السلام عليكم.

أنا كنت بتابع العربيات الفرنساوي بقالي فترة هنا في المنتدى وبعدين لقيت إن قسم الرينو قوي جدا والناس هناك بتساعد على ماتقدر وتقريبا العربية الرينو مكتوب عندها كل حاجة بعيوبها ومميزتها وتقريبا كل الناس حبا عربيتها هناك واللي عنده مشكلة في ألف مين يساعد هناك بجد أنا عشقت الميجان من كتر الكلام بس اللي مكتوب من مالكي العربية أو من الناس اللي حتى عندهم معلومات عن العربية وهي فعلا عربية كويسة جدا ما شاء الله عليها وربنا يحرص اللي راكبها واللي راكب أي عربية عموما

بس الفكرة إني بقالي فترة بقارن مابين CITROEN C4 و RENAULT MEGANE II وبـجد العربيتين قمة في التكنولوجيا والاحترام من جميع مالكيها بس على طول باسمع الناس بتشتكي من السي فور وناس بتقول إنها ندمانة على شرائها للعربية دي جدا وخصوصا مشكلة الفتيس في موديلات 2005 و 2006 و 2007 وكل الناس اجمعوا على قطاع الغير الغالية جدا جدا وقلتها وعلى ماظن تفسير الوحيد ل حاجة زي دي إن العربية قليه جدا في مصر نادر جدا إنك تشوفها في الشوارع وكمان إن التوكيل عامل زي المنشار طالع واكل نازل واكل ...

فـياريت بجد كل اللي عنده معلومات عن العربية يقولها بس بشرط إنه يكون ملكها او على الاقل يكون عاش تجربه مع العربية دي من حد يعرفه ويريت بلاش إشاعات ونبقى موضوعيين جدا في حكمنا وكمان اللي عنده معلومات عن أماكن تصلحها وقطاع الغيار واسعارها يفيدنا .. يا ريت بس كل الناس نحط الموديلات دي بس تحت المجهر 2005 و 2006 و 2007 وبجد أنا عمل أعمل مقارنات كتير جدا مابينها ومابين الميجان عشان اشتري واحدة منهم والله الموفق باذنه...

يا ريت كمان المهندس رامي من توكيل امير وجوزيف يبقى معانا عشان أنا بأقدر الناس العملية اللي زي حضرته خصوصا إنه PSA Citroen and Peugeot technical expert وكل الناس الجميلة اللي بتقدر جمال وتكنولوجية السيتروين .. وشكرا مقدما