طيب فيه منها اتو
اه يا فندم فهمت
ربنا يخليك الحمد لله
عرض للطباعة
تم بيع السيارتين الحمد لله دلوقتى بقا نجيب ايه يا شباب
اولا ربنا يعوض عليكم وقل الحمد لله انها جت فى الحديد
ثانيا كل اللى انت طالبه فى هوندا او بولو او باراتى 2005-2006 و اوتو وبردو موتور قوى واعلى من الهوندا وثبات و2005 يعنى جديدة نوعا (يابانى/المانى)
وممكن تجيب الهوندا وتديها لاخوك لما ربنا يحلها ان شاء الله
واولا واخيرا اعمل استخارة اهم من كل شئ
شوف اللينك دا
ContactCars | السيارات المستعملة
فى نقطه احب اوضحها لانك كاتب انك عايز تكييف جبار
الفكترا a تكيف عادي مش تلاجه واعطاله مش قليله
لان العربيه دي اساسا مكنش موجهه او ليها انتشار كبير فى الشرق الاوسط زي الياباني
دي كانت بتنتج فى المانيا وهناك التكييف البارد ملوش اولويه لان الجو هناك تلاجه من غير حاجه
أعتقد أنسب حاجه الهوندا سيفيك
وممكن تشوف برضو الفورد مونديو عربيه محترمه جدا وسعرها يعتبر قليل جدا بالنسبه لقيمتها (بس للاسف معنديش خلفيه كافيه عن التكييف بتاعها)
الحمدو لله طبعا و انا راضى و كلنا راضين الحمد لله
انا على فكره معيا باراتى ههههههههههههههه بس مشغلها بيتعمل دوره موظفين عربيه بيجد جباره ثبات و جرى و تكيف و كل حاجه و على فكره و الله عمله 180 الف كيلو و مقلتش اى بس قطع غيارها نار و مستحيل هجيب منها اتنين دى بتجاب مره واحده فى العمر هههههههههههههه على فكره مفيش منها اتو و دى المشكله عربيه اصيله ببجد
البولو دى كل مواتيرها 1000 و 1300و1400
ميستحملوش سفر مسفات طويله مع جرى و تكيف اعتقد ياعنى
الهوندا يا ريت بس استاذ سمسم قال متقلش عن 48 و ده مستحيل مش معيا والله
طبعا انا متشكر جدا لمسعدتك
دلوقتى بعد نصايحكو ليا و طبعا نصايح اصدقائى لقيت ان مشكلتى مشكله امن قومى هههههههههههههه
و كلو قالى يبانى
ميتسوبيشى كولت
كريستاله
هوندا
سوبارو
بولو معنها المانى
ابيزا
نوبيرا
اكسنت
ليجنزا
فيات
اوبل
اعمل ايه انا مركبتش ولا عربيه من دول و ربنا و لا حتى بالصدفه اعمل ايه
خير الكلام ما قل ودل و 1+1=2
ليجانزا+ فورد مونديو = 2000 سي سي --------------> فورد ال 2000 مش 1600
2000 سي سي = جري وتكييف جامد وقوة موتور
ليجانزا
http://www.xxcars.com/site/itemimage...1-9280ff40.jpg
فورد مونديو
http://pictures.topspeed.com/IMG/cro...o-3_460x0w.jpg
باقي العربيات اللي قولتها 1600 و 1300 ومش طلبك
بس خلاص :d
يارب يفك الكرب الي حضرتك فيه
بس مع احترامي الشديد ليك انت عايز كده 530 ب 45 الف جنيه دي عمرها ما هتحصل
سيفيك اوبل فورد ليجانزا مستحيل تلاقيهم مفيهومش مصاريف وكل الي فاتوا دول الغلطه فيهم بفوره وقطع غيارهم غاليه ومش اي حد يشتغل فيهم
انت عايز تلم الموضوع وتركب وتبقى قادر انك تصرف ضحي شويه بالثبات الخارق الي في الالماني واركب جوليت او لانوس او نوبيرا وحتى لو فيهم مصروف بتتلم بكلام فارغ
