الموضوع: رانجلر.... بس تيربو ديزل....

المشاركة الأصلية كتبت بواسطة m_a_gamal

مينا باشا الله ينور على الشغل الجامد، العربيات ال 4x4 ما تتركبش غير ديزل.
,أنا كان عندي كام سؤال كده، ليا واحد صاحبي معاه فرونتيرا موتورها فيه مشاكل وكان نفسه يحولها ديزل، فكان عايز يعرف ممكن يلاقي الموتور الايسوزو التربو ديزل بالفتايس عادة وغرز فين؟
وهل الموتور ده يركب عنده عل طول من غير ما يحتاج تعديل في الشاسيه؟

الفرونتيرا يتسقطلها مكنة ايسوزو nkr زي اللي عندي بالظبط في الرانجلر... لأن ديه مكنتها الأصلية الديزل...
مش محتاج تعديل في الشاسيه ولا حاجة... بس هتحتاج تغير العدادات (سرعة - تانك - حرارة - rpm -) بعدادات ديزل عشان تقرأ صح....

و الموتور اللي بقولك عليه موجود عند تجار الاستيراد.... فيه من أول جسر البحر في شبرا... و في باسوس... و المنوفية.... و الزقازيق..... من الاخر في كل مكان....

بس طبعا بتختلف درجات الجودة و السعر و كل حاجة....

كمان المهم اللي هيسقطلك الموتور يكون واحد بيفهم... عشان ميخربلكش الدنيا و يخسرك فلوسك.....

لو عايز تفاصيل أكتر ابعتلي عالخاص أسيبلك نمرتي و أدلك تعمل ايه بالظبط.....

و بالتوفيق في كل الحالات :)

كل عام و أنت بخير.....

المشاركة الأصلية كتبت بواسطة alex_lover_44

يا تري الموتور ده يشتغل جر رباعي والا خلفي بس وبالنسبه للعزم والجر حيشتغل كويس مع وزن الرانجلر والالات الجر لو الموتور اللي كان راكب فيها الاصلي حيحتاج يتغير ايه وتسقيط الموتور ده حيحتاج لحامات وتخريم في الشاسيه والا ابسط من كده واستهلاكه ايه في البنزين بالنسبه للصفيحه
وايضا في حاجه كنت عاوز اعرف الموتور بتاع لرانجلر ال 97 ال 2500 استهلاكه ايه وهل ينفع ياخد بنزين 80 ولو مينفعش ل اي سبب ممكن اعرف الموتور الاصلي لحد سنه كام يقبل بنزين 80بالنسبه لل4 سلندر

الموتور البنزين اللي قلت عليه دا يشتغل خلفي... هيبقا ضعيف أوي عالجر الرباعي....
و ال2500 تعبان جدا في الرانجلر.... دا غير ان حاجته غالية....

ال6 سلندر مفيش أحسن منه... بس عيبه البنزين....
عشان كدا أنا جبت من الاخر و كتبت الموضوع دا... اللي فيه أفضل و أنسب موتور ممكن يركب و تكون العربية دفع رباعي....

المشاركة الأصلية كتبت بواسطة alex_lover_44

طيب موتور الرانجلر 2500 يشتغل بنزين 90 واستهلاكه يبقي ايه وبرضو موتور الرانجلر ال 6 سلندر لو ركبنا له غاز هل بيبقي برضو مفجوع غاز والا بيبقي حنين ولو غاز هل بتكون اعطاله كبيره ونفس العزم اصلي ليا سكه في تركيب الاسطوانه تقريبا ببلاش لان واحد صحبي ممكن يركبها بخصم كبير علشان شغال في الشركه ومش حيبقي مكلف بالنسبه لي خالص ------- وهل لو شربناه بنزين 80 حيكح ويعطل وملوش اي تعديل يا باشا بما انك خبير الجيب في المنتدي



وانا بضم صوتي بقي للاخ عاطف وعاوز اشوف التجربه دي مصوره وحنتعب حضرتك وليك براءه الاختراع يعني عاوزين صوره للموتور نشوفه قاعد ازاي وشكله ايه والعافشه والبيضات وهي ركبه لما نلف الطاره ل اخرها يمين او شمال هي بتبقي شكل لفه العجل مش طبيعي في شكلها والا عامله ازاي ونشوف العربيه من بره ومن جوه
وبالنسبه للمواتير الديزل مفيش حاجه حنينه وبفتيسين ومش مهم التربو

وبالنسبه لحساب الضريبه بتاعه ال فوق ال 2000 سي سي هل بتتحدد بناءا علي عمر العربيه والا علي موديل الموتور
واشكرك يا باشا بس عاوز استفاد من موسوعه الجيب في مصر اللي هي متمثله في حضرتك

أولا أنا متشكر جدا لذوقك... الكلام دا كبير عليا.... :)

بالنسبة للغاز... أنا مش بشجع موضوع ده خالص :(
فيه مواتير نازلة غاز أصلا من برة..... و ديه هي الحاجة المظبوطة... غير كدا اللي بيتعمل هنا عك.... و حتى لو شغال كويس.... عمره ما هيكون بنفس قوة البنزين...

في النهاية... حسب استخدامك.... لو مجرد عايز عربية كبيرة تروح و تيجي مشاوير... ركب غاز... لكن كقوة و عزم و سرعة و كدا.... متقارنش....

بالنسبة للصور... أنا صورتها من برة.... و ممكن اخد صورتين للموتور... الموضوع بسيط....
و مفيش براءة اختراع ولا حاجة.... :) الموضوع دا بيتعمل من قديم الأزل.... انا مش أول واحد أعمله....

و كمان اللي يحب ييجي يشوف العربية يبعتلي عالخاص و يشرفني أوريهاله بالتفاصيل كلها....

أنا بقترح نعمل مقابلة لقسم الجيب ... سواء ملاكها أو المهتمين بيها..... و نتقابل كلنا نناقش المواضيع ديه كلها..... و اللي عايز يسأل عن حاجة... يكون الشرح عالطبيعة..... مين موافق؟؟