كم سعر Bmw E92 M3 Cabrio (نصين) ؟؟؟؟

**A7medHeaders** · 15-08-2010 10:40 PM

السلام عليكم ورحمة الله وبركاته

كنت عايز أسأل عن سعر Bmw E92 M3 Cabrio (نصين) لواحد صاحبي ؟؟؟؟؟
وكم سيتطلب لحام النصين وفين أحسن واحد بيعمل كده؟؟؟
وشكرا جزيلا,,,

**mummy_47** · 18-08-2010 11:59 AM

انا مستغرب من حاجة..هو مش المتعارف عليه ان العربية النصين بتبقى معيوية ومحدش يبصلها خالص...وعند البيع مفيش سعر ليها....برجاء التوضيح

**hatchy** · 18-08-2010 12:54 PM

المشاركة الأصلية كتبت بواسطة mummy_47

انا مستغرب من حاجة..هو مش المتعارف عليه ان العربية النصين بتبقى معيوية ومحدش يبصلها خالص...وعند البيع مفيش سعر ليها....برجاء التوضيح

فى ناس كتيير يهمها تركب عن انها ترخص عربية وناس كتييير بتعمل كدة
بيجيبوا عربيات استيراد متقطعة ويجمعوها ويوقفوها وبتقف عليهم تقريبا ببلاش
يعنى مثلا الانسر تقف من 20 : 25 الف فى حين سعرها السوقى 50
والسويفت من 9 : 12 الف فى حين سعرها السوقى 30
والبى ام 30 : 35 فى حين سعرها السوقى 60 و 70
وبتكون راكب عربية وهم باقل الاسعار
انا كنت اعرف واحد وقف سويفت 1300 موديل 94 كاملة اوتوماتيك بتكييف وباور على 12 الف وركبها وهلكها من غير ورق ولا دياولو بس جوة البلد بس من غير سفر
ولما سقلتوا لية قالى ان احتياجة لعربية جوة البلد بس وعندة عربية تانية للسفر فبدل ما يجيب 128 موديل 77 ب15 الف
جاب سويفت كاملة اوتو ب12
ولما حب يبعها خسر 2500 ولقى اللى يشتريها انشالا يعملها قطع غيار

**hatchy** · 18-08-2010 01:09 PM

المشاركة الأصلية كتبت بواسطة A7medHeaders

السلام عليكم ورحمة الله وبركاته

كنت عايز أسأل عن سعر Bmw E92 M3 Cabrio (نصين) لواحد صاحبي ؟؟؟؟؟
وكم سيتطلب لحام النصين وفين أحسن واحد بيعمل كده؟؟؟
وشكرا جزيلا,,,

السعر تقريبا 30 : 35 كاملة بالماتور والعفشة بس من غير كراسى
بس نصييين
واللحام ويوقفها تقريبا 1500 او 2000 لو الصنيعى رهييييييييب
بس تعملها فيييييين معرفش

**Adham** · 18-08-2010 01:30 PM

المشاركة الأصلية كتبت بواسطة hatchy

من غير ورق ولا دياولو بس جوة البلد بس من غير سفر

ولو وقف في لجنة حايعمل اية ؟؟؟

المشاركة الأصلية كتبت بواسطة hatchy

السعر تقريبا 30 : 35 كاملة بالماتور والعفشة بس من غير كراسى
بس نصييين
واللحام ويوقفها تقريبا 1500 او 2000 لو الصنيعى رهييييييييب
بس تعملها فيييييين معرفش

ماعتقدش ان M3 convertable حاتبقى بالسعر دة اعتقد ممكن اكتر

دة غير انها من غير كراسي و لا زجاج و لا كاوتش و لا بطارية (علشان الحاجات دي ممنوع انها تيجي في عربية متقطعه استيراد) و اسمع ان العربيات دي بتتجمع في الشرقية