والي يقولك اركب امريكي قديم 8 سلندر ده انا طول حياتي مشوفتش 5 عربيات في شوارع المحروسه ويمكن ال 5 دول 3 منهم شوفتهم كزا مره حرام عليك تركب حاجه زي دي
معلش انت عشان يطلعلك مشكله في عفشه حاجه من الالماني مثلا هتكع فلوس كتير
انما لو الدايو عموما عفشتها تتلم بكلام فارغ وطقم سيورها كله اخره 200 جنيه انما اي حاجه من دول ممكن تلاقي السير الواحد ب 150
معلش انا اسف بس انت في موقف المفروض تفكر باسلوب تاني غير اللي بتفكر فيه تماما
انا في موقف مقارب للي حضرتك فيه وركبت لانوس طبعا انت كان معاك جيتا فرق السما والارض
بس معلش اللانوس هتجيب 180 بالتكييف وهتستحملك السنه دي مستريح عفشتها كلها بالف جنيه سيورها كلها 200 جنيه تقريبا اي حاجه بتبوز فيها بكلام فارغ فعلا طب ليه تجيب لنفسك وجع الدماغ
انا لفيت على فكره في السوق كزا مره ملقتش مونديو نضيفه تمامااااا ولا اوبل 95
السيفيك لقيت بس بصراحه انا مضمنش اي عربيه قديمه في اي حاجه خالص حتى لو ايه
على فكره لسه صديق ليا مخلص لانوس 2003 العربيه زيرو بمعنى الكلمه اقسم بالله كانها لسه طالعه من التوكيل مفيهاش جنيه صرف حتى ف كوتش ب 46 الف
يعني لو لقيت وحده رشه جنبين مثلا وحالتها كويس هتبقى ارخص من 45 الف وبالتوفيق
انما 45 الف تركب بيهم احسنها لانوس او جوليت او نوبيرا وحتى مستريح اي حاجه تحصل تعرف تلمها وتبيعها كمان وانت حاطط رجل على رجل ولا يهزك ريح
وفكك بقى من شغل دي بتجيب من 0 ل 200 فكام ثانيه هوه مش سباق
ميرسي جدا لزوق حضرتك
الفكترا a كانت اقل فيكترا فى التكيف وكانت اعطاله ومشاكله كتير لكن فى الـ B بدأت اعطاله تقل
واتحسن أكتر وبشكل ملحوظ فى الـ B2 او الفيس ليفت بدايه من مو 2000
لو انت من هواة الاوبل في عربيه معروضه على كنتاكت كارز اوبل كليبرا 2000cc اتوماتيك موديل 96 ودي مواصفاتها :
لهواة السيارات النادره,اوبل كاليبرا,جنوط,اير باج,abs,اوتوماتيك -traction control-زجاج كهرباء -وحدات رفع-مرايات كهرباء -سنتر-باور-تكييف-كاسيت يو اس بي - فوج لايت,كل قطع الغيار فكترا B,السياره فابريكه دواخل و الخارج رش لتغير اللون فقط و يمكن ازالته و عوده السياره فابريكه,البيع لدواعي السفر حيث اني غير
ودي صورة العربيه المعروضه
صاحبها كاتب السعر 47000 اعتقد وقت التخليص هيكون فى كلام فى السعر لان العربيه كوبيه ونادره واكيد مش هيلاقى ليها زبون بسرعه
ودا موقع فى بعض الصور لعربيات زيها
Dance & Cars: Coupأ©
للأسف انا معنديش اى خلفيه عن العربيه دي ولا عمري شوفتها فى الحقيقه حتى
بس لاقيت الاعلان فحبييت انقلهولك
يا باشا انا معترضتش بس العربيات دى قليله جدا و اغلى من المبلغ بيتاعى و كمان انا مش ركبتوهم و كل مسال حد يقولى ابعد عنهم
اولا ربنا يخليك يا فندم
ثانيا انا اتعلمت السواقه على دايو جوليت
انا مطلبتش 530 ب 45 الف والله انا ليا بعد الشروط مش رفاهيه لكنها ضاروره و ده ليه
لانى العربيه دى امى هتركبها و هى كبيره شويه فى السن فتكيف اساسى و كمان هى مبتسوقش مانويل فلازم اتو
انا عارف انى نازل من جيتا و اى عربيه لا هتدانى الرفاهيه و لا الدلع الكت فيه لاكن الحمد لله ربنا بكره هيفرجها
