لا إكراة فى الدين ....
ولو حصل أنة أتعمل قانون يفرض الحجاب ....
بكرة هيتعمل قانون يفرض اللحية والجلباب ....
الحمد لله على نعمة الأسلام وكفى بها نعمة الحجاب فرض فى دينا والى مش لبسين حجاب بيعصوا ربنا وربنا هيحاسبهم ولكن لا يفرض بالقوة وربنا يهدينا ويهدى الجميع وبحترم كل انسانه محجبة حجاب شرعى بعيدا عن الهبل الى بنشوفة اليومين دول وربنا اعلم بالنيات
السلام عليكم
يقول الحق سبحانه : الأحزاب36
وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالًا مُّبِينًا
صدق الله العظيم
وبالتالى موضوع بالاجبار او موضوع مش مقتنعه اصبح مالوش اى معنى لان فروض الله مفيهاش اختيار
----
مش عارف ليه في ردود بتصدمني بجد :Copy of majd(4):
هي الفروض فيها اجباري وإختياري
يعني ربنا سبحانه وتعالى فرض خمس صلوات في اليوم
أقول بس انا هاصلي ظهر وعشاء والباقي صعب .... أنا مش مغصوب عليهم
في فرق بين اقناع واحد بالدين الاسلامي وعجم غصبه علية ( لا إكراه في الدين ) وواحد مسلم باقولة ربنا فرض عليك ده فإلتزم بيه وحرم عليك ده فإبعد عنه
كنت عايز ارد علي النقطه دي بصراحه عشان غيظاني
الناس اللي بتستشهد بالايه الكريمه دي مش للمسلمين
لااكراه في الدين لغير المسلمين انهم يدخلو الأسلام لكن طالما بقيت مسلم بكامل ارادتك يبقي لاتملك الاان تقول سمعنا واطعنا ولو مش هتعرف يبقي لاحول ولاقوة الابالله
ايوه اقوله فرض ربنا عليك انك تعمل حاجة معملهاش مش هجبره انه يعملها بالعافية , يعنى مثلا فى الشغل ناس مبتصليش اقوم اجيب كرباج و اضربه و اقوله هتصلى بالعافية؟؟اقتباس:
مش عارف ليه في ردود بتصدمني بجد http://www.nilemotors.net/nile/image...ajd%284%29.gif
هي الفروض فيها اجباري وإختياري
يعني ربنا سبحانه وتعالى فرض خمس صلوات في اليوم
أقول بس انا هاصلي ظهر وعشاء والباقي صعب .... أنا مش مغصوب عليهم
في فرق بين اقناع واحد بالدين الاسلامي وعجم غصبه علية ( لا إكراه في الدين ) وواحد مسلم باقولة ربنا فرض عليك ده فإلتزم بيه وحرم عليك ده فإبعد عنه
الفروض مفيهاش عايز و لا مش عايز للفرد نفسه مش للناس .
بس فى حاجات ربنا عمل عقوبات ولى الامر يطبقها زى شرب الخمر و الزنا مثلا , لما تلاقى واحد بيشرب فى الشارع امسكه و اطلبله الشرطة انما واحد مبيصليش و لا واحدة مش محجبة و لا واحد معاه فلوس و مش عايز يحج اروح احجزله بالعافية مثلا و ارميه فى طيارة على السعودية؟؟؟
دى حاجات بين الناس و بين ربنا و ربنا هو اللى هيحاسب الناس عليها و ربنا معملش حدود غير لحاجات معينة غير كدا مش من دماغنا هنجبر الناس تعمل حاجات
السلام عليكم و رحمة الله و بركاته
أنا من رأيى أنه كان لازم من زماااااااااااااااان يكون فيه قانون بيمنع خروج المرأة الى الطريق العام أو أى مكان فيه رجال غرباء, بدون حجاب لأنه هيكون أفضل من اللى من غير حجاب, يعنى هيكون خطوة على الطريق الصحيح على الرغم من أن فيه بنات و ستات كتير بيلبسوا حجاب و كل حاجة, بس بيبقوا لابسين الحجاب بس و أى حاجة تانية لا تمت للزى الاسلامى اللى لازم تكون عليه المرأة بأى صلة, بس, أهو أحسن من مفيش.
