الموضوع: مـا هـو افــضـــــل مـركـز صيــانـة لــغـــبـور ؟؟؟

أنا برضة لسة عامل صيانة الألف كيلو في قليوب الأسبوع اللي فات

والله وأنا رايح كنت حاسس أني رايح أرمي عربيتي لوحوش هيرجعوهالي خردة

الحمد لله وصلنا الساعة عشرة الصبح والمهندس سألنا اذا كان في أي مشاكل قولناللو لا مافيش وسألنا عن نوع الزيت اللي عاوزينوا وادانا كارتين (لي وللوالد) علشان نجيب بيهم مشروبات في الاستراحة

وبعد تلات تربع ساهعة ندهوا علينا و دفعنا 110 واستلمت العربية

أول أما ركبيناخا أعدنا نفتش فيها لقيناها زي الفل وكانو حاطين كياس على الكرسي والدركسيون والأرضية علشان ما تتوسخش وعلبة فيها بقيت الزيت وكان في كياس فيها أكل ما اتلمستش وازازة مية برضة ما اتلمستش والعربية زي الفل

اللي ما عجبنيش هانك :
الحمامات من غير مناديل
المهندس ما يعفش الفرق بين الزيت المعدني والتخليقي (بقولو تخليقي بيقولي ايوة الزيوت عبارة عن خلطة)

[وكانو حاطين كياس على الكرسي والدركسيون والأرضية علشان ما تتوسخش وعلبة فيها بقيت الزيت وكان في كياس فيها أكل ما اتلمستش وازازة مية ][/QUOTE]

الف مبروك وربنا يبارك لك فيها.
- متنساش نحتفظ بالأكياس عشان الصيانات الجايه.

[(بقولو تخليقي بيقولي ايوة الزيوت عبارة عن خلطة)][/QUOTE]

- ومتنساش كمان تاخد جيركن الزيت الباقى معاك الصيانه الجايه عشان يظبطولك منه الخلطه.
ربنا يباركلك فيها ويكفيك شرها وتسير بها فى الخير دائما.

الحمد لله وصلنا الساعة عشرة الصبح والمهندس سألنا اذا كان في أي مشاكل قولناللو لا مافيش وسألنا عن نوع الزيت اللي عاوزينوا وادانا كارتين (لي وللوالد) علشان نجيب بيهم مشروبات في الاستراحة

وبعد تلات تربع ساهعة ندهوا علينا و دفعنا 110 واستلمت العربية

يا ترى 110 ج دول ثمن الزيت و للا اية ؟؟ و اية نوعة و بيستمر كام كم ؟

الحمدلله تمت النهاردة صيانة ال 1000 كيلو على خير بدأت من لحظة دخولى الساعة 9صباحا واستلم منى المهندس العربية وقالى اية المشاكل قولتلة الانذار فية واحد بيعلق ,, والفرامل ساعات اما بدوسها بضغطة معينة بسمع صوت تخبيط ,, وفرامل اليد مبتمسكش الا على اعلى تكة بس ,,, والدبرياج نقطة الفصل بتاعتة عالية جدا ,, والحمدلله تم تسليم العربية وقالى لو فية فلوس اومتعلقات شخصية شيلها معاك و حطوا ع الكراسى اكياس علشان متتوسخش وع الدركسيون برضة وتم تحديد الميعاد المتوقع الساعة12.30 المهم قلبى كان واكلنى ع العبية بقيت طالع نازل واتفرج عليهم من فوق لحد مافية ميكانيكى تبعهم جاب العربية وحط الزيت وجة يغسل الموتور والحوض طلسقها وشايفة من فوق قولت اما انزلة ,,,, ندهوا اسمى وحت اددفع فى الخزينة مبلغ 104جنية تمن زيت شل 5000 وتمن فلتر الزيت المهم نزلت بقى استلم العربية لقيت كلة اتعمل وبفتح الكبوت وعينكم ماتشوف الا النورر لقيت التراب فى كل ناحية ولا كأنة اتغسل روحت نادة على الميكانيكى اللى عملها قولتله تعالى دية اتغسلت المهم قالى انا غسلها قولتله اه بس مش بذمة زى الميكانيكيين اللى جنبك مطلعين العربيات مية مية من هنا لهنا قالى هو دة اللى بيتعمل وانا كدا عاملها كويس وبيستعمينى لو عايز فية فوم للتنظيف وبتحاسب عليه روحت بقا معلى صوتى ودة المفروض شغلك وانا مقولتلكش تعمل فوم بس اعملها كويس بذمة شوية شوف العربيات اللى خارجة من تحت ايد زمايلك عاملة ازاى المهم قالى معرفش كلم المدير قولتله ماشى رحنا كلمنا المدير بتاع الصالة تحت اسمة مارك بالأمانة قمه الذوق قالى انا هعملهالك مش هينفع اخليك تمشى وانت زعلان وقعد يحلف المهم فية ميكانيكى كدا زوق هناك قالى انا هعملهالك فوم ,, بقى هو والمهندس مارك شغالين فى العربية بالأمانة قمة الذوق والله قعدت احلف عليه خلاص انى ممكن اعملها عندى فى الجراج وهو يحلف لا لحد ماعملها فوم ,, بس ومشيت بيها لقيت فعلا العيوب دية كلها راحت واتعالجت ولله الحمد ,, هو دة انطباعى عن مركز قليوب مركز مية مية بوجة عام والناس هناك ذوق بصراحة ( بغض النظر عن الميكانيكى اللى شديت معاه دة )

بالأمانة الانطباع العام ((( مبسوط جدا ))) بعد ماكنت ( مرعوب ) من اللى كنت بسمعة عن مراكز صيانة غبور

مبروك صيانة 1000
وغبور مش وحش اوى وفية توكيلات اسوء منوا بكتيير
والية بيخلية صورتة وحشة عامل او ميكانيكى ماعندهومش ضمير فى شغلهم

الله يبارك فيك يا استاذ بسام ,, فعلا الناس بتحكم على التوكيل انو وحش علشان عامل جاهل بيسوء سمعة المركز ياجماعة الامريكان بيقولوا Look To The Bright-side :d فى اى حتة فية حلو ووحش مفيش وحش بس او حلو بس

يا ترى 110 ج دول ثمن الزيت و للا اية ؟؟ و اية نوعة و بيستمر كام كم ؟

25.50 جنيه تمن فلتر
79 زيت shell helix supper والمفروض بيقعد خمس تلاف كيلو على حسب كلام المهندس بس أنا ناوي ان شاء الله المرة الجاية أجيب زيت شيل ألترا الي بيقعد 10 آلاف