هل توافق على سن قانون يفرض على النساء فى المجتمع ارتداء الحجاب ؟
هل توافق على سن قانون يفرض على النساء فى المجتمع ارتداء الحجاب ؟
فرنسا فيها قانون يمنع النقاب
سويسرا فيها قانون يمنع بناء الماذن
تركيا فيها قانون يمنع المحجبات من التعليم في الجامعات ودخول البرلمان اعتقد تطبيقة قل
السعودية فيها قانون يجبر النساء على النقاب فيما عدا بعض المدن
بعض دول وسط اسيا تحرم الفتيات فيها من التعليم بسبب الحجاب
مصر تمنع النقاب في الجامعات
الحجاب في المدارس بموافقة كتابية من الاب
كل دولة حرة في قانونها مادام بقر من مجلس الشعب
ولا إيه
ده من حيث المبدأ ..... أما الواقع فهذا القانون مستحيل تطبيقه او طرحه في مصر لسببين
1- الموروث الثقافي لبعض العائلات المصرية
2- وجود ديانه أخرى
ملحوظة اخيرة : ليس كل محجبة متدينة وليس كل محجبة محتشمة
طب ليه يا باشا ما شاركتناش برأيك فى الأستطلاع ؟؟؟؟
عموما هو الموضوع مطروح و بقوة ...... وأخر ما سمعت فى الموضوع ده أن الشيخ حازم صلاح قال انه سيتم سن مثل ذلك القانون على كل النساء فى المجتمع بما فيهم أصحاب الديانات الأخرى
شكراً للإدارة على عودة الموضوع ...... و أرجو المشاركة في الإستطلاع من الأعضاء الأفضل
اوافق لو عرض الامر على .ولو انى محجبة والحمد لله .
بس انا مش باحب الاجبار فى امور الدين .ولو انه فرض من الفروض .
مش بحب الاجبار لازم ييجى بالاقتناع علشان البنت المحجبة تتصرف تصرفات الاسلام ولا تسىْ اليه بحجابها .
وزى ما قال الباشمهندس احمد زكريا ليس كل محجبة محتشمة وليس كل محجبة متدينة .
وده فعلا صحيح والامثلة كتيرة
وربنا يهدينا جميعا
ومش كل واحدة مش محجبة بردو مش كويسة ولا اية رئيكم؟
حرية الرأي مكفولة ...... على الأقل في موضوعات hobiko :)))))
على العموم ...... هو المقصود قانون حيفرض على كل النساء في المجتمع على إختلاف انتمائاتهم الدينية
لا, لا أوافق فى حالة عرض الأمر على
مش بالاجبار انما بالاقتناع
لان ممكن نعمل القانون و الناس تتفنن في كسره بالاسبانش و البنطلونات الضيقة يبقي كده لم نحقق شئ
يجب ان يكون الامر نابع عن قناعة و ثقافة سائدة في المجتمع و توعية شاملة باتفاق الازواج و التفاهم مع اولياء الامور
و يجب الغاء اي اوامر تمنع لبس الحجاب في وظائف معينة
و جدير بالذكر ضرورة ترك الحرية للبس النقاب و توفير موظفات الامن في الجهات الحكومية لمراجعة البطاقات و كشف الوجوه للتأكد من شخصية المنقبة
طيب بعد اذن حضرتك ما اللبس ده موجود دلوقتى .
يعنى مش هيكسروه او حاجة .
الاسبانش له حل ما دام يخفى شعر واذن الينت تماما والملابس ما دامت تخفى الرقبة.
لكن الملابس الضيقة لا ما ينفعش .
انا كنت اقصد الاقتناع النابع من داخل البنت حتى تنعم بثواب الله كاملا .
وما تعملش فرض من الفروض وتكون كارهة له من داخلها .