أنا بأه من رأيى أن القانون لازم يكون بالاجبار على الزى الاسلامى اللى يستر عورات المرأة بشكل كامل و ده طبعا مواصفاته, احنا كلنا عارفينها, يعنى القانون, مايكونشى على أد الحجاب (غطاء الرأس) بس.
أما, قصة أن الموضوع يكون اختيارى أو بمزاج المرأة, أنها تخرج لابسة لبس محتشم و لا لأ, فده طبعا غير منطقى, المرأة سواء مقتنعة و لا مش مقتنعة, لا تخرج الى الطريق العام أو أى مكان فيه رجال غرباء الا و هى ترتدى لبس محتشم, مقتنعة بأه بالكلام ده و لا مش مقتنعة, هى حرة, لما تبقى قاعدة فى حال عدم وجود من يحرم أمامهم اظهار زينتها, تبقى تلبس اللى هى عاوزاه و لا ماتلبسشى حاجة خالص , هى حرة.
و بعدين الموضوع ده مش محتاج قانون و لا دياولوا, هو ربنا -سبحانه و تعالى- يقول حاجة و بعد كده, احنا نبقى نفكر نعمل قانون عشان الحاجة دى تتعمل !!!!!!!!!!, أومال ربنا -سبحانه و تعالى- قالها و أمر بيها ليه, عشان تتنفذ بدون أدنى تأخير و لا حتى مقدار ماتطرف العين !!!!!!!!!! .
الموضوع كله, محتاج أمر من أولى الأمر و ينفذ, زى ما أولى الأمر بيطلعوا قانون الضرايب و الناس كلها تلتزم بيه, سواء اللى عاجبه و اللى مش عاجبه, دى زى دى بالظبط, أولى الأمر يأمروا بمنع خروج أى من النساء الى الطريق العام بدون زى محتشم يستر عورات المرأة, و الأمر يتنفذ و خلاص, شوفتوا الحكاية بسيطة زى.
القوانين و الحوارات دى, تتعمل لما نكون هنعمل قانون مرور جديد, هنفرض ضرايب جديدة, هنغير اللون بتاع جواز السفر و يبقى بمبى بدل ماهو أخضر, الحاجات التى لم يرد فيها نص آمر أو ناهى فى القرآن أو السنة النبوية الشريفة, لكن دى حاجة ورد فيها نص من رب العزة و ورد فيها العديد من الرسول عليه أفضل الصلاة و السلام, نيجى احنا لسه هنفكر اذا كنا هننفذها و لا لأ !!!!!!!!!!!!!!!!, بالذمة الكلام ده ينفع !!!!!!!!!!!!!!
آه نسيت أقول, اللبس المحتشم ده لا بد أن يسرى على كل النساء سواءا أكانوا مسلمات أو غير مسلمات, طالما أن أقدامهم وطأت أرض مصر.
أما ألحق أخدلى ساتر قبل الضرب ما يشتغل.
طب لو واحدة ست جت من دولة أوروبية عشان تزور مصر هنفرض عليها هى كمان الحجاب !!!!؟؟؟؟
ولا هنمنع دخول الستات الغير محجبات إلى أرض مصر !!!!؟؟؟؟
ولا نعلق يافطة فى المطار مكتوب عليها :
السياحة فى مصر للرجال والمحجبات فقط ....
واللى مش محجبة يا أما تتحجب يا ترجع تانى على بلادها ....
لا كدة يبقى اسمة تهريج اصلى وانا اول واحد حنزل اتظاهر ضد القانون دة
كمان عايزين تخلوا السياح يتحجبوا واللى مش عجبوا يروح على بلدة .............. لا اصلنا اغنيا اوى واقتصادنا الله ينور معدى ماليزيا وعالم مش محتاجة
دة احنا شوية وحنشحت والبلد تعلن افلاسها ......... انا مش فاهم اية حرقة الدم دى ... عايزنها ايران ولا افغانستان ولا اية بالضبط
الرحمة بقى اتقوا الله فينا وفى البلد
قبل الحجاب يا ريت المحجبات يلبسوا كويس الاول و بعدين نبص ع المش محجبات
المعلم الكبير وصل .....
عجبك الكلام اللى بيتقال دة يا كبير ؟؟؟؟
أنا مش فاهم الناس دى بتفكر أزاى وعايزين أية بالظبط ؟؟؟؟
فى ناس بتكتب كلام من غير ما بتفكر فى أبعادة عشان كدة مابردش عليهم ....
لأنى لو قعدت أتكلم للسنة الجاية بردوا مفيش فايدة ....
