سخونه عند الجرى فوق 80 لمده طويله

**khaled_sabry** · 28-08-2011 02:18 AM

المشاركة الأصلية كتبت بواسطة syd

حضرتك انا كان عندي في عربيتي اللادا لو فاتح غطا الردياتير ودوست بنزين بلاقي المياة اندفعت برة الردياتير بارتفاع لا يقل عن 50 سم وغرقت الموتور وكل حاجة جوة الحوض

اول مره اسمع عن الحكايه دى
بس حضرتك متأكد ان جوان وش السلندر عندك سليم
اصل من اعراض ضرب جوان وش السلندر (لو غرفة الاحتراق فتحت على الميه ) تلاقى فقاقيه فى الريداتير و مع زياده بالنزين بتزيد الفقاقيع لما يشببه الفوران
و على العموم احتمال فى الادا يكون خرطوم دخول الميه قريب من الغطا
لكن عندى دخول الميه من الريداتير من تحت و بالتالى علشان احس بحركه الميه لازم بتعدى على المواسير الرفيعه اللى بالتأكيد بتقلل من اندفاعها

**SYD** · 28-08-2011 08:13 AM

المشاركة الأصلية كتبت بواسطة khaled_sabry

اول مره اسمع عن الحكايه دى
بس حضرتك متأكد ان جوان وش السلندر عندك سليم
اصل من اعراض ضرب جوان وش السلندر (لو غرفة الاحتراق فتحت على الميه ) تلاقى فقاقيه فى الريداتير و مع زياده بالنزين بتزيد الفقاقيع لما يشببه الفوران
و على العموم احتمال فى الادا يكون خرطوم دخول الميه قريب من الغطا
لكن عندى دخول الميه من الريداتير من تحت و بالتالى علشان احس بحركه الميه لازم بتعدى على المواسير الرفيعه اللى بالتأكيد بتقلل من اندفاعها

يابشا فكرة الردياتير واحدة فكل العربيات واماكن الدخول والخروج للماء واحدة
بس قصدي ان الطرمبة لو سليمة هتدفع المياة بقوة من الردياتير مع التزويد وخصوصا ان خرطوم راجع الموتور من فوق مش من تحت يعني اقرب للزور وبالتالي المياة هتندفع بقوة لما تزود بنزين

مالهاش اي علاقة بوش السلندر وغرفة الحريق

الله المستعان
،
،

**SYD** · 28-08-2011 08:17 AM

وبنفس المنطق لو فتحت غطاء علبة زيت الباور وزودت بنزين جامد هتطرطش زيت برة العلبة

ولو منور النور وزودت بنزين جامد هتلاقي الأضائة زادت

والتكييف وهي العربية ماشية علي سرعة بيبقي احسن منه وهي العربية واقفة علي السلانسيه

كل حاجة بتدور مع كاتينة الموتور بتشد حيلها لما الموتور بيدور اسرع زي طرمبة المياة والدينمو والباور والتكييف

والله المستعان
،
،