سخونه عند الجرى فوق 80 لمده طويله

**khaled_sabry** · 23-08-2011 09:07 PM

المشاركة الأصلية كتبت بواسطة gazzar91

غطاء رادياتير و حتى لو متغير..... مافيش معنى ليها غير كده عندي بصراحة

والله أعلم

كلام مظبوط انا بعد ماقريت تعليقك غيرت غطاء الريداتير بواحد تانى قديم و مصدى عندى
و المفاجاءه ان الغطا القديم المصدى نهى المشكله دى رغم ان الغطاء الجديد ماكملشى 6 اشهر
بس لسه السخونه هى هى و العزم ضايع زى ماهو

امبارح روحت عند ميكانيكى فرامل و اكتشفت ان عندى فرده ورا قافشه - غيرلى الجلد و التيل
و الراجل شغال فى الفرامل قولت اتسلى شويه ففتحت الكبود و نطيت جوه و اكتشفت ان الابلاتين لادع و ده اللى ملخبط العربيه (سبب مباشر بس موضوع السخونه هو اللى ماخلنيش افكر فيه )

الناهرده بقى روحت اسلك الريداتير و الراجل لما فكه لقى الريداتير مملح و متنيل خالص من تحت و قالى لو سلكتة حتلاقى الحتت المملحه دى حتفك و تخر ميه
يعنى الحل ايه - الحل تتشترى ريداتير جديد نحاس 3 ماسوره (زى القديم )ب 380 جنيه ( هو قالى انه المانى رغم انه طلعه من كرتونه مكتوب عليها "ريداتير البستانى") تفتكرو ده مصرى و بيشتغلنى و لا بجد المانى و البستانى ده المستورد مثلا و ايه رأيكم فى سعره
انا بكره حجرب العربيه على الطريق و ربنا يستر استريح من موضوع السخونه دى

**khaled_sabry** · 24-08-2011 02:04 PM

الحمد لله المشكله اتحلت
هو بصراحه لسه فيه سخونه قليله بس دى راجعه لعدم تظبيط الكهرباء عندى

**gazzar91** · 24-08-2011 03:34 PM

المشاركة الأصلية كتبت بواسطة khaled_sabry

الحمد لله المشكله اتحلت
هو بصراحه لسه فيه سخونه قليله بس دى راجعه لعدم تظبيط الكهرباء عندى

مبروووووووووووووووووووووك

**Eng_Mostafa_89** · 24-08-2011 04:34 PM

العربية "بتسك معاك "لو فيها كهرباء زيادة اخرها دى اللى تعمل معاك المشكلة دى كلها لان الكهرباء الزيادة دى هى اللى تعمل الاعراض اللى حضرتك بتقولها عزم ضعيف وكمان العربية تسخن فى السرعات العالية وجوة البلد سخنويتها تكون كويسة

**khaled_sabry** · 24-08-2011 11:22 PM

المشاركة الأصلية كتبت بواسطة eng_mostafa_89

العربية "بتسك معاك "لو فيها كهرباء زيادة اخرها دى اللى تعمل معاك المشكلة دى كلها لان الكهرباء الزيادة دى هى اللى تعمل الاعراض اللى حضرتك بتقولها عزم ضعيف وكمان العربية تسخن فى السرعات العالية وجوة البلد سخنويتها تكون كويسة

انا عارف مدى السخونه اللى بتحصل لما الكهرباء تبقى مقددمه
لكن اللى كان بيحصل سخونه شديده اوى لدرجه انى اوصل للريد زون
بس الحمد لله خلصت منها مع تغيير الريداتير .. و لسه يوم السبت حتأكد اكتر و حطلع بيها على طريق الشرقيه رايح جاى كزياده اطمئنان قبل مشوار اسيوط اللى فى العيد

**Eng_Mostafa_89** · 25-08-2011 08:53 PM

اصل لسة مجرب موضوع السخونة على الطرق السريعة انماجوة البلد العربية بتبقى زى الفل بس برضة العزم على السرعات العالية بيبقى ضايع ومش عارف تعدى ال 100 خالص ركنت واخرت الكهرباء اتظبطت الحمد لله وبقت تمام التمام

**SYD** · 26-08-2011 09:11 PM

لو عايز تكشف علي طلمبة المياة وهو الردياتير راكب

افتح غطاء الردياتير وبص جواه

وخلي حد يزودلك بنزين او انت زود عن طريق الشداد بتاع الكربراتير

لو لقيت المياة بتقلب كويس (كأنها غسالة من بتوع زمان) يبقي كدة الطلمبة شغالة كويس

لو لقيت المياة بتجري عادي كأنها بتنساب من مرتفع يبقي الطلمبة رايحة في داهية

ملحوظة :::::: اوعي تقرب وشك لو المياة سخنة لأن لو الطلمبة كويسة هتندفع في وشك زي الرصاص
ربنا يحفظك من كل سوء

والله المستعان
،
،

**smsm_nabawy** · 26-08-2011 11:54 PM

طيب ماهو ممكن يعملها و العربية مش سخخنة !! =)))

في بداية التشغيل !! :))

**SYD** · 27-08-2011 04:26 PM

المشاركة الأصلية كتبت بواسطة khaled_sabry

هى كانت الميه بتجرى عادى كأنها بتنساب من مرتفع فى الريداتير القديم
بس الحمد لله فى الريداتير الجديد بتقلب حلو ... بس تفسيرى لكده ان الرداتير القديم كان مسدود و مملح و متنيل خالص فطبيعي ان الميه ماتمشيش فيه كويس

يتهيألى لما الميه بتبقى سخنه حتندفع زى الرصاص بسبب الضغط مش بسبب الطلمبه

حضرتك انا كان عندي في عربيتي اللادا لو فاتح غطا الردياتير ودوست بنزين بلاقي المياة اندفعت برة الردياتير بارتفاع لا يقل عن 50 سم وغرقت الموتور وكل حاجة جوة الحوض

الموضوع: سخونه عند الجرى فوق 80 لمده طويله

LinkBack

أدوات الموضوع

عرض

-

-

-

-

-

-

المواضيع المتشابهه

السيراتو و الركنه لمده طويله !

هل ممكن اركن فى المطار لمده طويله

موضوع مفيد للمحافظه على النيسان لمده طويله (منقول)

محتار مين فيهم هيستحمل الجرى فى الحر

الكلمات الدلالية لهذا الموضوع

المفضلات

المفضلات

ضوابط المشاركة