30 شخص دخلوا ومفيش أى واحد فكر حتى يكتب أى معلومه للمساعده على العموم شكرا جزيلا للى دخلوا وخرجوا من سكات ؟
رقم العضوية : 473
تاريخ التسجيل : 04May2007
المشاركات : 130
النوع : ذكر
الاقامة : Egypt
السيارة: 127
السيارة[2]: Hyundai
دراجة بخارية: no
الحالة :
اولا السلام عليكم ورحمه الله وبركاته
ثانيا بعد أذنكوا اللى عنده معلومه ولو بسيطه عن طلبى ياريت يفيدنى ومش يبخل عليا أبدا بيها وربنا يكرمكوا ويجازيكوا كل خير ان شاء الله
ثالثا انا معايا عربية سوده فيرنا وطبعا ما ادراكوا ما هو الاسود فى العربيات المتوسطة ( بويا نص لبه ) وطبعا مع شوارع مصر المحروسة واللى مش بتخلى من التراب والعواصف والقمامة وكل الحاجات الثانية يعنى انا العربية شكلها بقى جربان جدا جدا جدا ومفيش أى غسيل بيجيب معاها وبعدين سطح العربية جالوا نوع من البلادة يعنى بقى خشن جدا وعمل اتفاقية مع التراب اللى فى الشارع انهم يفضلوا مع بعض على طول على الحلوة والمره ومش يتفارقوا ابدا مهما حصل وطبعا زى ما قولت لحضراتكم لا غسيل بينفع ولا غطاء بيمنع وطبعا ده اثر جدا على شكل العربية من جوة بقت ولا اجدع ميكروباص من جوة مفيش حته مفيهاش تراب جوة العربية حتى التابلوة والسماعات اللى ورا كمان معلش طولت عليكم المهم من كل القصه دى انا لى رجاء انا سمعت ان فى بعض البنزينات بتغسل العربيات من بره ومن جوة ومش بتسيب فسوايه فيها غير لما تتغسل وبعدين بتلمع العربية وتشمعها وبعدين يكيسوا العربية من جوة يعنى الكراسى والتابلوه والذراعات بتاعه المساحات يعنى من الاخر العربية تحس انها لسه جاية من المعرض حالا فياريت اللى يعرف مكان بالشكل ده سواء بنزينه او اى مكان أخر ياريت يقولى عليه ضرورى بس اهم حاجة العربية ترجع زيرو من برة وجوة ولو أمكن التكلفه بالمرة
معلش اخر حاجة لو حد يعرف نوع غطاء عربية كويس ميدخلش ولا ذرة تراب للعربية ان شاء الله حتى اكون واقف فى صحراء انا عايز أبقى زى بقيت الناس اللى بتنزل تشيل الغطاء وتمشى على طول من غير تلميع وتلاقى العربية مراية لوحدها مش لازم انفض الغطاء بتاع خمس دقائق وكمان بعد كده أقعد أنضف فى العربية بتاع ثلث ساعه كمان ده غير البهدله والعفره اللى بشوفها أنا وهدومى وأيدى :( فياريت لو تقدروا تفيدونى بالسعر ومكان البيع وشكرا جزيلا لكل اللى هيرد ويشاركنى برأية
رقم العضوية : 473
تاريخ التسجيل : 04May2007
المشاركات : 130
النوع : ذكر
الاقامة : Egypt
السيارة: 127
السيارة[2]: Hyundai
دراجة بخارية: no
الحالة :
30 شخص دخلوا ومفيش أى واحد فكر حتى يكتب أى معلومه للمساعده على العموم شكرا جزيلا للى دخلوا وخرجوا من سكات ؟
رقم العضوية : 72347
تاريخ التسجيل : 05Jun2010
المشاركات : 49
النوع : ذكر
الاقامة : مصر
السيارة: رينو
السيارة[2]: هيونداى
دراجة بخارية: لايوجد
الحالة :
استاذى الفاضل انا جربت بنزينات مصر ومفيش حد عنده ضمير بقيت اعمل عربيتى بنفسى بجيب للعربيه من بره علبة بولش تلميع 6 جنيه وكيسان قطن وبنضف العربيه من برة وابداء فى التلميع بتاخد وقت ومجهود بس بتتطلع باذن الله تمام اما من جوة بجيب مياة وبريل وبصبن التابلوه بسفنجه ناعمه ثم احضر فازلين طبى من الصيدلية وافرده على القطنه والمع التابلوه ثم اتى بقطعة قماش نظيفه واقوم بمسح التابلوه جيدا واقوم برش التابلوه بالملمع المعطر اما بالنسبه للتراب داخل الفيرنا دة نتيجة ان الفيرنا عزلها سى ودة بيسمح بدخول الاتربة بسهولة جيب كيس وتر بروف من التوفيقيه ثمنة 115 جنيه والله المستعان وربنا يباركلك فى سيارتك
رقم العضوية : 25216
تاريخ التسجيل : 15Nov2008
المشاركات : 14,019
النوع : ذكر
الاقامة : Haram & My mobile phone
السيارة: New Accent 08
السيارة[2]: Picanto 09
دراجة بخارية: no
الحالة :
اعمل شمع - واكس
هيخلى التراب يتشال بسهولة
وقول انت ساكن فين علشان ندلك
A.Saad
رقم العضوية : 40052
تاريخ التسجيل : 11May2009
المشاركات : 1,493
النوع : ذكر
الاقامة : redsea
السيارة: persona 2010
السيارة[2]: daihatsu
الحالة :
السلام عليكم ورحمه الله وكل عام وانتم بخير
حضرتك ممكن تروح بنزينه وطنيه هيغسلولك العربيه غسله محتروه من بره ومن جوه وكمان من تحت وبعد كده تروح لاي حد بتاع دوكو وتقله عايز المع العربيه وخليه يحط ايده علي صاج العربيه لو حس انه خشن زي مابتقول هيعمله بكمبوند خشن الاول وبعدين هيلمع العربيه بي الشمع
الغسل معرفش بكام التلميه متوسط 100 جنيه وبي النسبه للغطاء
هات الواتربروف ممتاز
بيتوسخ من بره لاكن من جوه ولا اي كلمه
ramy
المفضلات