انا لا اتبترت على الانوس و لا نوبيرا لكن انا و الله مفاهم و لا عارف فين الصح و خصوصان ان عامل السرعه مطلوب جدا لك ان تتخيل اننا انا و امى و ابويا بنركب عربيه ابويا ال523 و ده صعب جدا لان احنا ال 3 بننزل الصبح فا لازم عربيه تنيا و فورا و التجار كلمهم مختلف و العنده حاجه عايز يمشيها و خلاص
حتى اصحابى مش عارفين يساعدونى
و هنا الناس كتر خيرهم نصحونى بس فى نقس الوقت لخبطونى
يا ريت تكون فهمتنى و ربنا يكرم و يفرجها من عاندو
حضرتك دلوقتى بتقول عايز عربية فيها ( ثبات + قوة ماتور + تكييف ثلاجة + اتوماتيك ) طيب تمام هل تفتكر ان فية عربية بالمواصفات دية وهتبقى رخيصة اكيد لأ طبعا ولو لقيت منها رخيص يبقى محتاجة مصاريف , ولو حاولت تصلح فيها هتكون قطع غيارها غالية وهتلاقى نفسك بتدفع على الاقل 3000 الاف جنية تظبيطات والمشكلة انك هتضطر تعمل فيها كل حاجة تظهر فيها لانك بتسافر ولازم تكون العربية معاك نظيفة وماتعطلش بيك
شوف ياباشا انا حاسس بيك والله وعارف ان اللى بيركب حاجة عالية مابيعرفش ينزل منها بس فيه حاجة اسمها ظروف وان شاء الله تعدى على خير وترجع الايام زى الاول واحسن بس لازم تتعب شوية ومش هنتعبك اوى انا عن نفسى شايف ان الاحسن ليك من وجهة نظرى الاتى :
انك تبعد عن اليابانى والالمانى بسبب غلاء قطع الغيار , العربية سعرها غالى عشان تجيب حاجة نظيفة لكن لو جيبت حاجة فيهم بالسعر اللى انت حاطة يبقى كدة هتصرف كتير عليها وكأنك ماعملتش حاجة
* لازم تتنازل عن حاجة على الاقل السرعة المفرطة 180 , والتكييف يكون درجة تبريدة كويسة مش لازم تلاجة وخلى بالك انت داخل على ايام شتاء خلاص يعنى مش هتحتاجة , وان شاء الله الظروف تتعدل بعد كدة
* ارجحلك لانوس للاسباب التالية :
1- سيارة فيها تكييف + اتوماتيك + سرعة لحد 170 كم
2- قطع غيار سعرها رخيص جدا بمعنى كلمة رخيص جدا جدااااااااااااااااااااا مقاربة جدا لل128 بجد ويمكن فية حاجات ارخص منها
3- سعر اعادة البيع مابتنزلش كتير وبياعة لانها تناسب احتياجات المواطن المصرى والدخل بتاعة
4- مساحة الركوب كويسة , واى حد بيشتغل فيها وقطع غيارها موجودة فى كل مكان + ثبات كويس لحد 130
توكل على الله ومعلش اتنازل شوية عشان ربنا يعدلهالك بإذن الله واتعب عشان تلاقى ومادوخش نفسك
ياباشا انا قريت الموضوع كله وكل ردوده وعارف انك مش بتتبتر على الانوس وولا حاجه وعارف بقى انا كنت زييك برضو انا كنت راكب فييرنا ف نيو اكسنت ف النترا
وكنت خلاص داخل اني اخلص ف عربيه جديده وكنت في نفس موقفك بالضبط
عايز اوتوماتك عربيه ثابته ومريحه والالنترا كانت موفره كل ده والمفروض اني كنت هعلى اخلص ف اوكتافيا او سيفيك لقيت بس استغليت فلوسي في مشروع وبقى معايا 45 الف ولفيت نفس لفتك دي بالضبط وقعدت اتدور شهرين ملقتش لا اوبل نضيفه ولا ليجانزا نضيفه
الوحيده ليجانزا نضيفه لقيتها ب 55 الف بس كانت زيرو بجد
