اقتباس المشاركة الأصلية كتبت بواسطة heshamzaky مشاهدة المشاركة
يا باشا أكيد الاخت زينة مش هى الى حا تبقى واقفة بتبيع بنفسها و حا يبقى فية حد عندة فكرة عن الموضوع هو الى واقف و لو هى أو والدها عملو المشروع اكيد حا يبقى على مكتب متابع نسبيا البيع و الشراء فى أول فترة لغاية ما القصة تمشى
و قصدى لما قولت تتخصص فى قطع غيار أنواع معينة دة فعلا أسهل فى المرحلة الاولى بعنى
لو تخصصت فى قطع غيار فيات مثلا طبعا الفيات القديم يعنى
يبقى طقم البوجيهات معروف مفيهوش مشكلة ابلاتين و كندنسر معروف شوية سيور مقاسات مختلفة بس برضو محصورين فى كام مقاس و مساعدين و عفشة برضو القصة مجصورة تقدر تلمها فى خلال كام شهر
دة بجانب بعض الكماليات المعقولة مش المتخصصة و باذن الله القصة تمشى و طبعا يبقى محل أيجار و البضاعة تتجاب من مصدر كويس و التعامل بيبقى ب الاجل

كلام حضرتك سليم 100% كأفكار في دماغنا او كأحلام زي تعبير الأخت زينة
لكن علي ارض الواقع اتمني تكون بهذه السهولة
عارف حضرتك يا ريت تقولي انا هفتح محل للسيور فقط
او محل للكتاوت فقط
او محل للبوجيهات فقط
او محل لطقم الكهربا فقط

لكن انك تفتح محل عشان تبيع كام مكون من المكونات وكمان مش لكل الأنواع لا فقط للفيات

اعتقد صعب

لا

حضرتك ممكن تلعبها بشكل تاني وهتبقي اروش واحسن

محل اكسسوارات

وتبدأ تزود عليه شوية بشوية

بمعني

انا راجل بتاع فاميه وكاسيت وسماعات ودواسات وفرش وكسوة سيارات وزينون وكلاكسات
وبعدها ابدأ اجيب سلوك وكتاوت ولمبات وفيوزات وكلبسات وجميع مستلزمات الكهرباء
وبعدها ابدأ اجيب وشاش فوانيس لجميع الموديلات من بيجو للشاهين للفيات للادا وهكذا
وبعدها ابدأ ادخل في قصة العفشة والجلب والقصة دي
واخر حاجة تتدخل في المواتير والعمرات وقطع الغيار التقيلة

بس المراحل دي كلها هتكون علي مدار 20 سنة تقريبا مش بالسهولة الي انا كتبتها بيها

بس اهي احلام ولو اني اعتقد انها (تخاريف صيام)

والله المستعان
،
،