أنا حجزت بوما 2011

**the_pharmacist** · 10-09-2011 12:41 AM

المشاركة الأصلية كتبت بواسطة braveheart911

بالنسبه لصاحب الموضوع الف مبروك على العربيه
وعلى فكره البوما من العربيات الكويسه جدا وده عن تجربه سنه ونص
وربنا يديك خيرها ويكفيك شرها باذن الله

الله يبارك في معاليك يا باشا و فعلا الحمد لله إني جبت اللانسر و مجبتش السيراتو

**the_pharmacist** · 10-09-2011 12:42 AM

المشاركة الأصلية كتبت بواسطة medociv

ربنا يباركلك فيها مقدما
باذن الله قرار لن تندم عليه الياباني بصراحة حاجة تانية غير الكوري خالص

الله يكرمك يا باشا .. فعلا ركوبة الياباني حاجة تانية خالص

**the_pharmacist** · 10-09-2011 12:44 AM

المشاركة الأصلية كتبت بواسطة angel_wolf

ربنا يدديك خرها ويكفيك شرها
عربية بجد محترمة

يا رب يا برنس .. فعلا أنسب عربية لمصر و ليا

**the_pharmacist** · 10-09-2011 12:46 AM

المشاركة الأصلية كتبت بواسطة ahmedzag1

شوف يا باشا انا معايا لانسر 2010 كلاسيك ومن اول مجبتها معملتش فيها اي اضافات هحاول اقول كل المميزات وكل العيوب
المميزات: 1- من احسن العربيات في الارتفاع عن الارض وعمري محكيت في اي مطب
2-عفشة رائعة
3-ثبات رائع
4-اعتمادية عالية (طبعا عشان ياباني)
العيوب: السحب مش قوي بالذات في الفتيس الجديد- البوية ضعيفة جدا (بلاش تغسلها كتير)- الشكل محفوظ وقديم -التكييف مش قوي

تسلم على الرد يا كبير .. زي ما حضرتك قولت بالظبط العيوب و المزايا
بس التكييف بتاعها فرييييييييييييييييييييييز ر بدون مبالغة

**the_pharmacist** · 10-09-2011 12:51 AM

المشاركة الأصلية كتبت بواسطة bassem_sams

1- الف مبروك على عربيه جديده
2- انا معايا بومه 2009 1600 سىسى مش بتحك و فرامل ب abs اداؤها مرضى جدا بنسبه 95%
3-مميزات بومه:عربيه صالونها حلو مش ضيق ناس معتدله طول هتقعد مرتاحه-عربيه يابانى 100%-اداءه مرضى على طريق من حيث ثبات و تجميع-جوده تقفيل وخامات جيده هتحس بفخامه لو بتحافظ عليها-متوافر عوامل امان و اعتماديه و عفشه جيده عربيه مفهاش مشاكل خالص محترمه و هتحبها
4-عيوبها:مقابلتنيش عيوب فنيه او فى كهرباء او ميكانيكا جوهريه لحد الأن-لكن شكلها خارجى حلو بس اتحفظ-كماليات فى سيراتو اعلى بكتير- احيانا يتحس انها خفيفه لو طريق متكسر بس ثبات حلو لحد 140 انا مبجبش اكتر من كده عتدى مش بحب سرعه زياده-بالنسبه لصاج حلو بس خفيف شويه فى حته جنب شنطه و معظم عربيات جديده صاج مش تقيل زى زمان-سعر غالى على كمالياتها
سيراتو:
1-عربيه كورى جميله و انتشرت
2-مميزاتها:سعرها حلو جدا كامله ب 132 على ما اتذكر حلو على شكلها خارجى و كمالياتها كتيرة لا تحصى كماليات متلأقهاش الا فى فئات عاليه مثل باسات فتيس ست سرعات و مرايات ضم و بلوتوثو كامريا خلفيه و حساس ركن و غيره - خاماتها مقبوله ولو هاى لاين بيبقى جلد فهتبقى خاماتها احلى
3-عيوبها : هى مع صاحبى و ركبتها و سوقتها كتير جدا هفهاش غير عفشه خشنه وراء يعنى لو حد قعد فى كنبه و طريق مش حلو هيقعد يطنط شويه فيحس ببطنه و ده فى حاله جنط 17 هو مركب 15 و حاطط نيتروجين عربيه عاديه ومفهاش تنطيط
اتوكل على الله و اعمل استخارة و لو فى اى استفسار اسأل و احنا هنا مش هنبخل عنك و لو احتجت رقمى قولى ابعتهولك و اجاوبك على اى شىء فى لانسر بومه انا معايا مانيوال او سيراتو

ربنا يخليك و يكرمك يا باشا على الاهتمام بالموضوع و على الرد الرائع و فعلا كلامك صخ عن العربية بس اللانسر طلعت عربية وهم .. و إن شاء الله عيكون في تواصل بيني و بينك

**prisoner** · 10-09-2011 11:13 AM

المشاركة الأصلية كتبت بواسطة the_pharmacist

ألف شكر يا زعيم على ردك .. الفرامل أكثر من رائعة بس العربية خفيفة شوية مش ملحوظين .. و ميرسي على الدعوات الجامدة دي هههههههه

على ايه ياباش الف مبروك على العربية وربنا يكفيك شرها ويديلك خيرها وعلشان تحافظ على الفرامل تبقى كويسة طبعا الصيانات اهم حاجة فى الاول ولو لاحظت اى تغيير فى الاداء متسكتش على طول تتابع علشان تحافظ عليها وموضوع خفيفة انت ممكن تجنط بس على ما اعتقد هاتخرج برة الضمان يبقى استنى شوية وبعد كده تجنط وربنا يستر طريقك

**mosa_mody** · 10-09-2011 02:01 PM

السلام عليكم ربنا يعطيك خيرها ويكفيك شرها وممكن تقلنا اشترتها بكام وجدول الصيانات وشكرا

**bakkarahmed** · 10-09-2011 02:57 PM

الف مبروك وربنا يباركلك فيها ويكفيك شرها..
البومه عربيه محترمه جدا واعتماديه ومطلوبه في السوق وسعرها ماسك نفسه( اكيد مش من فراغ)..
عيب البوما الجديده ان الفتيس بتاعها بيخلي صوت الموتور عالي نسبيا بالمقارنع بالفتيس القديم (عن تجربه) ..وان ان مابحبش شكل العدادات الجديده علشان اضائتها مش شيك بالليل(مسأله ازواق شخصيه) فيما عدا ذالك عربيه محترمه جدا جدا جدا وكلمه ياباني تساوي كتير فبلاش تندم علي حاجه محترمه..
السيراتو برده عربيه كويسه بس الناس في مصر لما بتدفع فلوس بتبقي عايزه عربيه فيها كل حاجه متكامله انما الكمال لله وحده والكلام ده عمرك ما هاتلاقيه في عربيه واحده والا ما كانش حد اختار