة

**Hany Hussain** · 11-08-2011 03:04 AM

السلام عليكم وكل سنة وانتوا طيبين
أنا جاي اشتكي من حاجة أكيد كلنا اتعرضنا ليها بشكل أو بآخر ومش عارف بصراحة أعمل ايه أو اشتكي لمين وفين
النقل التقيل على الدائري أو الطرق السريعة
بصراحة الموضوع بقاله فترة وبقى يخنق جدا جدا جدا
أولا الحمولة في الغالب بتكون يا إما أكتر من ارتفاع العربية يا إما مش متأمنة كويس وبالتالي بترمي على كل اللي جاي ورا العربية (والله العظيم انا عندي نقرتين في الزجاج الأمامي بسبب الزلط اللي في عربيات النقل دي)
ثانيا السرعة العالية: يعني المفروض قانونا ان السرعة على الدائري 90 لكن تلاقي بتاع النقل التقيل بمنتهى الرشاقة جاي من وراك وبيقلبلك نور وعايز يعديك من أي اتجاه
ثالثا المشي في أي حارة: المفروض ان بتاع النقل التقيل بياخد يمينه قدر الإمكان لكن الجديد حاليا انه بيمشي في الحارة اللي تعجبه وفـ أحيان كتيرة بتلاقي أكتر من عربية نقل كل واحد واخد حارة وماشي فيها وقافلين الشارع والجدع يعدي بقى
انا كنت بفكر أصور العربيات دي وأنزل الصور هنا (وكمان فيديو) بس مش عارف ده ملائم لقوانين المنتدى ولا لأ
ياريت لو حد يعرف أشتكي ازاي يقولي وشكرا ليكم مقدما

**Elawany13** · 11-08-2011 03:47 AM

ربنا يرحمنا برحمته

**hugan** · 11-08-2011 03:56 AM

مفيش فايده النقل التقيل سبب كل كوارث الحوادث في مصر ولا مجيب

**alaasaid** · 11-08-2011 11:48 AM

للاسف مفيش حل غير ان ربنا يتولانا برحمتة عشان الناس تتغير , انا غيرت الزجاج الامامى لنفس السبب عربية زلط كانت طايرة على الدائرى و ماشى بيوزع الحمولة على العربيات كلها و أخدت نصيبى فى الزجاج الامامى و ناس تانية الفانوس الامامى اتكسر

ان شاء الله مصر هتبقى أحسن بالصبر و العمل

**kar!m** · 11-08-2011 12:42 PM

المشاركة الأصلية كتبت بواسطة Eng.Geo

هو حضرتك كنت مسافر ولسة راجع ؟

أجمد تعليق بصراحة.

**MASERATI** · 11-08-2011 02:36 PM

السلام عليكم و رحمة الله و بركاته

سائقى النقل و الميكروباص و التاكسى, هيفضلوا يسوقوا بمنتهى الرعونة -كله فى مجاله- لحد الشرطة ما تشرب بيريل و تسترجل و تشوف حل معاهم, يعنى, نلف و نرجع تااااااااااااااااانى للشرطة -اللى بيموتوا عشان يحمونا!!!!!!!!!- و نلاقى أن هما أصل المشكلة, لو فيه تواجد أمنى عالطرق و فيه غرامات كبيرة و عقوبات تصل للحبس لما يكون فيه تعريض حياة المواطنين و ممتلكاتهم للخطر, ماكانوش دول عملوا كده.

**Hany Hussain** · 11-08-2011 02:39 PM

على فكرة انا فعلا كنت مسافر ورجعت من خمس شهور وكنت بشوف المشكلة دي خلال تواجدي في مصر أثناء الزيارات بس ماكانش واضح قدامي حجمها الا لما استقريت في مصر لكن اللي مخليني اتكلم اكتر من سبب
أولا اننا المفروض نبطل سلبية
ثانيا اننا كلنا واضح اننا بنتأذى من المشكلة دي
ثالثا زي ما حضراتكم قلتو ان البلد بتتغير ولازم نشارك في التغيير ده ومانقفش ساكتين
وأكيد اتحادنا هايبقى قوة إن شاء الله

**ahmedhawas** · 11-08-2011 02:44 PM

المشاركة الأصلية كتبت بواسطة maserati

السلام عليكم و رحمة الله و بركاته

سائقى النقل و الميكروباص و التاكسى, هيفضلوا يسوقوا بمنتهى الرعونة -كله فى مجاله- لحد الشرطة ما تشرب بيريل و تسترجل و تشوف حل معاهم, يعنى, نلف و نرجع تااااااااااااااااانى للشرطة -اللى بيموتوا عشان يحمونا!!!!!!!!!- و نلاقى أن هما أصل المشكلة, لو فيه تواجد أمنى عالطرق و فيه غرامات كبيرة و عقوبات تصل للحبس لما يكون فيه تعريض حياة المواطنين و ممتلكاتهم للخطر, ماكانوش دول عملوا كده.

والله يا ياشا انت جيبت من الاخر
فاكرين أول ما طلع قانون المرور الجديد ، الناس كانت التزمت ازاي ، و شرطة المرور كانت مغرقة الشوارع كلها.
طول ما مفيش مرور وتواجد أمني عالطريق مع عقوبات رادعة ... هنفضل في المهزلة دي.. وربنا يستر

-

-

الموضوع: الرحمة

LinkBack

أدوات الموضوع

عرض

الرحمة - انشر الموضوع فى :

-

-

-

-

-

-

المواضيع المتشابهه

الرحمة

الرحمة عند الحيوانات

الكلمات الدلالية لهذا الموضوع

المفضلات

المفضلات

ضوابط المشاركة