بس تتكلف اكتر من ال 2000 علشان شرا سكوت السمكري (ثلاثة ارباعهم مرشدين اصلا و دي قضية مش عربية) ولأنها مش بس لحام نصين و لكن حايبقى فيها ردود سمكرة تانية من الشحن و النقل جنية دة غير تمن الدهان و الكراسي و الكاوتش و الزجاج و البطارية و اي نواقص تانية

ولو حاتتنقل على شاسية عربية بي ام تانية علشان يبقى لها ورق ضيف تمن العربية التانية اللي حاتشتريها و لو كهنة او حادثة جامده
و لازم واسطة جامدة موت و رشوة بنت تيييييييييت علشان تتثبت العربية دي على رقم الشاسية التاني

**A7medHeaders** · 18-08-2010 03:44 PM

المشاركة الأصلية كتبت بواسطة hatchy

السعر تقريبا 30 : 35 كاملة بالماتور والعفشة بس من غير كراسى
بس نصييين
واللحام ويوقفها تقريبا 1500 او 2000 لو الصنيعى رهييييييييب
بس تعملها فيييييين معرفش

:n_no[1]::n_no[1]::n_no[1]:

حضرتك انا بأتكلم عن الـe92 مش الـe36 يعني شكل 2008 مش شكل التسعينات..وشكرا علي الرد,,,,

**bob12345** · 18-08-2010 03:48 PM

يا رجالة الراجل بيقول e 92 الي هي دي [IMG]file:///C:/DOCUME%7E1/ADMINI%7E1/LOCALS%7E1/Temp/moz-screenshot.png[/IMG]

دي سعرها ملاكي حوالي 2 مليون هيبقي سعرها نصين 30 ل 35 الف ازاي يعني

**hatchy** · 18-08-2010 04:27 PM

المشاركة الأصلية كتبت بواسطة bob12345

يا رجالة الراجل بيقول e 92 الي هي دي [img]file:///c:/docume%7e1/admini%7e1/locals%7e1/temp/moz-screenshot.png[/img]

دي سعرها ملاكي حوالي 2 مليون هيبقي سعرها نصين 30 ل 35 الف ازاي يعني

هى بتيجة من برة قطع غيار مش عربية كاملة يعنى ببلاش تقريبا لما تقارنها بعربية ملاكى
وعلى العموم اسال عند اى حد بتاع استيراد وهتلاقى عندة منها بالعبل ويتمنى ان اى حاجة تطلع من عندة

**Adham** · 18-08-2010 04:41 PM

انت شكلك بتكلم على دبانة بسقف عادية

**TheBuccaneer** · 18-08-2010 05:39 PM

سعر البى إم دبليو ال e36 ال إم ثرى النصفين تقريبا 40000 جنيه, وال e46 smg بحوالى 60000 الى 70000 جنيه! طبعا السعر مش هيكون 30000 الى 35000 جنيه! لأن هذا فقط ثمن محرك إم ثرى بفتيسه + عفشه إم ثرى لل e36 يعنى مش السيارة كامله! السعر تقريبا هيعدى ال 100000 جنيه لكن تحديدا كسعر مش متأكد منه بالرقم الدقيق, ثانيا إن ممكن تدخل على الأنترنت وتعمل بحث بيكون فيه سيارات للبيع من هذا النوع شوف السيارة هتتكلف كام و عشان تقطعها هتتكلف كام, و ترجع تدفع عليها جمارك و ترجع تلحمها يعنى مصاريف بالهبل! مش أقل مثلا من 250000 جنيه

فى شىء مهم تانى مش بهذه السهول هتقدر ترخص السيارة لأن رقم الشاسيه عند الأستعلام عنه هيتضح إن السيارة نصفين و بالتالى تصبح وسيه غير امنه و قد تسبب كارثه إذا لا قدر الله اللحام فصل فبالتالى مش هتترخص بسهوله يعنى لازم يكون لك معرفه جامده جدا! لأن انا سألت وقيل لى هذا الكلام! والله ورسوله اعلى و أعلم

انت عالعموم اسأل ممكن تنزل بورسعيد و تسأل هناك