اهل اسكندريه ( مساعده )

**eng/muhamad** · 14-08-2011 06:35 AM

مممممممممممم يعنى اسكندريه كلها مفيش فيها غير فرعين لقدورة؟؟
طيب زفير اخباره ايه ؟؟؟؟

**misoalex** · 14-08-2011 06:46 AM

اعتقد قدوره ليه فرع كمان فى بحرى جوه غير اللى على البحر بس انا معرفهوش

زفير بقى والمحلات دى اسعاره اسمع انها اغلى بكتير مجرد سمع مجربتهومش بصراحه عشان احكم عليهم

بس اكيد حتلاقى طبعا نظامهم حجز برضه

انت خليك مع قدوره شوف الاول اللى فى بحرى اقرب ليك لو جاى من الصحراوى حتاخد نفق قناه السويس وتطلع على البحر على بحرى هو ليه فرع بعد المحكمه على البحر على نفس الصف

لو لقيت بتاع بحرى ده زحمه يبقى تاخد الكورنيش لحد اخره فى المندره عند الفرع التانى وانت وحظك

**M.Alaa92** · 14-08-2011 07:14 AM

طبفى حل تانى حلو اوىىى
انك تشترى السمك و اللى حتاكلو من قدورة و اطلع ع اى شط مميز و كلو ع البحر و الله قعدة 100/100 و احسن من الحجز و قرفو
و يا سلام بقى تروح تصلى التراويح ف القائد ابراهيم و تتطلع تقعد ف بحرى عند القلعة و المعمورة و المتزة حلويم برضو

**eng/muhamad** · 14-08-2011 10:18 AM

طبفى حل تانى حلو اوىىى
انك تشترى السمك و اللى حتاكلو من قدورة و اطلع ع اى شط مميز و كلو ع البحر و الله قعدة 100/100 و احسن من الحجز و قرفو
و يا سلام بقى تروح تصلى التراويح ف القائد ابراهيم و تتطلع تقعد ف بحرى عند القلعة و المعمورة و المتزة حلويم برضو

المشكله ان هنكون خارجين من مناقشه ةمشروع التخرج و لبسين بدل و كده مش هينع قعده الشط دى

**eng/muhamad** · 15-08-2011 04:29 AM

حد يفيدنى يا جماعه فى خروجات بعد الفطار

**SHNORY** · 15-08-2011 04:56 AM

جزيره الملكه في بحري
فيه واحد تاني في بحري مش فاكر اسمه ايه فوق الشيخ وفيق

وفيه انفوشيا برضه بس دا تبع سان جيوفاني يعني بيعوا العربيه وادخلوا اتبسطوا بتمنها وحتروحوا بشويه فكه
فيه حسني اللي في المندره شارع جمال عبد الناصر
========================
وممكن تعملوا السمك في السوق زي ما خميس قال وتنزل علي البحر اي كافتريا يحطلك ترابيزه ويظبطهالك
ابقي عدي عليا لما تيجي حاخدك لواحد بتاع سمك جنبي اديله الاوردر وخلص مشاويرك وابقي تعالي خده تاني
وانا اصلا في مدخل البلد مينفعش متعديش عليا
ولو علي البدله فانت في كل الاحوال حتزفر ايدك وحقلع الجاكيت والكرافته سواء في مطعم ولا كافتريا
قدامك الحلول كلها اهيه
شوف انت عاوز تعمل ايه

**SHNORY** · 15-08-2011 04:57 AM

المشاركة الأصلية كتبت بواسطة eng/muhamad

حد يفيدنى يا جماعه فى خروجات بعد الفطار

عاوز تعمل ايه بعد الفطار ؟؟
تتمشي؟؟
تشيش؟؟
تسترخي ؟؟
تجري بالعربيه ؟؟؟
حدد يا باشا

**SHNORY** · 15-08-2011 05:13 AM

المشاركة الأصلية كتبت بواسطة eng/muhamad

و الله يا باشا انا مستنى حضرتك ترد عليا قولت مفيش حد هيجيبلى المفيد غير شنورى عموما الحمد لله استقرينا على قدوره و هنكلم واحد صاحبنا فى اسكندريه يحجز لنا من الصبح و ان شاء الله اعدى عليك حضرتك فين بالظبط ؟؟
عشان كمان عاوز حضرتك فى استشاره كده فى الايفون بتاعى

عاوز اقعد فى مكان كويس خيمه مثلا و يكون فيها حد بتاع عود و دندنه مثلا لو المكان فى رقص يبقى بلااااااااااااااااااااااا اااش او اقعد فى كافيه كويس يكون بيطل على منظر حلو كده يعنى

لو الايفون بتاعك بايظ يبقي من عينيا
لو شغال يبقي مليش فيه
انا بتاع التليفونات البايظه والعنايه المركزه
ههههههههههههههههههههههههه ههههههههههههههههههه
عاوز من غير رقص ازاي يعني
دا احنا مفيش عندنا غير رقص
دا كل الناس واخده عن اسكندريه الفكره دي ههههههههههههههههههه
كمان لو علي الاماكن اللي فيها رقص فبيع العربيه التانيه بقي
علشان واحده تاكلوا بتمنها والتانيه تتفرجوا علي رقص بيها
حشوف لو النادي اللي بروحه فيه عود وحاجات من دي حبقي اخدك ادخلك
وممكن تقعد في لاتينو في جليم بيطل علي البحر مباشره
وممكن كافتريا السلسله برضه علي البحر مباشره وارخص من لاتينو بكتير

-

-

الموضوع: اهل اسكندريه ( مساعده )

LinkBack

أدوات الموضوع

عرض

-

-

-

-

-

-

-

-

المواضيع المتشابهه

يا شباب اسكندريه ممكن مساعده؟؟

مساعده من اهل اسكندريه عن اماكن البيع في اسكندريه

مساعده فى ريس ملوش ملف فى المرور !!؟ مساعده ضرووورى

جروب اسكندريه

الى اهل الخبره فى اسكندريه

الكلمات الدلالية لهذا الموضوع

المفضلات

المفضلات

ضوابط المشاركة