اوبل ملقتش وملقتش حد الا وقالي ابعد عن اوبل ورينو الاتنين اعطالهم مقرفه واراهنك ان كانت انظف اوبل في مصر بالذات الموديلات دي مبتحصلش فيها مشاكل في الكهربا ودوره التبريد والتكييف وقطع غيارها نار ممكن تمن حساس فيها يوازي تمن صيانه شامله ف عربيه تانيه كوري
واللي يقولك اوبل كاليبرا دي انت عمرك ما هتلاقيلها فانوس اساسا في مصر كلها والله اعلم موتورها كام سي سي لو فوق ال 2000 انت مش هتلاقيلها لا سيور ولا فلاتر ولا الهوا
هتلاقي نفسك بتفك قطع الغيار وتلف بيها لحد ما تتبهدل وتدخل محل قطع الغيار لو سمحت اديني زي دي بالضبط وهترضى بيها غصب عنك طب ليه تعمل في نفسك كده
هوه نوبيرا او لانوس اوتوماتك تكييف ممتاز وقطع غيار حلوه
او ممكن اقتراح حلو وعملي وسهل تلاقي منها نضيف هات رينو ميجان موديل من 99 ل 2002
عربيه تحفه كل الكماليات والثبات والجري وكل حاجه ممتازه وانضف وحده في مصر هتلاقيها 45 الف ولو جبتها قولي وادلك على حد محترم شغال فيها واستاذ
ولو عرفت تزود ب 55 الف تعالى خلص في الليجانزا الي قولت لك عليها هيا بتاعه صاحب العماره الي انا فيها ونحاول نهز معاه ممكن اخرها يبقى 50 او 52 الف والعربيه دي انضف ليجنازا شوفتها في مصر ماشيه 75 الف كيلو رشه برا نضافه فقط وعربيه فعلا من اللقط
بس ارجوك متفركش في عربيه مالهاش قطع غيار ولما تقارن بين قديم وجديد مهما كان القديم قيم الجديد برضو اعطاله اقل
طبعا ربنا يخليك يا استاذ سمسم طبعا انا نصيحتك دى على راسى بس انا دورت من يومين كده مش لقيت ولا لانوس اتو ناس كتير قلولى نوبيرا او هوندا si و ex وانا برضو سالت كذا واحد قلولى ممكن تجيب هوندا كويسه موديل 92 ب 42 مثلا و انا قلتلهم قطع غيارها غاليه قالو لا و فعلان انا شفت بعينى ان هى مش غاليه اوى ياعنى بس المشكله فين تلاقى العربيه الكويسه
انا بقا دلوقتى قدامى عربيه ميتسوبيشى كولت 96 ماتور 1800 تبع عمى فى الشغل بس انا معرفش اى حاجه عن العربيه دى و هو الماتور ده انجكشن و عايز فيها 43 الف جنيه علشان خاطر عمى هو دلوقتى العربيه دى شكلها ايه و ايه رايك فيها بيقولى تكيفها تحفه و اتو رايك ايه
فعلان والله بس انتا عارف يا باشا القصه كلها انى اقدر اجيب اغلى بس انتا عارف الشغل حوراتو كتير ممكن الصبح يكون مطلوب منى 100 الف و لك ان تتخيل انى مكنش مجهز المبلغ
ده المحجمنى
اليجنزا دى لو صحبها ياجى فى 45 اخودها و الله بس مستحيل هينزل من 55 الى 45 لكن دى امنيه طبعا
الميحان انتا عارف سمعه الميجان و خصوصا عند ابويا بيكرها هى و السيتروين و البيجو مش عارف ايه العادوه البينو و بين الفرنساوى كلو فمعتقدش الميجان هتكون خيار لينا و خصوصان ان ابويا مش بيحبها لكن او منسبها هنجبها طبعا بس انا مش اعرفها والله هدور عليها كده و اشوف
ربنا يخليك على وقتك النتا مضيعو معيا ده ربنا يخليك على مساعدتى يا رب
شكرا يا كبير عملت مشروع ايه بقا يمكن اشركك و لا اعمل زيك هههههههههههههه حبييبى يا استاذ حماده
ربنا يعوض عليك ويباركلك فى العربية الى هتجيبها
