سيارة فى حدود 40 ل 45 الف

**minicooper20** · 17-08-2011 09:52 PM

المشاركة الأصلية كتبت بواسطة omarr

لانوس عربية جميلة

طيب فيه منها اتو

المشاركة الأصلية كتبت بواسطة m.alaa92

م انا قولت لحضرتك قطع غيار الكورى الاصلى معمرة فية و هى ارخص من اليابانى الاصلى
هو الاحسن انك تجيب واحد ب 250 لان حتفرق معاك 50 جنية بالاضافة لمصنعية الميكانيكى كمان يعنى قول مثلا 150
يبقى ابو 250 افضل

اه يا فندم فهمت

المشاركة الأصلية كتبت بواسطة egyptiandiver

ربنا يعوض عليك

ربنا يخليك الحمد لله

**minicooper20** · 18-08-2011 10:17 PM

تم بيع السيارتين الحمد لله دلوقتى بقا نجيب ايه يا شباب

**Ahmed.Fahmy** · 19-08-2011 12:05 AM

اولا ربنا يعوض عليكم وقل الحمد لله انها جت فى الحديد
ثانيا كل اللى انت طالبه فى هوندا او بولو او باراتى 2005-2006 و اوتو وبردو موتور قوى واعلى من الهوندا وثبات و2005 يعنى جديدة نوعا (يابانى/المانى)
وممكن تجيب الهوندا وتديها لاخوك لما ربنا يحلها ان شاء الله
واولا واخيرا اعمل استخارة اهم من كل شئ

شوف اللينك دا

ContactCars | السيارات المستعملة

**mazagngi2010** · 19-08-2011 02:26 AM

المشاركة الأصلية كتبت بواسطة sha2e

فى نقطه احب اوضحها لانك كاتب انك عايز تكييف جبار
الفكترا a تكيف عادي مش تلاجه واعطاله مش قليله
لان العربيه دي اساسا مكنش موجهه او ليها انتشار كبير فى الشرق الاوسط زي الياباني
دي كانت بتنتج فى المانيا وهناك التكييف البارد ملوش اولويه لان الجو هناك تلاجه من غير حاجه

أعتقد أنسب حاجه الهوندا سيفيك
وممكن تشوف برضو الفورد مونديو عربيه محترمه جدا وسعرها يعتبر قليل جدا بالنسبه لقيمتها (بس للاسف معنديش خلفيه كافيه عن التكييف بتاعها)

الراجل ده بيقول كلام زى الفل

**minicooper20** · 19-08-2011 04:09 AM

المشاركة الأصلية كتبت بواسطة sha2e

فى نقطه احب اوضحها لانك كاتب انك عايز تكييف جبار
الفكترا a تكيف عادي مش تلاجه واعطاله مش قليله
لان العربيه دي اساسا مكنش موجهه او ليها انتشار كبير فى الشرق الاوسط زي الياباني
دي كانت بتنتج فى المانيا وهناك التكييف البارد ملوش اولويه لان الجو هناك تلاجه من غير حاجه

أعتقد أنسب حاجه الهوندا سيفيك
وممكن تشوف برضو الفورد مونديو عربيه محترمه جدا وسعرها يعتبر قليل جدا بالنسبه لقيمتها (بس للاسف معنديش خلفيه كافيه عن التكييف بتاعها)

فعلن كتير حذرونى منها معنى ركبت فيكترا c تحفه بجد و كل ناصحونى باليبانى و شكرا جدا لمساعدتك

المشاركة الأصلية كتبت بواسطة mazagngi2010

الراجل ده بيقول كلام زى الفل

فعلن يا فندم

**minicooper20** · 19-08-2011 04:14 AM

دلوقتى بعد نصايحكو ليا و طبعا نصايح اصدقائى لقيت ان مشكلتى مشكله امن قومى هههههههههههههه
و كلو قالى يبانى
ميتسوبيشى كولت
كريستاله
هوندا
سوبارو
بولو معنها المانى
ابيزا
نوبيرا
اكسنت
ليجنزا
فيات
اوبل
اعمل ايه انا مركبتش ولا عربيه من دول و ربنا و لا حتى بالصدفه اعمل ايه

**modo88** · 19-08-2011 08:10 AM

خير الكلام ما قل ودل و 1+1=2
ليجانزا+ فورد مونديو = 2000 سي سي --------------> فورد ال 2000 مش 1600
2000 سي سي = جري وتكييف جامد وقوة موتور
ليجانزا

فورد مونديو

باقي العربيات اللي قولتها 1600 و 1300 ومش طلبك
بس خلاص :d

**حماده المصري** · 19-08-2011 08:56 AM

يارب يفك الكرب الي حضرتك فيه

بس مع احترامي الشديد ليك انت عايز كده 530 ب 45 الف جنيه دي عمرها ما هتحصل

سيفيك اوبل فورد ليجانزا مستحيل تلاقيهم مفيهومش مصاريف وكل الي فاتوا دول الغلطه فيهم بفوره وقطع غيارهم غاليه ومش اي حد يشتغل فيهم

انت عايز تلم الموضوع وتركب وتبقى قادر انك تصرف ضحي شويه بالثبات الخارق الي في الالماني واركب جوليت او لانوس او نوبيرا وحتى لو فيهم مصروف بتتلم بكلام فارغ

والي يقولك اركب امريكي قديم 8 سلندر ده انا طول حياتي مشوفتش 5 عربيات في شوارع المحروسه ويمكن ال 5 دول 3 منهم شوفتهم كزا مره حرام عليك تركب حاجه زي دي

معلش انت عشان يطلعلك مشكله في عفشه حاجه من الالماني مثلا هتكع فلوس كتير

انما لو الدايو عموما عفشتها تتلم بكلام فارغ وطقم سيورها كله اخره 200 جنيه انما اي حاجه من دول ممكن تلاقي السير الواحد ب 150

معلش انا اسف بس انت في موقف المفروض تفكر باسلوب تاني غير اللي بتفكر فيه تماما

انا في موقف مقارب للي حضرتك فيه وركبت لانوس طبعا انت كان معاك جيتا فرق السما والارض

بس معلش اللانوس هتجيب 180 بالتكييف وهتستحملك السنه دي مستريح عفشتها كلها بالف جنيه سيورها كلها 200 جنيه تقريبا اي حاجه بتبوز فيها بكلام فارغ فعلا طب ليه تجيب لنفسك وجع الدماغ

انا لفيت على فكره في السوق كزا مره ملقتش مونديو نضيفه تمامااااا ولا اوبل 95

السيفيك لقيت بس بصراحه انا مضمنش اي عربيه قديمه في اي حاجه خالص حتى لو ايه

على فكره لسه صديق ليا مخلص لانوس 2003 العربيه زيرو بمعنى الكلمه اقسم بالله كانها لسه طالعه من التوكيل مفيهاش جنيه صرف حتى ف كوتش ب 46 الف

يعني لو لقيت وحده رشه جنبين مثلا وحالتها كويس هتبقى ارخص من 45 الف وبالتوفيق

انما 45 الف تركب بيهم احسنها لانوس او جوليت او نوبيرا وحتى مستريح اي حاجه تحصل تعرف تلمها وتبيعها كمان وانت حاطط رجل على رجل ولا يهزك ريح

وفكك بقى من شغل دي بتجيب من 0 ل 200 فكام ثانيه هوه مش سباق