اوافق وبشده عشان الواحد يرتاح من القرف اللي بقي مالي الشوارع في كل حته
وان كان علي غير المسلمات فبيتهيالي الموضوع مش هيزعلهم في حاجه انهم يبقو محتشمات وليهم احترامهم
بالنسبه لموضوع الاقتناع فمفيش حاجه اسمها اقتناع في الفروض - في حاجه اسمها سمعنا واطعنا مش نقتنع الأول وبعدين نطيع
المسلمه تلبس الحجاب اذا بلغت الحلم غصب عنها وبعدين تبقي تقتنع براحتها
ده فرض ياجماعه مش لعيه ومن حق ولي الأمر تطبيقه
ياتري لو واحد متزوج من واحده مش محجبه هيقول مقدرش اجبرها عليه لازم تلبسه عن اقتناع ؟
هي اصلا ينفع البنت تبقي مش مقتنعه بالحجاب؟ يعني مش مقتنعه بكلام ربنا؟
حد يجرب كده لما مديره في الشغل يطلب منه حاجه يقوله انا مش مقتنع بكلامك ولما اقتنع بيه هبقي اعمله وشوف المدير هيعمل فيه ايه
للاسف عير المسلمات الموضوع هيزعلهم لانة مش فريضة عليهم
هو الموضوع ليه سابقة في الإسلام ....... حد فرض دة على الناس قبل كدة ؟؟؟؟؟
متي قال الشيخ حازم صلاح انه سيتم سن مثل ذلك القانون على كل النساء فى المجتمع بما فيهم أصحاب الديانات الأخرى؟
في هذا اللقاء في برنامج ليطمئن قلبي
‫ظ‚ظ†ط§ط© ط§ظ„طھط.ط±ظٹط± ط¨ط±ظ†ط§ظ…ط¬ ظ„ظٹط·ظ…ط¦ظ† ظ‚ظ„ط¨ظ‰ ظ…ط¹ ط§ط.ظ…ط¯ ط§ط¨ظˆ ظ‡ظٹط¨ط© ط.ظ„ظ‚ط© 6 ط±ظ…ط¶ط§ظ†‬‎ - YouTube
كم اندهشت حينما شاهدت الموضوع لاول مرة
و كنت حاسس ان مشاركتي فيه غير مجدية لاني لم افهم بصراحة الغرض منه
يعني كان الموضوع مبهم بالنسبة لي
فحضرتك عامل استطلاع علي فرض من فروض الله و هو الحجاب
اما الان و بعد ان قرأت مشاركة حضرتك الان فهمت الغرض من الموضوع
و للاسف اني اري الصورة باهتة و لا تليق
و اخيرا
اللهم ارزقنا بمن يحرم الحرام و يحل لنا الحلال
اللهم ارزقنا بمن لا يخشي في الحق لومة لائم
و عجبي ممن يبتعد عن احكام و سنن فرضها الله مثل الحجاب
و امر بها الرسول مثل اللحية
و كان نفسي يبقي الموضوع به صراحة اكبر
م.حاتم السباعي
برجاء اختيار اسلوب افضل للمناقشه
مشرف عام 4
ليه يا باشمهندس حاتم شايف الموضوع كدة ؟؟؟؟؟
شايف اني بعمل إستفتاء على فرض من فروض الله ؟؟؟؟؟!!!!!!!!!
أن بعمل إستفتاء على هل من حق الحاكم سن قوانين تفرض فروض الله ؟؟؟؟؟؟ أنا رايي مش من حق الحاكم التدخل بين العبد و ربه فيما مالم يضع الله له حداً مثل الحدود
ما الفائدة من مجتمع ظاهره إسلامي ملتزم و باطنه مخوخ ....... و الأمثلة كثيرة
و سألت هل قام بهذا أحد الخلفاء من قبل في تاريخ دولة الإسلام ؟؟؟؟؟ بجد عايز أعرف
و على فكرة ...... اللحية ليس عليها إجماع
لا انا ضد الفرض بالقانون لأن هنا الخوف هيكون من القانون وليس من الله
انا مع عدم محاربة الحجاب في كل مكان يعنى من حق كل سيدة في اي مكان " مضيفه جويه مذيعة تلفزيونية مدرسه طبيبة وزيرة ....الخ اي كان مكانها او مجال عملها " ان تتحجب بحريتها بل بالعكس احترم رغبتها في تمسكها بعفتها دون ان احجر عليها واشجعها على ذلك
على فكرة يا باشمهندس حاتم انا فاهمة غرض الاستطلاع من الاول .
لانى شاهدت الفيديو ده للدكتور حازم ابو اسماعيل امبارح ولكن فى موضوع اخر .
والموضوع فى الاساس لاظهار اراء الدكتور حازم ابو اسماعيل كمرشح للرئاسة .
لكن انا فعلا رديت بناء على اقتناعى الشخصى فالحجاب فرض ولا يختلف عليه اتنين .
ولكن الحجاب يجب ان ياْتى عن اقتناع وبالرضا لابتغاء مرضاة الله باقامة جميع اوامره وفروضه .
والحمد لله ان ربنا انعم عليا به .
لكن اعتقد حتى ينعم المسلمين بالثواب وبرضاء الله عليهم يجب ان يكون تنفيذه لامر الله وفرضه نابع من قلبه وبالرضا تماما وليس كقانون يجبروا عليه
وربنا يهدينا جمبعا لابتغاء مرضاته
دة حيبقى بداية جماعات الامر بالمعروف المشهورة .... وثانيا مقبلش ان حد يجبرنى على فرض ربى ودينى (بالعافية)
الاول في بعض الحاجات اللي لاز م تتقال قبل الاجابة
1- ان الحجاب فرض على كل مسلمة و مينفعش اني اقول غير كدة
2- في امور الدين لازم تيجي على اقتناع تااااااااام علشان لما تتنفذ تتنفذ صح
3- مش كل غير محجبة غير محترمة او غير متدينة و ليس العكس
4- "كلكم راع و كلكم مسؤول عن رعيته ... "
انا ضد فرضوا بالقانون لأكثر من سبب اولا ردا على المناظر اللي الواحد بيشوفها فده بيبقى لبعض الاسباب
- اما ان البنات دول عاوزين يخلصو من الزن اللي في البيت فيحطوا حتة قماشة على دماغهم و خلاص و اهو انا
محجبة مش عاوزة وجع دماغ
- او انها شايفة انها بكدة ممكن توسع مجال المعجبين بيها لا لشئ الا علشان هي محجبة
- او اكثر من سبب
و سواء انها عاملة كدة علشان اي سبب من الاسباب دي يبقى في وجهة نظري اللي تحتمل الخطأ قبل الصواب متلبسشي حجاب عن دون اقتناع بس تلبس لبس محتشم و تبقى بداية و نواة بعد كدة للحجاب عن اقتناع لأن ساعتها مش هيبقى ناقصها حاجة غير غطاء الرأس و تبقى محجبة بردو
مش معنى ان البنت غير محجبة انها تبقى زي البلاوي اللي الواحد بيشوفها في الشارع
انا لو في واحدة مثلا فكرت في اني ارتبط بيها و تبقى زوجتي بس غير محجبة في الكام قعدة تعارف اللي بتبقى مع الاهل هستشف منها مثلا هي ليه مش محجبة و هفهم اذا كان عندها استعداد تتحجب ولا لأ و مش هاخد اي خطوة جدية الا لو ضمنت انها هتتحجب قبل الزواج لأنها هتبقى مسؤولة مني بعد كدة و ههأسأل عنها و ده هيبقى شرط قبل قراية الفاتحة و الخطوبة و الذي منو بس ارجع و اقول انو بردو لازم تكون على اقتناع و يكون نواتها طيبة علشان اضمن انها مش هتقلعوا ثاني بعد ما تلبسوا و ده هيبقى انيل و انيل
بالنسبة لمصر فالمجتمع بيتضمن ديانات اخرى غير الاسلام و مش لازم افرض عليهم فرض موجود في ديانتي و مش موجود عندهم لكن ممكن افرض الاحتشام لأنو موجود في كل الديانات
مفيش ديانة بتقول اني امشي لابسة لبس مخليني اكني مش لابسة حاجة او مبينة من جسمي اكثر مانا مغطية
و الحمد لله دينا جميل و مبين كل حاجة ثوابها و عقابها و كل انسان / انسانة بالغ عاقل ملزم باتباع تعاليم دينو و سنة نبيه و لو ماتبعهاش هو المسؤول عن افعاله بشرط انو ميأثرش على باقي الناس بتصرفاتو في انو يشجعهم على حاجة غلط فالمجتمع يفلت و يبوظ
لكن اققدر اعمل اكثر من حاجة علشان المناظر اللي في الشارع دي تقل و وعي الناس الديني يزيد
مثلا امنع الافلام الهابطة اللي مبتقلش اي حاجة غير ان ده ولد كل يوم مع واحدة و بيعمل ايه مع دي و ايه مع دي و في الاخر يحب واحدة و يتغير علشانها - يااااااااا سلام استفدت انا ايه غير ان في ناس امعة هتمشي ورا الممثل اللي عمل كدة و يقلدوه تقليد اعمى و بنات يموتو فيه و يبقوا مستنيين يقابلوا واحد زي x في الفيلم الفلاني -
امنع بيع و تجارة الخمور
اغلظ عقوبة بيع المخدرات و اخليها توصل للاعدام حتى لو تعاطي
اخلي عقوبة التحرش حتى لو باللفظ او النظر او او او تبقى اضعاف مضاعفة و لو توصل لاعدام مفيش مانع
حاجات كثير ممكن تتغير تخلي الكويس في المجتمع يعيش مرتاح و اللي مش كويس يتلم و يلم نفسه و يخاف علشان ماطبقش عليه القانون الرادع
قبل ما نمسك في الحجاب - مع اقراري التام انو فريضة و انو لازم كل بنت تلبسوا بس على اقتناع - نعلم اولادنا و بناتنا دين صح في المدارس و الجامعات و التلفيزيون الخ...
السعوديات مثلا مع كامل احترامي للمحترمات منهم بمجرد ما يخرجوا من السعودية بتلاقيهم قلبوا على حاجة ثانية خالص و لما يرجعوا السعودية يلبسوا و يتلموا علشان خايفين بس
معتقدش اننا عاوزين نوصل لان بناتنا تلبس الحجاب جوة البلد و لو سافرت اي حتة برة او بعيد عن القوانين دي تفجر و تبقى العن
الكبت بيولد الانفجار لكن المسايسة بتولد اقناع و اقتناع باللي الواحد بيعملوا اللي بدوره بيخليه لو اي حد قالو انت غلط و هو متأكد 100% انو صح يقلوا ماشي ربنا يهدينا جميعا و يفضل زي ما هو ميعمش على عوم الموجة اللي سايدة في المجتمع ساعتها
مع الاحتفاظ بان مفيش حد يتمنع مثلا من شغلانة معينة لا لشئ الا انها محجبة او انو ملتحي زي ما كان بيحصل زمان مع المذيعين و المضيفات
اكيد انا لا اعلم الغيب .
ولا بافتش فى ضمير حضرتك او ضمائر غيرك .
لكن باحاول استشف من الكلام واى راى قابل للصواب والخطاْ
بس انا ساْلت نفسى سؤال واحد بس .ايه حكمة الاستطلاع ده ودلوقتى بالذات بعد وجود الفيديو الخاص بالدكتور حازم ايو اسماعيل ؟
اعذرنى معلش ليه الاستطلاع ده ما اتعملش قبل كده اشمعنا دلوقتى .
علشان نعرف اذا تم قانون بفرض الحجاب ؟
يبقى بردو الغرض منه سواء دكتور حازم او اى احد من المرشحين من التيارات الدينية لعل وعسى حد فيهم يفرض هذا القانون .
عامة ده رايى اللى انا فهمته ومش فراسة ولا حاجة مجرد استنتاج وقراءة ما بين السطور .
وزى ما قلت كل راى قابل للصواب والخطاْ
ومعلش ارجو ان تتقبل فراستى المتواضعة وراْيى الخطاْ فيما تقصده
تقبل تحياتى
سؤال بسيط:
هل الرسول أعظم الخلق صلوات الله علية محمد علية السلام كان من الضعف انة ميفرضش الحجاب على المسلمات؟ ولماذا لم يأمر سائر المسلمات فى شتى البلاد المسلمة بلبس الحجاب ؟؟ ومن هذا الشخص حتى يأمر ويفرض شئ على خلق الله عز جل الذى خلقنا احرارا ...؟؟؟ هل هو اعز شأنا وشرفا وعزوة ومرؤة وشجاعة من الرسول علية السلام ؟؟ ام ان للرسول كان لة حكمة من ذلك ؟؟
انا مع تعليم و تبصير الناس بالدين و نشر الدين و العلم الصحيح بحيث يرجع الناس لدينهم من نفسهم و في نفس الوقت ممكن يبقى في قوانين متدرجة على سنوات طويلة تبدأ مثلا بمنع الملابس الخليعة الشفافة و القصيرة و الضيقة و تنتهي بالزام المرأة بملابس فضفاضة و حجاب و طبعا دا هيكون متوازي مع التوعية و نشر الصحيح من الدين اللي بيحض الناس على اتباع تعاليم الدين
دا رأي شخصي مش شرعي
طيب فرنسا لما منعت الحجاب طيب ماده فرد عضلات
سؤال : ما الحجاب واللحية موجود في الديانة المسيحية ؟؟!! بدليل رجال الدين المسيحي يطلقون لحاهم والراهبات ترتدي الحجاب ..... ايضا كثير جدا من النساء التي تذهب للكنيسة تضع غطاء للرأس ..؟؟ اذن الاصل في عفة النساء الحجاب
هذا على حد علمي المتواضع وما هو موجود في كتاب الدسقولية وهو مصدر تشريع اساسى للكنيسة ووضعه الأثنا عشر رسولا والقديس بولس والقديس يعقوب اسقف اورشليم الأول
http://img102.herosh.com/2011/08/15/857776834.jpg
ايضا رجال الدين اليهودي يطلقون لحاهم كذلك
شوف انا مليش دعو ب فرنسا انا في بلدي هنا و بعدين ايوة الراهبات بيلبسوة غطاء للراس و الراهب و القسيس بيسيبوة دقنهم ايوة و لما الست بتكون داخلة الكنسية يستحسن تط ايشارب علي راسة لاكن دة كان زمان بص انا حاليا معرفش لية مش بيحصل دلوقتي بس عمتان بما ان 99 في الميه من المسيحيات و اكتر مش مغطين شعرهم دي حرية شخصية هي حرة مش من حق حد يقوله اتحجبي بالقوة