لأنى مؤمن بالحكمة اللى بتقول :
من الصعب ملىء كوب ....
مملوء بالفعل ....
طبعاً الحجاب فرض من فروض الله بإجماع علماء الأمة ...... يعني أمر إلهي مفيش فيه خلاف حتى بين العلماء
الموضوع دة و الإستطلاع دة لا يناقش فرضية الحجاب ...... هل هو فرض ولا لأ
الموضوع بيناقش فكرة سن قانون لإجبار كل الناس في المجتمع على إختلاف ديانتهم ....... على الحجاب
و مدام قانون ....... حيبقى فيه عقوبة لمخالف القانون
و من المعروف أن تاركة الحجاب ليس بكافرة ....... بل هي عاصية و حسابها عند الله
فالسؤال ....... هل في الإسلام نص أو دليل أو حد ....... يعاقب تاركة الحجاب بعقوبة معينة ....... حتى يكون ذلك سند لوضع مثل ذلك القانون ؟؟؟؟؟
الحجاب هنا مثال واحد ليس إلا ....... و أكيد مدام الباب مفتوح حيبقى فيه قوانين أخرى لبقية الفروض و بعقوبات مختلفة
هنا يظهر سؤال تاني ....... إذا كنا بدأنا بالأمور قطعية الثبوت إلي فيها إجماع من العلماء ........ طب ممكن نوصل لسن قوانين للأمور التي ليس فيها إجماع و لكن يراها مذهب معين واجبة ...... ذي اللحية و الجلباب و النقاب ؟؟؟؟؟
شوية أسئلة يا ترى حد هيجاوبها؟
طب لو الدولة بقت مدنية هتعملوا زي فرنسا و تمنعوا النقاب بدعوى انه مش من الدين ولا هتمنعوا الحجاب بدعوى انه مفيش نص صريح بالحجاب؟ وياترى اللحى (جمع لحية) هتبقى ممنوعة بدعوى ان مظهرها سيئ و المساجد هيبقى مسموح بدخولها في غير أوقات الصلاة ولا دي أنشطة أرهابية ؟ وهل أصلا ينفع أدخل المسجد من غير كارنيه؟ ومناهج الدين هنرفعها من التعليم بدعوى عدم خلط الدين بالتعليم؟ و أيه كمان؟ يا ترى أيه اللي هيحصل لو أدعياء الحرية مسكوا البلد.....ربنا يستر
بصراحة انا مع الرأى ان غير المسلمين لا يلتزمون الا بما يخص ديانتهم فقط وموضوع الحجاب غير قابل للنقاش الأول قبل ما نعمل قانون لفرض الحجاب نشوف حال بناتنا وصل لأيه وهاتفرض عليهم حجاب ازاى زى مثلا السعودية امام الاجانب فى المحال والصيدلات يرفع الحجاب وخوفا من هيئة الامر بالمعروف والنهى عن المنكر يلبس الحجاب وليس من الله اما مش مع تطبيق الفريضة بقوة القانون انا مع الدعوة الى الله احنا الآن ابعد مانكون عن تطبيق تعاليم ديننا فعلا
يا أخى الفاضل
فيه حاجات مخالفتها لا تؤذى إلا صاحبها فقط زى تارك اللحية ولابس الذهب وغيرها
لكن فيه أمور فاعلها يؤذى غيره قبل نفسه ويساعد على نشر الفساد والرزيلة
ودى لازم المجتمع يتكاتف لمنعها حفاظا على الأخلاق اللى هى من المفترض تكون من اولويات المجتمع النظيف
ومن أشد المخالفات اللى بتؤذى الغير قبل النفس مخالفة النساء الأمر بالتحجب عن الرجال
علشان كده بنقول لازم يكون فيه حد للانفلات فى ملابس المرأة اللى طبعا موافقنى انها مفسدة كبيرة
والآية بتقول "زين للناس حب الشهوات من النساء و و و " .. أول حاجة النساء!
يعنى مش هينفع مقارنة كل المخالفات مع بعض ولا وضعها فى سلة واحدة
انا عاوز اقول ان فيه بنات كتير محجبة من فوق وبتلبس لبس مجسم عليها يمكن بنات تانية مش محجبة مش لابساه
الخلاصة اللى عاوز اقولها ان كل بنت تبقى براحتها فى موضوع الحجاب علشان الواحد يفرق الصالح من الطالح وعلشان متجيش بنات تتحجب وخلاص ويسيؤوا لصورة الحجاب الجميلة
وعموما يعنى ... الطيور على اشكالها تقع
لاحول ولا قوه الا بالله
يا يباشمهندس من قال اللحية .. هو اللحية فيها اجماع ؟!
