بخصوص شراء sir نصين

**محمد-علام** · 13-08-2011 02:49 AM

السلام عليكم أهل المنتدى الكريم
انا كنت بإذن الله كنت ناوي أجيب sir
بس مش عارف اجيبها مكنه وانزلها في عربية ....ولا اجيبها اورجينال نصين من بورسعيد والحمها عند واحد صايع جدا ومش حتفرق كتير عن لحام الخواجة وانا واثق من كده إن شاء الله........
المهم مش من اللي حيلحم أو حيشتغل فيها ...المهم أنهي أحسن كتكلفة وفلوس.... نصين ولا مكنة في عربية
أرجو الإفادة لو سمحتم علشان ده موضوع مصيري جدا ....علشان كده ياريت المعلومة تبقى كاملة علشان أقدر استوعب الموضوع وأقرر ايه اللي حيتعمل

وشكرا ليكم ولتعاونكم معايا

**Ghost2** · 13-08-2011 10:00 AM

هات si وبعد كده يا سيدي حط الموتور اللي انت عايزة .. انما حكاية نصين دي .. منصحكش خالص

**SAMEH_FOUAD** · 13-08-2011 02:40 PM

زى ماقالوا الاخوة الاعضاء نصيت دية مكلفة جدا

هات واحدة لائما متسقطة جاهزة او عربية ماتورها فية مشكلة وسقطلها انت الماتور اللى انت عايزة

والتكلفة فى كلتا الاحوال لن تتعدى ال55 الف جنية

**محمد-علام** · 13-08-2011 03:18 PM

----

**محمد-علام** · 13-08-2011 03:20 PM

المشاركة الأصلية كتبت بواسطة sanhory

مبدئيا حكاية النصين دي لازم يكون عندك عربية اختها في مصر اقصد نفس الموديل مش شرط الفئة عشان تاخد منها رقم الشاسيه و تحطه عالنصين , امال انت حتعمل ورقها ازاي يبقى دي كتكلفة حتكلفك التالي
- تمن النصين
-تمن نقل النصين للمكان اللي امن عايزه
-اي عربية نفس الشكل تكون ليها ورق هنا في مصر عشان تاخد منها رقم الشاسيه (دي بفلوس مش اقل مثلا من 25 الف لو بتشتري عربية عاملة حادثة و حتاخد بس رقم الشاسيه وورقها)
-تكلفة اللحام والرش و الذى منه و تظبيت رقم الشاسيه
-اكيد في شوية رفايع لازم تظهر و تتعمل

لو جيت تبعها مش شرط تعرف تجيب اللي صرفته و ممكن تخسر جامد

انا شايف انها قصص مالهاش اي لازمه انك تركب عربية نصين في حين انك ممكن تجيب واحده نضيفة و المكنة تكون تعبانة و تزل في سعرها و تسقط اللي انت عايزه

ربنا يخليك يا عم سنهوري ...برضه من الناس التقيلة اللي بشوف ردودها وبفرح جدا لما كل الهونداوية يبقى لسانهم واحد ...مفيش حد بيقول كلام غير التاني ...لتاني مرة بكرر شكري ليك يا سنهوري

**محمد-علام** · 13-08-2011 03:21 PM

المشاركة الأصلية كتبت بواسطة ghost2

هات si وبعد كده يا سيدي حط الموتور اللي انت عايزة .. انما حكاية نصين دي .. منصحكش خالص

شكرا ليك ...ومتشكر على النصيحة ...بس سؤال صغير ...العربية عاملة معاك ايه ...ومصاريفها ظريفة ولا بتعوار ؟؟؟؟

**HotRide** · 13-08-2011 04:25 PM

او ممكن تجيب سيفيك كنبه بايظه خالص بس تكون فبريكه جوه و شاسيه مظبوط...وتجيب نصين و تفضي نصين فيها

انا كان قدامي سيفيك 93 موصفلكش شكلها كان مقرف ازاي كل حاجه بايطه كان بيكلم في 20 الف بس بجد تابلو مكسر مفهاش فونيس ورا و المريات مكسره و فرش مقتع كل حوار انه سافر سبها جيه لقاها كده

و في من ده بس دور و فضي نصين فيها بتباو و كلو و تكلفه هتبقي في حدود 50 الف

**Ghost2** · 13-08-2011 06:44 PM

لا و الله العربية كويسة جدا ومريحاني ومش زعلان منها تماما

الموضوع: بخصوص شراء sir نصين

LinkBack

أدوات الموضوع

عرض

-

-

-

المواضيع المتشابهه

عايز اسأل عن سعر نصين e30 m3

مطلوب نصين bmw m40

M3 نصين

كم سعر Bmw E92 M3 Cabrio (نصين) ؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة