انهارده رحت شفت عربية تريوس 2008 أوتوماتيك زجاج خلفي ملون

وبما إني مش عارف فئات التريوس عموما وفئات سنة 2008 خصوصا أرجو من أصحاب الخبرة مساعدتي في تقدير تمن العربية عشان مأظلمش وماأتظلمش

العربية حالتها من بره حلوة فيها خرابيش بسيطة والإكصدام من الطرف طالع سنة لبرة بس العربية فبريكة مش رشة خالص

عاملة 70 ألف كيلو وصيانتها كلها في التوكيل

بتعمل صوت صفارة في الفرامل بس بيقول إنه بكره رايح يعمل صيانتها وهيغير تيل الفرامل في التوكيل

هو طالب 97ألف ونزل لـ 92 ألف جنيه

مش عارف كده يبقى كويس ولا غالي؟

وهو سعرها جديدة (ياباني؟) بكام - زجاج خلفي ملون؟

وشكرا مقدما لكل من ساعد ..

- أحمد