فعلا توكيل عز العرب سىء جدا انا لما جيت استلم من توكيل اسكندرية دفعونى 100 جنيه زيادة ( رسوم استعجال التسليم ) و بعتوا واحد يرخص لى العربية فى المرور اشتغلنى فى 100 جنيه تانية
لما رحت اعمل صيانة الالف فى توكيل اسكندرية و بعد ما خرجت من التوكيل لقيت نص كهربة العربية ضربت الظاهر كانو بيغسلوا العربية و دخلو ميه فى علبة الفيوزات او لمسو سلوك مش عارف
بصراحة بعد ما اتعاملت مع التوكيل فى اسكندرية ندمت انى اشتريت بروتون مع انى باعشق الجين 2 و قبل ما اجرب اتعامل مع التوكيل كنت حابب العربية جدا جدا و فى منتهى الرضاء عنها بس دلوقتى مرعوب يحصل فيها اى حاجة و اتضطر اروح التوكيل يخربوها
فى مشكلة تانية ان التوكبل عنده نقص فى قطع الغيار الاساسية زى بلية الشداد و بلية الكاتينة و المساعدين و الترموستات و حاجات تانية كتير لدرجة ان فيه 500 من ملاك بروتون عملو جروب على الفيس بوك اسمه معا ضد عز العرب
الرد ده انا كتبته و عارف ان فيه ناس زملاء هنا من محبى جين 2 و بروتون ( هما اللى اقنعونى اشترى جين 2 ) هيزعلو ا منى بس للاسف دى الحقيقة المرة بتاعة عز العرب و علشان اكون امين مع اى حد بيفكر يشترى بروتون و ارضى ضميرى قبل ما تشترى بروتون ادخل بص على الجروب ده
Log In | Facebook
المفضلات