الموضوع: اول عائد من افطار المنتدى ويوم لا ينسى

المشاركة الأصلية كتبت بواسطة ahmed.tv

بصراحة كان يوم اكثر من رائع كعادة مقابلات بيتنا التانى نايل موتورز
فعلا الواحد بيفتخر انه منتسب للموقع الاخوى الجميل ده .. اللى بصراحة فعلا وحقيقة بقا ليه اخوة فى الله غاليين على قلبى منه .. ويارب تدوم المحبة وتزيد بينا دايما

كل الاعضاء والاخوة والاخوات كانوا منورنا .. وكان يوم رائع جداااا .. وسمحونى ان مشيت بعد العشاء لانى كنت مرتبط بمشوار عائلى مهم جداااا

كل التحية والتقدير لكل الامهات اللى كانوا منورنا فى اليوم ده ..

والدة شنورى .. حبيبة قلبى .. اللى فعل مش ام لمحمد وبس دى ام لينا كلنا .. وطيبة الدنيا فيها ربنا يخلهاله ويحفظهلنا ويعطيها طولة العمر يارب

وطبعا والدة حسين اللى جت بعد الفطار وكانت منورانا .. وربنا يخلهاله ويخلهالنا يارب .. انسانة فى منتهى الطيبة الكبيرةةةةةةةةة جدا .. وفعلا اللى يشوفها ويقعد معاها ميشبعش من قعدتها ابداااااا

ووالدة دونزى كان نفسى اسلم عليها بس معرفتش الا بعد ما مشيت انها كانت موجودة .. وطبعا مش مسامح نفسى .. لان كان نفسى اسلم عليها لانى سمعت عليها خير الكلام والصفات بجد .. وربنا يخلهالك يا دونزى .. وياريت دايما تجبيها معاكى .. ومستنينها تكون منورانا فى مقابلة من مقابلات نيسان باذن الله

وشكر كبير وخاص وحار الى والدة كريم منير .. اللى بنتعبها معانا دايما .. ودايما بندوق من ايدها كل مالذ وطاب .. تعبينك معانا .. وسلام كبير جدا يا كريم للحاجة واتمنى انك توصله .. وربنا يخلهالك يارب

وطبعا شكر كبير الى صاحب التقدير والذوق الكبير وصاحب اكبر شخصية انسانية فى المنتدى كله .. كريم منير
شكرا على حاجات كتير .. شكرا على الموقع الرائع ده اللى جمع تحت سقفه كل الاعضاء المحترمة اللى عندنا واللى بقينا اخوة فى الله وخالانا جروب كبير وجروب فعلا كله وود وعلاقات انسانية بينا ..
فا لا تقولى فيس بوك ولا منتديات اخرى او مواقع اخرى مفيش غير موقعنا نايل موتورز ..
بامانة شكرا يا كريم على الموقع الجميل ده وعلى دعمك الكبير ليه اللى بياخد منك وقت ومجهود معنوى ومادى كبير جدا

وشكرا على تقديرك الغالى وتكريمك االلى بعتبره وسام على صدرى .. وتقديرك غالى عندى جدا يا كريم .. ويارب نقدر نرد جميل من جمايلك علينا ..

ومعاك دايما يا زعيم الى اخر المشوار .. بكل قوة وطاقة فينا

تحياتى اخوكم فى الله
احمد مصطفى

+1111111111111111111111111111111
حبيبي حبيبي .... ايه الكلاااااااام الكبير اوووووي ده
"كلام يشرح القلب القتيل والله ..... وله معااااني عظيمة و مفردات مرتبة" .... قول مأثور (أ/رمضان مبروك ابو العلمين حمودة _مدرس اول لغة عربية) :))
وتسلم يا بو حميد علي الكلام الطيب ..... ده انت بس علشان قلبك طيب وابن حلااااااال مصفي _احسبك علي خير ولا ازكيك علي الله_ انا ارشحك لمنسق عاااااااام نايل موتورز والقرار هايكون علي مكتبك امبارح الصبح :))
وماشاء الله المهمهات طلعوا كتير ...... انا مكنتش اعرف انهم موجودين الا من الموضوع هنا
وياريت لو كانوا قعدوا مع بعض .... وعملوا الدايرة الأم :))
بس المشكلة الوقت اتأخر بسرعه ومرة واحده هببببببب.... بقيت الساعه 10
ملحوووووجة ان شاء الله ... في اقرب مقابلة ... بس المهمهات هما اللي يعملوا الغدا .... كفاية بقي لغاية كده :))))))

المشاركة الأصلية كتبت بواسطة sharky

هو ليه كريم كان لابس تى شيرت ابيض قبل الفطار و ازرق بعد الفطار ؟؟؟
و برضه شنورى ليه كان لابس ابيض برده قبل الفطار و قلب بعد كده رمادى :)

انا لقيت كريم دخل العربية ولا بس التيشرت الابيض ... وطالع من الشنطة بالتيشرت الازرق :))
وشنوري برضه ....... ممكن يكونوا بيدوا علي فسفوري بليل ولا فيها صاعق بتقتل الحشرات الطائرة والزااحفة :)))))

المشاركة الأصلية كتبت بواسطة fbiahmed

بجد كان فطار تحفه و المكان حلو اوي بس ناقصه حجرين شيشه خوخ اصلي في الهواء الحلو ده بعد الفطار بس بجد التنظيم كان اكتر من ممتاز شكرا استاذ كريم على كل حاجه و عاوز اعرف بس ليه متعملوش قسم للتمر هندي في المنتدى تعلمونا فيه سر الخلطه بجد كان جامد و كمان مفيهوش سكر يبقى اختراع وبشكر كمان الاستاذ احمد مصطفى الي كان وراه مشاغل خاصه و مشاوير مهمه جدا و جه اليوم ده و وليد باشا و حسين به و كل الصقور الي قابلتهم في اليوم الجميل ده

ابو حميد ... ابو حميييد ... ابة حمييييييييييد
ويل ويل ويل ..... الحمد لله اني شوفتك في الحقيقة قبل ما اموووت
انت مالكش علاقة بمشاركاتك خالص يابني ... انت بس قبل ما تقعد علي المنتدي غير التيشرت بتاع الصني ده هههههههه واقعد علي طبيعتك كده .... وربنا يباركلك في عربيتك وتتمتع بيها.
وخف شويه من شيشة الخوخ ديه ... مفيش حاجة مضمونة دلوقتي كلها هرمونااااات ههههههههه :))
وأحب اهدي اخر جملة ديه لحبايبي وألد اصدقائي الصقور الحاضر منهم (وليد وبســـــام) واتكوا علي السيـــن وقاعدتهم جميييييلة اووي و الصقور اللي مجوش ... وان شاء الله نشوفهم في اقرب وقت بأمر الله
اقعدووووا بالعافية :))