قدًر الله ما شاء فعل
بالتوفيق
هو الاداره غيرت اسم الموضوع و نقلتو طيب مش يبلغونى و لا يعرافونى انا دخلت ادور عليه مش لقيتو طيب ده كلام يا مشرفينا طيب ابعتولى رساله علشان بس مدوخش كده
هههههههههههه انا فتحت محل كار كير والحمد والشكر لله
متقلقش من الميجان الموديل ده مفيهوش حوارات كتير زي القديم وعربيه قويه ومفيش بقى الكلام المقرف بتاع الميجان الي بنشوفها
ادخل على contactcars.com ودور في المستعمل انا شايف في حاجات كويسه هي من 99 تقريبا او 98 لحد 2002 او 2003 ان شاء الله لو لقيت وحده كويسه هاتها وابقى ادلك على حد محترم شغال فيها
بالنسبه لليجانزا واقعه بقى في ايد واحد صعيدي صرف وتاجر انسى انه ينزل فيها جنيه لما كانت معايا الالنترا كنت هدخل الاتنين في بعض لقيته بيهرز عايز عربيته ب 60 الف لما خلصت في الالنترا كنت هيشيل الليجانزا ب 52 بس قولت بنزينها كتير ومش بياعه يوم ما هبقى بايعها هتبقى 45 الف ف كبرت دماغي منها بس بصراحه العربيه دي ممكن تبقى انسب اختيار ليك
دايو لانوس 99 اتوماتيك كورى افضل اتوماتيك فى الدايو
الموضوع ده ادفن لما اتغير عنوانو و اتنقل فى قسم المقارنات
السلام عليكم
النصيحة والله عن تجربة للكوري والياباني والأوروبي، وبإذن الله ربنا ينفعك بنصيحتي عن أمانة اشتري بيجو 405 أواخر التسعينات، موتور 1600 صالون كويس جدا تكييف ممتاز ما شاء الله عالية على الأرض كانت معايا موديل 2001 وهي مع أخويا لغاية النهاردة وبنسافر بيها 170- 180 ثابتة وقوية حمالة أسية زي مابيقولو ومفيش قلق من قطع الغيار هتلاقي منها أوتوماتيك 2000سي سي واسمها بريستيج، والاتنين تمام بس هتستغرب لو قلت إن المانيوال فيها كانت مريحاني جدا.. والاختيار الثاني أوبل فيكترا ألماني الشكل القديم أوتوماتيك رائعة بس قطع غيار أغلى وثباتها عالي جدا وموتور قوي جدا لو سليم، وفي الحالتين يراعى الفحص المتأني والكشف الجيد وبالتوفيق وراجع نفسك قبل ماتفكر في صيني أو كوري.
ممكن كمان كيا اسبكترا اتوماتيك
تكيفها ممتاز وشكلها حلو وثباتها كويس جدا " اثبت من البومه "
وكمان هتكون موديل الفينات 2003 وانتا طالع
عيبها : انها مش منتشره زى النوبيرا والبومه وبالتالى بعض قطع غيارها بتكون غاليه
معانا زميل هنا فى المنتدى والدته معاها دايو لانوس وهو ركب للعربية فتيس اوتوماتيك والموضوع كله كلفه غالبا ١٥٠٠ جنيه
والموضوع اهوه:
http://www.nilemotors.net/Nile/145435-a.html
فى اقتراح تانى
ما تاخد الليجانزا دى وتتفق مع صاحبها انك تقسط باقى المبلغ (مش ها يزيد عن ١٠ الاف جنيه) على سنة واحدة بس!!!
الاخ astra love اليجانزا الان ممكن 40 الف علشان لا يوجد اقبال على 2000cc
و قطع غيار غالية
للتوضيح فقط و شكرا
السلام عليكم
أحد الأعضاء اقترح عربية أمريكاني كابرس كلاسيك
و انا اعتقد ان اقتراحة هذا له وجاهته فهي سيارة بها اكثر من المواصفات المطلوبة و قطع غيارها متوفرة و اسعارها معقولة
اما بالنسبة لمشكلة البنزين فيوجد منها معروض به غاز طبيعي