الموضوع: عاوز أأجر بلطجية

ربنا يوفقك

بس مينفعش ننزل لمستوي الغوغاء دوول

السلام عليكم ورحمة الله وبركاته
لو معاك بودي جارد ليل نهار ماشيين وراك في الشارع، برضه مش حل ومش هيسدوا
ليه؟ لأن كل شوية الغوغاء دول هيفتعلوا مشكلات معاهم

الحل الوحيد من وجهة نظري المتواضعة تنظم أمورك وأمور الأسرة الكريمة وتبتدي تدور بدون استعجال على سكن تاني في مكان هادي ويريحك
سواء هتأجر شقتك أو تبيعها، سواء هتستأجر الشقة في المكان الجديد أو تشتريها ...كل دي تفاصيل
حل مشكلتك إنك تمشي من المكان ده لأنه خلاص مبقاش فيه فايدة
أتحدى أي حد لو عرف يمشي باعة جائلين من مكان بعد ما استوطنوه
دول ولا الصهاينة

الله يكون في عونك

المشاركة الأصلية كتبت بواسطة ahmed_mido1889

كان القدماء المصريين يلقون بالجميلات في النيل للتقرب منه .... فماتت
الجميلات وتبقي لنا الموجودون .... حسبي الله ونعم الوكيل في كل الفراعنة
فرعون فرعون

معلش حاجة خارج الوضوع: توقيعك تحفة هاهاهاهاهاه

المشاركة الأصلية كتبت بواسطة Mohamed_Rashad

أختلف معاك يا أ/ خالد البودي جارد المحترفين و المسلحين أفضل و أأمن حل لكل واحد خايف على أسرته دلوقتي في مصر و في أغلب الأحيان هيبقى دورهم للردع و التحذير الا في المواقف الخطيرة اللي تستدعي التدخل لا قدر الله.

في رأيي الشخصي ده حل بروفيشينال و هيريح ناس كتير.
حتى لو عزلت و رحت مكان تاني برضه هتلاقي البلطجية و الأوباش و قطاع الطرق و ولاد الحرام للأسف!

تقبل تحياتي!

أهلا أهلا يا م / محمد :) يا رب تكون بخير

فعلا البودي جارد المحترفون أفضل حل.....لمن يستطيع توفير نفقاتهم
لكن واقع الحال في مصر كالآتي: الشركات التي يطلق عليها شركات أمن تقوم بتعيين أي شخص عندها... ناس غير مؤهلة لا بدنيا ولا نفسيا على التعامل مع المواقف المختلفة
والقلة القليلة التي يتم تشغيلها وعندها خبرة أمنية سابقة تكون رتبة كبيرة أحيلت للتقاعد وشغلها في شركة "الأمن" إشرافي بحت
والكلام ده شوفته في مولات بسيطة في شبرا ومولات عملاقة زي سيتي ستارز..الفرق بسيط جدا في المستوى الأمني... اليونيفورم مختلف والنظام مختلف لكن المستوى واحد

يعني فيه ندرة حقيقية لشركات الأمن القادرة على توفير نوع الأمان اللي نطمح إليه
ولما نلاقيهم سعرهم لا يتحمله إلا قلة قليلة
أنا واحد من الناس مش هشتغل من 9 لـ 5 كل يوم عشان أدي مرتبي بالكامل تقريبا لشركة أمن تحميني


الحل المنطقي أتنقل لمكان آخر يكون هادي وآمن ولا يمكن يوصله الغوغاء دول تاني سواء حي مقفول (gated community) أو حتى حي عادي وفي نفس الوقت بعيد عن الأسواق وأماكن تجمعهم

إلا إذا اللي بيسأل عنده مقدرة مادية كافية، يبقى يبتدي يدور على شركات أمن حقيقية
وربنا يصبره على ما ابتلاه

أنا فيه شوارع كاملة مابحبش أمشي فيها بسبب قعادهم على جنب واحد منها

هى هاتفضل كده كتير...ده مافيش امام فى صلاه لما بيدعى بينسى يدعى الامان فى الوطن والمعيشه .............حسبى الله فى كل ظالم
سبحانك اللهم وبحمدك ، أشهد أن لا إله إلا أنت أستغفرك وأتوب إليك

أحسن حاجة حضرتك تشترى مسدس صوت وتقف أمام المنزل وتضرب طلقتين فى الرايحة والجاجية هتلاقى الناس بصتلك بعين تانية خالص الى حضرتك بتشوفه كل يوم كلنا بنشوفه وفى اماكن كتير