عزيزي hobiko
لو ذهبت للسعودية و شاهدت كيف يلزم الحاكم اصحاب المحلات علي الغلق اثناء الصلاة
ستندهش و تتعجب و تقول لنفسك يعني هما بكده يعني هيخلو الناس تصلي دي الصلاة دي علاقة بين العبد و ربه طيب هما ضمنو مثلا ان الصلاة اللي بالغصب دي هتتقبل يعني طيب مهو ممكن الناس تقفل و تتهرب من الصلاة
طيب ممكن الناس اللي كانت بتشتري ميرحوش علي المسجد و تروح اي مكان
و تفضل في هذا التعجب فترة الي ان يزول تعجبك حينما تمر بالتجربة فعليا
و اليك ما حدث معي اثناء ادائي لفريضة الحج العام الماضي
نصحني اخواني اني اركز علي شراء الهدايا من المدينة و ليس مكة
و مع البرنامج و الاجهاد كنا انا و اقراني نذهب للشراء مثلا بعد الغذاء و قبل صلاة العصر و مع اللف و الشراء و التدوير فيداهمك وقت الصلاة و اذا بالاذان يرفع و فعلا تجد الكل التزم و تم وقف البيع و الشراء
فيكون امامك احد ثلاث خيارات
1- ان تكون من الاصل مستعد للصلاة و قلبك متعلق بها لانك ناوي الا تنشغل عنها حتي لو استمرت المحلات في البيع و الشراء ( فتذهب للصلاة جماعة )
2- ان تكون من الاصل غير مستعد للصلاة و لم تكن علي بالك و لكنك حينما تجد المحلات قد اغلقت امام البيع و الشراء فتذهب للصلاة في المسجد جماعة ثم تعاود التسوق بعدها
3- ان تكون ايضا غير مستعد و لن تصلي و عازم علي ذلك فتذهب للفندق للجلوس في غرفتك حتي تنتهي الصلاة او تذهب للمسجد شكلا فقط و حين تعاود المحلات فتعود للتسوق و هكذا
هذه الحالات الثلاث تحدث عموما مع كل صلاة في بقاع الارض كلها
و لا يذهب لصلاة الجماعة في الكون كله الا اصحاب الحالة رقم واحد
و لكن في السعودية و بسبب اصدار قانون منع البيع و الشراء اثناء الصلاة فسبحان الله يذهب للصلاة في المسجد نوعان و ليس نوع واحد و هما الاول و الثاني هذا مثال بسيط اخي الكريم اردت ان اوضح لك به ان هناك وسائل مساعدة علي الطاعة
فلو فرض الحجاب رسميا سيكون هناك فوائد كثيرة جدا من وراء هذا القانون و الله اعلي و اعلم
تقبل تحياتي و اسف علي الاطالة
م.حاتم السباعي
يا جماعة
الحجاب مش موجود في الديانة المسيحية
انتم بتخلطم بين غطاء الراس وقت الصلاة وبين الحجاب الاسلامي
غطاء الرئس في المسيحية وقت الصلاة فقط زي ماقلت كدا وهما رايحين الكنيسة
والراهبات دايما بيصلو لان دي شغلتهم العبادة طول الوقت فا لازم غطاء الراس علطول
بالنسبة لللحية هي مش فريضة بردو علي المسيحيين لكن هي نوع من الوقار لرجال الدين
وياريت يا جماعة مش اي حد يقرا اي حاجة في الانجيل ويفهمها بطريقتة هو يقول معلومات غلط
حضرتك بتتكلم عن الدسقولية
وبالتحدين الجزء الي تقصدة ما هو الا نصائح لحماية المراة مش حماية الرجال من فتنة النساء
أعذرني سؤالك استوقفني كتيييييييييييييييير :fun_broken:
الايه واضحة في القران
والتنفيذ فوري من الصحابيات الجليلات ..... يعني الإلتزام والطاعة فورية بدون نقاش مادام أمر صدر من الله ورسوله
يعني ما سمعتش انه بيأمر بالصلاه والصوم والزكاه والفروض لأنها من البديهيات البينفذها المسلمين
.... إسمحلي أسألك هل سمعت عن صحابية كان خالعة الحجاب وماشية بشعرها
أكيد لأ