كلنا شفنا ما يحدث في الصومال

الناس والأطفال وحتى الحيوانات يموتون من العطش والجوع

أعتقد أن أيادينا يجب أن تسبق أيادي غيرنا لنجدتهم


أنا فاتح الموضوع ده علشان كل واحد يقدر يقدم معلومة عن الجهات اللي بتساعدهم من مصر والعالم العربي

بحيث يكتب اسم الجهة ورأيه فيها وكيفية الإتصال بها وطريقة توصيل التبرعات لها في داخل مصر وخارجها




وكمان هل فيه طريقة للذهاب للصومال ؟؟؟؟




بالنسبة لي أنا خارج مصر ومش عاوز أتبرع هنا لأن المصارييف هنا كبيرة وممكن تتصرف مبالغ كبيرة علبال ما التبرعات توصل

وعلشان كده منتظر حد يبعتلي طريقة لجهات في مصر لأن أغلب اللي بيعملوا في الجمعيات في مصر مش بيتقاضوا أجر على ذلك

أيام البوسنة كانت فيه لجنة الإغاثة الإسلامية - او الإنسانية - ودي كانت تابعة للنقابات


ولو حد عنده فكره عاوز يوصلها للجهات الخيرية اللي بتعمل في إنقاذ أهلنا في الصومال ممكن يكتبها وإن شاء الله حد يقرأ الموضوع ويوصلها لهم

أنا عندي فكرة بأتمنى توصل للعاملين على الإنقاذ وهي إننا نوصلهم تمور ( بلح مجفف أو محفوظ ) - ويا ريت يكون منزوع النوى - لأن التمر فيه غذاء كامل يستطيع أن يعيش عليه الإنسان فترة كبيرة من الزمن لحين ما تتفك أزمته - وفيه سعرات حرارية عالية
والأهم من ده إن سعره رخيص جدا بالمقارنة بالمواد الغذائية المصنعة

منتظر مشاركة بتعليق من كل واحد يقرأ الموضوع علشان يظل الموضوع نشط وتصل الرسالة للجميع