الشيخ حازم اظن قال .. هو من الأصل لم تصل حالة الدولة من قبل لهذه الحالة التي نحن عليها
ثاانيا .. من حق الحاكم مراقبة تطبيق الفروض
موضوع بقى ليه الحجاب .. وليه ادخل غير المسلمين
(انا بقول وجهة النظر المنطقية فقط)
نفرق بين المسلم وغير المسلم
بالنسبة للمسلم .. هو اصلا فرض بالنسبة للمرأة .. تحاسب عليه هو ووليها
يعني تحاسب عليه السيدة وزوجها ووالدها .. وممكن يدخل اخوها والاعمام والأخوال على حسب الأحوال
بالنسبة لغير المسلم .. هو غير فرض عليه
الوضع بقى في الشارع
بالنسبة للمسلمة وغير المسلمة . بمجرد نزول الشارع هي تحولت من حرمة الحياة الخاصة إلى الحياة العامة .. ومنها تفعل القوانين
لإن اي خطأ هنا هيأكون له تأثير متعدي
يعني مثلا .. واحد لا تريد ارتداء الحجاب هي حرة .. بس لما تنزل الشارع تراعي القواعد والأعراف وتراعي الآخر
زي مينفعش انزل واحدة ببيكيني امشيها في الشارع واقول حرية شخصية
ولا ينفع امشي واحد بمايوه في الشارع
وزي متروح الأوبرا يقلك الدخول بالملابس الرسمية
ولما بتروح شواطئ معينة يقلك الدخول بملابس البحر.. ويقلعك غصب عنك
والموضوع ايضا مش غاريب .. في الريف مثلا الغالبية العظمى من السيدات محجبات حتى لو غير مسلمات . وبنلاحظها في المدن بالنسبة لزوجات البوابين مثلا وكبار السن
الفكرة تدور حول الفتنة .. واللي يقلي بقى ان الموضوع دا مش فتنة .. يبقى يبيضحك عليا يا بيضحك على نفسه .. واللي يقول مفي محجبات العن من المش محجبات .. هقوله هو دا اسمه حجاب اصلا اللي لبسينه ؟! واللي يقول الحجاب ملوش علاقة بالأخلاق .. هقوله وانا مبطلبش منها تكون محجبة وقليلة الأدب ..
الموضوع يبدأ ازاي ؟
اكيد هيبدأ بالموعظة .. ولن يستطيع احد اجبار احد دون اقتناع على الأقل بالنسبة للأغلبية من كل طائفة ..
يعني المعاملة مع المسلمة غير المعاملة مع غير المسلمة
بالنسبة للمسلمة الموضوع لازم يبدأ بالتوعية الدينية والموعظة والنصائح
وبالنسبة لغير المسلمة .. الموضوع يجب ان يبدأ بالتشاور وبالمناقشة
ويجب العلم ان الموضوع مش حاجة وحشة يعني .. دا نوع من الاحتشام ..
ايا كان انا لا اعتقد ان الموضوع ينطلق جبرا بصورة مخيفة .. على الأقل لعدم حدوث استنفار ورد فعل مضاد .. ومننساش ان في انتخابات وفي مجلس شعب والاتنين بيتغيروا
وللعلم دا مش وضع غريب
اللي خلى فرناس تمنع النقاب
وبلجيكا هتحصلها قريبا
وسويسرا منعت الاذان
دا غير كمية الدول اصلا اللي منعت الأذان
دا غير اللي بيمنعه بناء المآذن
دا غير الدول اللي بتمنع الحجاب من الأساس او على الأقل بتمنعه في أماكن العمل
فرنسا مثلا لسه من 3 شهو رفدوا مدرسة لإنها لبست الحجاب
دا غير الطفلة الي اضطرت تحلق شعرها على الموس عشان منعوها انها ترتدي الحجاب في المدرسة .
دا غير في امريكا في ولايات معينة بيفرضوا لبس معين
دا غير ان في انجلترا او فرنسا مش فاكر حصل انهم عشان يضبطوا انحلال المجتمع كانوا بيفرضوا لباس محتشم للمرأة لدرجة انهم وضعوا حد اقصى لكعب الحذاء وكان الضباط بيمشوا في الشارع بمناشير صغيره
وحكمة ادخال غير المسلمات
لإنه لو طبق ذلك على المسلمات ولم يطبقها على غير المسلمات .. فهنا هتنتفي الفائدة من التطبيق اساسا .. (اعتقد هي دي وجهة النظر)
انا بقى نفسي يكون اجباري
لان الايمان متذبذب عند الجميع وبيزيد ويقل ومحدش يجي يقولي لا انا ايماني ثابت
لان الرسول صلى الله عليه وسلم كان بيدعي ويقول (( اللهم يا مقلب القلوب ثبت قلبي على دينك))
00 يعني حتى المحجبة على اقتناع تام اكيد الشيطان بيوسوس لها احيانا ونفسها الامارة بالسوء احيانا اخرى وشياطين الانس احيانا بطريقة مباشرة وغير مباشرة لاننا بنعدي بعض وبنحب نقلد بعض بدون ما نشعر
انا بعتبر نفسي محتشمة لان مفيش ادنى شك ان حجاب اليومين دول مش حجاب
لكن مع ملاحظة ان مش كل اللي مش محجبات او محتشمات وحشين ولا كل المجبات والمنتقبات كويسين
فلما يكون الحجاب اجباري حتى على اللي مش قادرة تاخد القرار او مش قادة تقاوم نفسها او اللي مش مقتنعة يبقى مخدتش ذنب التبرج ولا ذنب نظرات الرجال ولا ذنب واحدة اتأثرت بيها وقلدتها
ياريت يا جماعة اللي موافق علي فرض الحجاب بالقانون يوضح الشكل التطبيقي لهذا الامر
1- هل هناك شكل معين للحجاب و مين سيحدد اذا كان الحجاب مطابق للقانون في الشارع و لا هو غطاء رأس و السلام؟
2- من الذي سيقوم بتطبيق القانون ... الشرطة و هل ده يعتبر اعباء اضافية عليها ام شرطة من نوع خاص؟
3- ما هي العقوبة المتوقعة علي من تكسر هذا القانون ؟
الاحكام الشرعيه ليست محل نقاش او رأي
بمعنى اخر: اذا أمر الله و أمر رسول الله.... قلنا سمعنا وأطعنا (مش عملنا استفتاء)
وبالتالى الموضوع مفروغ منه
طبعا ده مش هجوم على صاحب الموضوع اطلاقا ... لاكن دي تذكره لكل من شارك او قرأ ولم يشارك
السلام عليكم و رحمة الله و بركاته
من السهل جدا أننا نعرف كل اللى مسافرين لمصر لأى سبب أيا كان, أن الستات غير مسموح ليهم بارتداء ملابس خليعة فى الأماكن العامة و أنها لازم تغطى راسها و اللى عاجبها كده, أهلا و سهلا و اللى مش عاجبها هى حرة.
و على فكرة السياح مابيجوش مصر عشان يسكروا أو يشربوا خمرة و يمشوا عريانين فى الشوارع, لأن الحاجات دى موجودة هناك فى بلادهم أصلا.
و زى ما أنا شفت فى السعودية, أن أى واحدة أجنبية و غير مسلمة و شعرها أصفر, مابتنزلش من الطيارة الا اذا كانت ملتزمة بالزى هناك, الحاجة التانية, أننا زى ما احنا بنلتزم بالقوانين بتاعتهم لما بنروح هناك سواء عاجبنا و لا لأ, هما كمان لازم يلتزموا بالقوانين بتاعتنا, و لازم نعرف, أن الحاجات دى, مش هى اللى هتهرب السياح و تفقر البلد, بالعكس, دى هى اللى هتخلى الناس دى تحترمنا لكن لما يلاقونا بنوافق على كل طلباتهم فى مقابل و أن مش سياسة الانبطاح و الانصياع الكامل أمام رغبات الأجانب عشان ييجوا بلدنا و يصرفوا فلوس هى دى اللى هتغنى البلد و نخلينا نعوم فى الفلوس عوم .
1 شروط الحجاب معروفة لو تشف ولا تصف إلخ... ومش صعب تحديد الشكل
2 شرطة الاداب (بما انهم نايمين في العسل) أو ما شابه
3 غرامة أو الحبس
أنا طبعا مع الموضوع ده بس شايفه ممكن ياخد وقته
الاهم من كده مليون مرة الحدود و أهم حاجة في الوقت الحالي عقوبة البلطجة
ودي ماحدش حيعترض عليها
ياجماعه انا البلد عندى مفيش بنت فيها تقريبا مش محجبه غير اخوانا الاقباط
بس حجاب ايه بقى مش عاوز اقولكم يعنى
بنطلونات محزقه وبلوزات قصيره وحاجه كده اخر مسخره
يعنى هى جت على شوية الشعر اللى متغطيين ومحافظه عليهم
علي فكره يا دكتور انا لما ذكرت الايه الكريمه
كنت اقصد بيها تذكيرك بيها مش اكتر
لان الحجاب من الاوامر الي مفيش خلاف عليها
والسياحه عمرها ما هتتاثر بقرار زي ده
لان السايح الي جاي مصر مش جاي يسهر ويشرب ويلبس عريان
بالعكس ممكن تكون مصدر لناس اكتر انها تيجي مصر ومش بتيجي علشان العري الي بيبقي موجود في المناطق السياحيه
فبلاش حضرتك تدخل نفسك في شيء بالفعل فيه حرمانيه
لان ممكن اي حد يشوف كلامك وتاخد بيه وتبقي بترتكب معاها ذنب في كل نزوله بتنزلها الشارع
وكل واحد يبص عليها
مكنتش افتكر كمية السواد الي في قلبك من ناحيتي
وربنا يسامحنا جميعا ان شاء الله
ورمضان كريم
A.Yakout
بصوا يا جماعة, فى أغلب المدن فى السعودية لازم المحلات تقفل وقت الصلاة علشان يروحوا يصلوا
كتير من أصحاب المحلات بيقفلوا المحل على نفسهم على ما الصلاة تخلص , كدة كويس يعنى؟
أو فى بلد زى ايران مثلا حاجة كويسة ان نسبة كبيرة لابسين الحجاب و مطلعين قصة مع لبس ضيق ؟
و طبعا الجلباب هيبقى إجبارى بالمرة !
اولا انا مسلم
ثانيا الحجاب فرررررررررض
ثالثا وضع قانون لفرض لبس الحجاب على الغير محجبات ارهاب فكرى و نقطه فى اخر السطر
بلطجه من الاخر
لو بدانا فى فرض قوانين على الحريات الشخصيه لا و كمان اجبار غير المسلمه يبقى اسمه بلطجه
وكمية سواد لية من ناحيتك .... انت اللى وصفتنى بالاية الكريمة بمن يحبون ان تشاع الفاحشة بين المؤمنين
وانا متكلمتش والموضوع من الاساس مش بيتكلم على فرضانية الحجاب صح او غلط
الموضوع بيتكلم على فرضة بالقوة الجبرية و بقوات خاصة وعقاب دنيوى وارهابى للى يتركة لأ وكمان مش للمسلمين بس اللى فرض عليهم لأ لجميع الديانات
وغير كدة لا ربنا قال كدة و ولا الرسول ولا الصحابة قالوا بالقوة وبالغصب وبالعقاب
ولو على التذكير فى اياات كثيرة فى القرأن الكريم للتذكير ... أشمعنا دى اللى اختصتنى بيها غير انك قاصد توصفنى مش التذكير
غير كدة كلنا مسلمين وحنقف امام الله عز جل نتحاسب وهو الحكم العدل والفيصل
حسبى الله ونعم الوكيل
نفس النظام عندنا فى القاهرة ....
تلاقى البنت من دول عاملة اللى عليها ومغطية شعرها ....
لكن لابسة body ضيق بشكل مش طبيعى وبنطلون جينز ضيق بشكل رهيييييييييييب ووشها محطوط علية 2 كيلو مكياج ....
أية دة ؟؟؟؟
بالذمة دة أسمة حجاب ؟؟؟؟
يعنى أنتى بتضحكى على ربنا ولا على نفسك ولا على الناس ولا أية بالظبط ؟؟؟؟
البنت اللى عايزة تتحجب ....
يأما تتحجب صح يأما مفيش داعى منة مش يبقى عين فى الجنة وعين فى النار ....
على فكره محدش يخاف على السياحه و السياح لان الاجانب دول مخهم كبير و واسع و عندهم مثل حلو شغالين بيه كويس
When in Rome, do as Romans do